1 पतरस 2:2 - चम्बयाली नौआ नियम

² जिय्यां कि नौए जम्मे रे बच्चे अपणी मां रे दूद्द जो तोपदे, जे कि इक्कदम खरा हुंदा, तिय्यां ही तुसा जो भी परमेश्वर रे वचन जो सिखणी री चाह्‍त रखणा चाएदी ताकि तुसा आत्मिक तौर पर परिपक्व होई जाओ। तां फिरी आखिर बिच, परमेश्वर ने तुसा जो इस दुनिया री बुरी चीजां का बचाणा।

1 पतरस 2:2 ပူးပေါင်းရင်းမြစ်များ

मत्ती 18:3

ते बोल्लेया, मैं तुसा कने सच बोल्दा, जां तांइ तुसा अपणे पाप्पां का तौबा करी के बच्चेयां सांई नी बणी जान्दे, स्वर्ग रे राज बिच जाई नी सकणा।

मत्ती 19:14

यीशु ने बोल्लेया, निके-निकेयाँ जो मेरे का आणा देयो, इन्हा जो मत रोको, किजोकी स्वर्ग रा राज इदेयां रा ही है।

मरकुस 10:15

मैं तुसा कने सच बोलदा कि जे कोई परमेश्वर रे राज जो छोटे बच्चेयां सांई अपनादां, से ही परमेश्वर रे राज बिच जाई सकदा।

लूका 18:17

मैं तुसा जो सच बोल्दा, कि इदेया कोई भी जे परमेश्वर रे राज जो निक्के-निक्के सांई नी मन्गा, स्वर्ग बिच से नी जाई सकदा।

रोमियों 6:4

जां असा ने बपतिस्मा लित्तेया, तां ए इदेया थिया कि जिय्यां असी मसीह यीशु कने मरी गे, ते तिन्हा कने दब्बी दित्ते गे, ते जिय्यां पिता परमेश्वर री अनौखी महिमा ने मसीह यीशु जो जिन्दा कित्ता, तिय्यां ही असी भी तिन्हेरे सांई नौई जिन्दगी जीण।

1 कुरुन्थियों 14:20

ओ संगी विश्वासियों, इन्हा गल्लां जो समजणे बिच बच्चेयां सांई ना बणो, बुराई करणे बिच तां बच्चेयां सांई अनजाण ही रेयो, पर इन्हा गल्लां जो समजणे बिच अक्कलमंद बणो।

इफिसियों 2:21

मसीह यीशु रे ही वजह कने ही पूरी इमारत इक्क गठ्ठ बिच बन्ने री रैहन्दी। से अपणे सारे लोक्कां जो इक्क गठ्ठ बिच रख्खी करी परमेश्वर रा पवित्र मन्दिर बणाया करदे हिन।

इफिसियों 4:15

प्यार कने सच बोलणे रे जरिये असा जो हर इक्क गल्ल बिच मसीह यीशु सांई बणने तांइ पकदे जाणा चाएदा, जे असा रे प्रधान हिन।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

1 पतरस 1:23

तुसा जो अप्पु-मिते प्यार रखणा चाएदा किजोकी तुसा जो परमेश्वर का इक्क नौई जिन्दगी मिल्ले री है। तुसा जो ए जिन्दगी कुसकी इदेइ चीज रे जरिये नी मिल्ले री है जे इक्क दिन मुकी जाणी पर कुसकी इदेइ चीज रे जरिये मिल्ले री है जे हमेसा-हमेसा तिकर रैह्णी ते से परमेश्वर रा जिंदा ते हमेसा तिकर रैह्णे वाला वचन है।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।