1 पतरस 2:15 - चम्बयाली नौआ नियम

¹⁵ परमेश्वर चाह्‍ंदे कि तुसा भलाई रे कम्म करो ताकि तुसा तिन्हा मुर्ख लोक्कां जो अप्पु पर इल्जाम लाणे का रोक्की सको जे परमेश्वर जो नी जाणदे।

1 पतरस 2:15 ပူးပေါင်းရင်းမြစ်များ

मत्ती 25:2

उन्हा बिच का पंज कुवांरियाँ लापरवाह थी ते पंज कुवांरियाँ समजदार थियां।

मत्ती 7:26

पर जे कोई मेरे इन्हा वचनां जो सूणदा पर उन्हा पर चलदा नी, से उस बेवकूफ मणू सांई हिन, जिनिए अपणा घर रेत पर बणाया।

रोमियों 1:21

इधेरे तांइ कि तिन्हा ने परमेश्वर जो जाणदे होए भी ना ही तिन्हेरी महिमा कित्ती, ते ना ही तिन्हेरा शुक्रिया कित्ता, पर से मणू इदेइ बेवकूफी री गल्लां सोचणा लग्गी पे कि परमेश्वर कदेय दिसदे होणे। इसेरा अंजाम ए होया कि तिन्हेरी समझ पर पर्दा पेई गेया।

गलातियों 3:1

ओ गलातिया कलीसिया रे मणूओं, तुसा नासमझ होई गेरे हिन। मैं तुसा जो साफ-साफ समजाया थिया कि यीशु मसीह ने सुली पर कुर्बानी किजो दित्ती थी, पर फिरी भी तुसा किय्यां धोखा खाई सकदे?

1 थिस्सलुनीकियों 4:3

किजोकी परमेश्वर री ये मर्जी है कि तुसा व्यभिचार ना करो ते पवित्र बणो।

1 थिस्सलुनीकियों 5:18

हर हालात बिच परमेश्वर रा शुकर करो किजोकी तुसा तांइ मसीह यीशु बिच परमेश्वर री ए ही मर्जी है।

1 तीमुथियुस 1:13

मसीह बिच विश्वास करणे पैल्ले तां मैं तिन्हेरी बुराई करदा थिया, विश्वासी लोक्कां पर जुल्म करी के बड़ी बेरहमी कने तिन्हेरा नुक्सान करदा थिया पर फिरी भी परमेश्वर ने मेरे पर दया कित्ती किजोकी मेरे जो नी पता थिया कि मैं जे करेया करदा है से गलत है किजोकी तिस बेल्ले तक मैं मसीह यीशु बिच विश्वास नी कित्तेया थिया।

तीतुस 2:8

जां तू विश्वासियां जो सिखाए तां तू ठीक मकसद कने इस हिसाब कने सिखाए जिस कने मणू तेरी इज्जत करण। से ही सिखाओ जे सच है ते जिस पर कोई बहस ना करी सके ताकि तुसा रे दुश्मण शर्मिंदा होई जाण किजोकी तिन्हा का असा रे बारे बिच बोलणे तांइ किच्‍छ भी गलत नी होणा।

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

1 पतरस 2:12

तुसा रे नेड़े-तेड़े रैह्णे वाले मणू जे परमेश्वर बिच विश्वास नी करदे इय्यां जरुर बोलगे कि तुसा गलत कम्म करेया करदे हिन। पर तुसा इक्क इदेइ जिन्दगी जियो ताकि से मणू तुसा रे भलाई रे कम्मां जो दिख्खी सकण ते मसीह यीशु रे हटणे रे दिन पर परमेश्वर री महिमा करण।

1 पतरस 3:16

हमेसा भलाई रे कम्म करणे तांइ तैयार रेयो, तिन्हा ने तुसा रे बदिया बोल-चाल जो दिख्खी करी शर्मिंदा होणा किजोकी तुसा मसीह रे मणू हिन।

1 पतरस 3:17

जे अगर परमेश्वर री ए ही मर्जी हो कि असा जो अपणे भलाई रे कम्मां रे बदले जुल्म सैह्‍णा पेयो, तां से ही बदिया है। ए अपणे बुरे कम्मां रे बदले जुल्म सैह्णे का जादा खरा है।

1 पतरस 4:2

इसेरे अंजाम रे तौर पर तिस मणू ने इस दुनिया बिच अपणी बाकि री जिन्दगी अपणे सरीर री बुरी इच्छा जो पूरा करदे होए नी बिताणी, पर तिसने से ही कम्म करणा जे परमेश्वर तिसका करवाणा चाह्‍ंदे।

2 पतरस 2:12

पर ए झूठ्ठे शिक्षक जंगली जानवरां सांई हिन। ए जानवर नी जाणदे कि किय्यां सोचणा चाएदा ते तिन्हेरी जिन्दगी मकसद सिर्फ पकड़ी करी मरणा ही है। ए मणू जे भी तिन्हेरे दिमाग बिच आंदा, से ही करदे, ते से तिस गल्ल रे बारे बिच भी गलत गल्लां बोलदे जिन्हा जो से समजदे नी। तिन्हा ने पक्के तौर पर बर्बाद होई जाणा।

यहूदा 1:10

पर मसीह बिच विश्वास करणे रा ढोंग करणे वाले ए मणू तिन्हा गल्लां रे बारे बिच पुठ्ठी-सीद्दी गल्लां बोलदे जिस जो से समजदे भी नी, ते जिन्हा चीजां जो से जाणदे ते कुदरती तौर पर जानवरां सांई करदे से चीजां करणे री वजह कने ही बर्बाद भी होई जांदे।