1 पतरस 2:23 - चम्बयाली नौआ नियम

²³ जां लोक्कां ने मसीह यीशु री बेजती कित्ती थी, तां तिन्हा ने हटी करी तिन्हा लोक्कां री बेजती नी कित्ती थी। जां लोक्कां ने तिन्हा जो दुख दित्तेया, तां तिन्हा ने लोक्कां जो दुख दैणे री कोसीस नी कित्ती थी। इसेरे बजाए तिन्हा ने परमेश्वर पर मदद तांइ भरोस्सा कित्तेया। से जाणदे थिये कि परमेश्वर हमेसा सही तरिक्के कने सारेयां का हिसाब-किताब लिंदे।

1 पतरस 2:23 ပူးပေါင်းရင်းမြစ်များ

लूका 23:41

असा ने जे भी बुरे कम्म कित्ते तिधेरी सजा असा जो मिलया करदी है पर इस मणू ने तां इदेया किच्‍छ भी नी कित्तेया।

लूका 23:46

अते यीशु ने जोरे सणे बोल्लेया, ओ परम पिता, मैं अपणी आत्‍मा तुसा बिच दिन्दा अते बोल्ली करी यीशु ने अपणे प्राण देई दित्ते।

लूका 23:9

तिसने यीशु का बड़े सवाल कित्ते, पर यीशु ने तिसेरे कोई भी सवाल रा जवाब नी दित्ता

प्रेरितां रे कम्म 17:31

किजोकी तिन्हा ने इक्क रोज पक्का कित्तेया है, तिन्हा मणूआं रे जरिए धर्म कने दुनिया रा हिसाब-किताब करणा, जिन्हा जो तिन्हा ने चुणे रा है तिन्हा जो मरे रेयां बिच का जिंदा करणा, ए गल्ल सबनियां पर प्रमाणित करी दित्ती गे री है।

प्रेरितां रे कम्म 4:29

अवे ओ प्रभु, तिन्हेरी धमकियां जो सुणो, ते अपणे सेवकां जो ए वरदान देयो कि तुसा रा वचन बड़ी हिम्मत कने सुनाण,

प्रेरितां रे कम्म 7:59

से स्तिफनुस पर बट्टे मारदे रे ते से ए बोल्ली करी प्रार्थना करदा रेया, ओ प्रभु यीशु मेरी आत्‍मा जो अपणाई लेयो।

प्रेरितां रे कम्म 9:1

शाऊल जे हल्ले तिकर प्रभु यीशु रे चेल्‍लेयां जो मारणे ते धमकाणे री धुन बिच थिया, प्रधान पुरोत्त का गेया।

रोमियों 2:5

पर किजोकी तुसा ढीठ हिन ते अपणे पाप्पां का तौबा करणे का इन्कार करणे कने तुसा अपणे तांइ बड़ी वरी सजा कठेरेया करदे हिन। किजोकी परमेश्वर रे गुस्सा करणे रा से दिन आया करदा है, जा तिन्हेरा धार्मिक इन्साफ लोक्कां पर ज़ाहिर होणा।

इफिसियों 6:9

ओ मालकों, तुसा जो अपणे गुलाम्मां जो डराणा नी चाएदा, बल्कि तुसा जो तिन्हा जो तिय्यां ही इज्जत दैणी चाएदी जिय्यां मैं तिन्हा जो तुसा री इज्जत करणे तांइ बोल्ले रा है। किजोकी तुसा जाणदे कि तिन्हेरा ते तुसा रा मालक स्वर्ग बिच है ते से कुसकी कने पक्षपात नी करदा।

2 थिस्सलुनीकियों 1:5

तुसा परमेश्वर तांइ दुख-मुसीबतां सहन करेया करदे हिन ते ए तुसा जो तिन्हेरे राज बिच जाणे रे लायक बणांदा। ए इस गल्ल रा सबूत है कि परमेश्वर ने धार्मिकता कने तुसा रा हिसाब-किताब करणा।

2 तीमुथियुस 1:12

इसी गल्ल री वजह कने मैं इत्ते कैद बिच दुख भी सहन करेया करदा है, मैं फिरी भी इस गल्ल तांइ शर्मिंदा नी है किजोकी मैं मसीह जो जाणदा जिन्हा पर मैं विश्वास कित्ते रा है ते मेरे जो पक्का पता है कि से तिसेरी रखवाली करणे बिच पूरे तरिक्के कने ताकतवर हिन जे तिन्हा ने मेरे जो सौंप्पे रा है।

2 तीमुथियुस 4:8

अवे परमेश्वर ने मेरे तांइ स्वर्ग बिच इक्क ईनाम रख्खे रा है किजोकी मैं इक्क धार्मिक जिन्दगी जीत्ती री है जिस कने परमेश्वर खुस हुंदे, प्रभु जे धार्मिकता कने फैसला करदे जां तिन्हा ने दुनिया रा हिसाब-किताब करणे तांइ आणा तां तिन्हा ने से मुकुट मेरे जो दैणा। पर तिन्हा ए ईनाम सिर्फ मेरे जो ही नी दैणा पर तिस हर इक्क मणू जो दैणा जे बड़ी बेसबरी कने तिन्हेरे हटणे रा इंतजार करेया करदे हिन।

इब्रानियों 12:3

इधेरे तांइ यीशु रे उदारण पर ध्यान करो। जे पाप्पी मणू तिन्हा कने नफरत करदे थिये, तिन्हेरी वजह कने यीशु जो किन्ना जादा सहन करणा पेया। ताकि तुसा निरास होई करी हिम्मत ना छड्डी देयो।

1 पतरस 3:9

बुराई रे बदले बुराई मत करो ते ना गाली रे बदले गाली देयो, पर इसेरे उलट आशीर्वाद ही देया करो, किजोकी परमेश्वर ने तुसा जो इधेरे तांइ सद्दे रा है ताकि तुसा सारेयां जो आशीष देयो। जे अगर तुसा इय्यां करगे, तां परमेश्वर ने तुसा जो आशीष दैणी।

1 पतरस 4:19

इधेरे तांइ तिन्हा लोक्कां जो परमेश्वर बिच विश्वास करणा जारी रखणा चाएदा जे मणू परमेश्वर री मर्जी रे मुताबिक जुल्म सहन करदे। परमेश्वर से चीज हमेसा करदे जिसेरा वादा तिन्हा ने कित्ते रा हो, इधेरे तांइ भलाई रे कम्म करदे रेयो।

प्रकाशित वाक्य 19:11

फिरी मैं स्वर्ग जो खुले रा दिख्खेया, ते इक्क सफेद घोड़े जो खड़ित्ते रा दिख्खेया, ते तिस पर इक्क सवार है, जे भरोस्सेमंद सच्चा सेवादार है, से परमेश्वर रे दुश्मणा रे खिलाफ तिस हिसाब कने लड़दा जे परमेश्वर री नजर बिच सही है।