1 पतरस 2:25 - चम्बयाली नौआ नियम

²⁵ तुसा पैल्ले भटकी री भेड़ां सांई थिये, पर अवे तुसा मसीह का हटी आए रे हिन, जे तुसा री आत्‍मा रे पुहाल ते मुखिया हिन।

1 पतरस 2:25 ပူးပေါင်းရင်းမြစ်များ

मत्ती 18:12

तुसा कै समजदे? जे कुसकी मणू री सौ भेड़ां होण, ते तिन्हा बिच का इक्क गुआची जाण, तां कै से नड़िनुये जो छड्डी करी तिस गुआची री भेड़ जो तोपणा नी जांगा?

मत्ती 9:36

अते मणूआं री भीड़ जो दिख्खी करी यीशु जो मणूआं पर तरस आया, किजोकी से उन्हा भेड़ां सांई थक्के रे अते बिखरे रे थिये जिन्हेरा कोई पुहाल नी थिया।

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

इब्रानियों 13:20

अवे असा रा सांती दैण वाला परमेश्वर, जिन्हा ने असा रे प्रभु यीशु मसीह जो मुर्देयां बिच का जिन्दा कित्तेया, हमारे जैसी भेड़ां तांइ इक्क पुहाल सांई हिन। तिन्हा ने अपणी जान री कुर्बानी देई करी हमेसा री वाचा जो पक्का कित्तेया।

इब्रानियों 3:1

इधेरे तांइ मेरे संगी विश्वासियों, तुसा जे परमेश्वर रे हिन, परमेश्वर ने तुसा जो स्वर्ग बिच हमेसा री जिन्दगी रे हिस्सेदार बणने तांइ सद्दे रा है। मसीह यीशु पर ध्यान लाई रख्खो, जे असा तांइ परमेश्वर रे पास्से का भेज्जे गेरे प्रेरित ते प्रधान पुरोत्त हिन।

इब्रानियों 5:2

इन्सान होणे रे नात्ते से भी अपणी हर कमजोरी रे अधीन है, इधेरे तांइ से अज्ञानी ते भटके रे लोक्कां कने बड़ा नरम बर्ताव करदा।

1 पतरस 3:20

ए तिन्हा लोक्कां री आत्मां हिन जिन्हा ने लम्बे समय पैल्ले परमेश्वर रे हुकम री ना-फरमानी कित्ती थी, जां नूह अपणा जहाज बणाया करदा थिया, ते परमेश्वर इस गल्ल रा इंतजार करेया करदे थिये कि ए मणू अपणे पाप्पां का तौबा करगे कि नी। पर सिर्फ आठ्ठ मणू ही तिस भयानक बाढ़ बिच डूबणे का बचाए गे।

1 पतरस 5:4

जां मसीह यीशु ने हटी आणा जे असा रे सबका बड्डे पुहाल हिन, तां तिन्हा ने तुसा जो इक्क इदेया ईनाम दैणा जिसेरी चमक कदी नी मुकणी।