1 पतरस 2:22 - चम्बयाली नौआ नियम

²² पवित्रशास्त्र बिच लिख्खे रा है, “तिन्हा ने कदी कोई पाप नी कित्तेया, तिन्हा ने कदी कोई झूठ नी बोल्लेया।”

1 पतरस 2:22 ပူးပေါင်းရင်းမြစ်များ

मत्ती 27:19

जां से हिसाब-किताब री गद्दी पर बैठ्ठे रा थिया तां तिसेरी लाड़ी ने तिसजो बोल्ली भेज्जेया, तू तिस धार्मिक रे मामले बिच हत्थ मत पादां, किजोकी मैं अज्ज सुपने बिच तिसेरी वजह कने बड़ी तकलीफ झेलि री है।

मत्ती 27:4

ते बोल्लेया, मैं बेगुनाह मणू जो मरवाणे तांइ पकड़वाई करी पाप कित्तेया, तिन्हा ने बोल्लेया, असा जो तिसेरी कोई परवाह नी? से तेरी दिक्कत है।

लूका 23:41

असा ने जे भी बुरे कम्म कित्ते तिधेरी सजा असा जो मिलया करदी है पर इस मणू ने तां इदेया किच्‍छ भी नी कित्तेया।

लूका 23:47

तां रोमी सपाईयां रे हिसाब ने जे किच्‍छ भी होया थिया तिसजो दिख्खेया अते परमेश्वर री तारिफ करदे बोल्लेया पक्का ए इक्क धार्मिक मणू थिया।

यूहन्ना 1:47

यीशु ने नतनएल जो अपणे पास्से आंदे दिख्खी करी उसेरे बारे बिच बोल्लेया: ए सच्ची इस्राएल रे ‍खानदान रा है ते भरोसेमंद है: इस आदमी बिच कोई ढोंग नी है।

यूहन्ना 8:46

तुसा बिच कुण मेरे जो पाप्पी ठैहरादां? जां मैं सच बोलदा तां तुसा मेरा विश्वास किजो नी करदे?

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

इब्रानियों 4:15

असा रे प्रधान पुरोत्त, जे मसीह यीशु हिन, असा री हर कमजोरी जो समजदे, किजोकी शैतान ने तिन्हा जो असा सांई हर गल्ल बिच परखेया, पर फिरी भी तिन्हा ने कोई पाप नी कित्तेया।

इब्रानियों 9:28

तिय्यां ही मसीह भी मते जणेया रे पाप्पां री माफी तांइ इक्क वरी कुर्बानी होए। तिन्हा ने इक्क वरी फिरी हटी करी आणा, पर असा रे पाप्पां तांइ नी, पर तिन्हा लोक्कां जो बचाए जाणे तांइ जे बड़ी लगन कने तिन्हेरा इंतजार करेया करदे हिन।

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।

1 यूहन्ना 3:5

तुसा जो तां पता ही है कि मसीह यीशु मणूआं रे पाप्पां जो दुर करणे तांइ ही दुनिया रे लोक्कां बिच आया अते ए भी कि मसीह बिच कोई भी पाप्पी नी है।

प्रकाशित वाक्य 14:5

ते तिन्हा ने कदी भी झूठ नी बोल्लेया, से बेकसूर मणू हिन।