1 पतरस 2:19 - चम्बयाली नौआ नियम

¹⁹ किजोकी जे अगर असी बगैर कुसकी गलती रे, ए जाणदे होए दुख सहन करी लैण कि परमेश्वर सब किच्‍छ जाणदे, तां इस कने परमेश्वर खुस हुंदे।

1 पतरस 2:19 ပူးပေါင်းရင်းမြစ်များ

लूका 6:32

जे तुसा अपणे प्यार करणे वालेयां कन्ने ही प्यार कने रैह्न्गे तां इस अन्दर कुण देई बड्डी गल्ल ए? किजोकी पापी मणू भी तां इय्यां ही करदे

यूहन्ना 15:21

पर तिन्हा लोक्कां ने तुसा पर भी जुल्म करणा किजोकी तुसा मेरे चेल्‍ले हिन, किजोकी से परमेश्वर जो नी जाणदे जिस ने मेरे जो भेज्जे रा है।

प्रेरितां रे कम्म 11:23

से तित्ते पूज्जी करी परमेश्वर रे अनुग्रह जो दिख्खी करी बड़ा खुस होया ते सब जो शिक्षा दित्ती की तन मन लगाई करी प्रभु यीशु कने लिपटी रेयो,

रोमियों 13:5

इधेरे तांइ ना सिर्फ सजा का बचणे तांइ, पर अपणे विवेक जो साफ रखणे तांइ भी तुसा जो तिन्हेरे अधीन रैह्णा चाएदा।

1 कुरुन्थियों 15:10

परमेश्वर रे अनुग्रह री वजह कने ही मैं प्रेरित बणेया, तिन्हेरा से अनुग्रह जे मेरे पर होया, तिसेरा मेरी जिन्दगी बिच बड़ा जादा असर रेया। मैं तिन्हा सारे प्रेरितां का बधी करी मैहनत भी कित्ती: तां भी ए मेरे पास्से का नी होया पर परमेश्वर रे अनुग्रह री वजह जे मेरे पर है।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 8:1

अवे ओ विश्वासी भाईयों, असी तुसा जो परमेश्वर रे तिस अनुग्रह रा बसेख दिदें जे मकिदुनिया प्रदेश रे विश्वासियां पर होए रा है।

2 तीमुथियुस 1:12

इसी गल्ल री वजह कने मैं इत्ते कैद बिच दुख भी सहन करेया करदा है, मैं फिरी भी इस गल्ल तांइ शर्मिंदा नी है किजोकी मैं मसीह जो जाणदा जिन्हा पर मैं विश्वास कित्ते रा है ते मेरे जो पक्का पता है कि से तिसेरी रखवाली करणे बिच पूरे तरिक्के कने ताकतवर हिन जे तिन्हा ने मेरे जो सौंप्पे रा है।

इब्रानियों 10:2

जे अगर अराधना करणे वाले मणू पाप का साफ होई जांदे, ते तिन्हेरा विवेक साफ होई जांदे, तां फिरी कुर्बानियां चढ़ाणे री कदी जरुरत नी पैंदी।

1 पतरस 2:20

पर जे अगर तुसा जो अपणी कुसकी गलती री वजह का कुट्ट पैंदी तां तिस गल्ल तांइ सजा सैह्ण करणे बिच तुसा री तारिफ करणे री जोग्गी कोई गल्ल नी है। पर जे अगर तुसा कुसकी भलाई रे कम्म तांइ दुख सहन करदे ते तिस बिच सबर भी रखदे, तां परमेश्वर खुस हुंदे।

1 पतरस 4:15

जे अगर तुसा जो दुख झेलणा पे, तां इस वजह कने नी कि तुसा हत्यारे, चोर ते बुरे कम्म करणे वाले मणू हिन, या दूज्जेयां रे कम्म बिच रुकावट पाणे वाले मणू हिन,