1 पतरस 2:20 - चम्बयाली नौआ नियम

²⁰ पर जे अगर तुसा जो अपणी कुसकी गलती री वजह का कुट्ट पैंदी तां तिस गल्ल तांइ सजा सैह्ण करणे बिच तुसा री तारिफ करणे री जोग्गी कोई गल्ल नी है। पर जे अगर तुसा कुसकी भलाई रे कम्म तांइ दुख सहन करदे ते तिस बिच सबर भी रखदे, तां परमेश्वर खुस हुंदे।

1 पतरस 2:20 ပူးပေါင်းရင်းမြစ်များ

मत्ती 26:67

तां तिन्हा ने तिन्हेरे मुँह पर थूक्केया ते तिन्हेरे जो मुक्के मारे, दुएयां ने तिन्हेरे जो थप्पड़ मारी करी बोल्लेया।

मत्ती 5:47

जे तुसा सिर्फ अपणे भ्यालां जो ही नमस्ते करदे, तां कुण जदेया कोई बड्ड़ा कम्म करदे? कै गैर यहूदी रे मणू भी इय्यां ही नी करदे?

मरकुस 14:65

तां किच्‍छ लोक्कां यीशु पर थूक्की करी, ते तिन्हेरे मुँह जो ढ़की करी मुक्के मारणा सुरु करी दित्ता ते तिन्हा रा मजाक उड़ाणे तांइ तिन्हा जो बोल्लेया, “अगर तू भविष्यद्वक्ता है तां दस्स कि कुसने तिज्जो मारेया!” अते सैनिकां ने तिन्हा जो पकड़ी करी थप्पड़ मारे, ते तिन्हा जो लेई गे।

लूका 6:32

जे तुसा अपणे प्यार करणे वालेयां कन्ने ही प्यार कने रैह्न्गे तां इस अन्दर कुण देई बड्डी गल्ल ए? किजोकी पापी मणू भी तां इय्यां ही करदे

1 कुरुन्थियों 4:11

असी अज्ज रे दिन तिकर असी भूखे-प्यासे अते फटे-पुराणे चिथड़े बिच हिन, अते लोक्कां का कुट्ट खांदे हिन ते बेघर हिन,

गलातियों 4:18

ठीक मकसद तांइ हमेसा जोस बिच रैह्णा ता ठीक गल्ल है, ना की सिर्फ तिस बेल्ले जां मैं तुसा कने हुंदा।

इफिसियों 5:10

ते ए परखो की परमेश्वर जो कै पसंद आदां।

फिलिप्पियों 4:18

मेरे का सारा किच्‍छ है, बल्कि जरुरत का भी जादा है; जे चीजां तुसा इपफ्रुदीतुस रे हत्थां भेजी थी तिन्हा जो पाई करी मैं रजी गे रा है, तुसा री भेज्जी री चीजां परमेश्वर जो चढ़ाए रे खुशबूदार दान ते कुर्बानी सांई हिन। जे परमेश्वर जो मंजुर ते पसंद आणे वाली चीजां हिन।

1 पतरस 2:19

किजोकी जे अगर असी बगैर कुसकी गलती रे, ए जाणदे होए दुख सहन करी लैण कि परमेश्वर सब किच्‍छ जाणदे, तां इस कने परमेश्वर खुस हुंदे।

1 पतरस 3:14

पर जे अगर तुसा जो भलाई रे कम्म करणे री वजह कने भी जुल्म सैह्‍णा पये, तां परमेश्वर ने तुसा जो आशीष दैणी। तिय्यां ही करो जिय्यां कि यशायाह ने पवित्रशास्त्र बिच लिख्खे रा है, “तिन्हा लोक्कां का मत डरो जे तुसा जो धमकांदे, ते इस गल्ल री फिकर मत करदे कि लोक्कां ने कै करणा।”

1 पतरस 3:17

जे अगर परमेश्वर री ए ही मर्जी हो कि असा जो अपणे भलाई रे कम्मां रे बदले जुल्म सैह्‍णा पेयो, तां से ही बदिया है। ए अपणे बुरे कम्मां रे बदले जुल्म सैह्णे का जादा खरा है।