1 पतरस 2:11 - चम्बयाली नौआ नियम

¹¹ प्यारे विश्वासियों, तुसा इस दुनिया बिच इक्क अजनबी सांई रेया करदे हिन। मैं तुसा जो चितौणी देया करदा है कि तुसा सरीर री बुरी इच्छां का दुर रेयो किजोकी से तुसा री आत्‍मा रे खिलाफ लड़दी।

1 पतरस 2:11 ပူးပေါင်းရင်းမြစ်များ

लूका 21:34

ध्यान रख्खो, ताकि तुसा रे मन डटी करी पीणे अते पियाणे तांइ अते इस दुनिया री चिन्ता जो लेई करी बेफिक्करे नी होई जाए कुदखी इय्यां ना हो कि जे तुसा सोच्चे दा भी नी हो से तुसा कन्ने होई जाओ।

प्रेरितां रे कम्म 15:20

पर तिन्हा जो चीठ्ठी लिख्खी भेज्जो, कि से मूर्तां जो चढ़ाई री रोट्टी तुसा जो नी लैणी चाएदी ते व्यभिचार का बची रैह्ण गला घोटी करी मारे रे जानवर रा मांस ना खाण ते खून जो कदी ना खाण,

प्रेरितां रे कम्म 15:29

कि तुसा मूर्तां जो भेंट कित्ते री रोट्टी तुसा जो नी लैणी चाएदी ते व्यभिचार का बची रेंन गला घोटी करी मारे रे जानवर रा मांस ना खाण ते खून जो कदी ना खाण। इन्हा सबका दुर रेयो तां तुसा रा भला होणा, अग्गे बिदा।

रोमियों 12:1

इधेरे तांइ ओ संगी विश्वासियों, मैं तुसा जो परमेश्वर रे दया जो याद दुआई करी तुसा का छन्दे करदा, कि अप्पु जो जिन्दा, ते पवित्र अते परमेश्वर जो भाणे वाले कुर्बानी रे रुप बिच चढ़ाओ। परमेश्वर री सेवा करणे रा ए ही सही तरिक्का है।

रोमियों 7:23

पर मेरे सरीर रे हर हिस्से बिच इक्क इदेइ कानून मिलदा जे मेरे दिल कने परमेश्वर रे कानून रे खिलाफ लड़ेया करदी है, ते ए मेरे जो पाप रे स्वभाव रा गुलाम बणाई रखदा जे हल्ले भी मेरे अंदर है, ते तिस हर इक्क कम्म जो काबू करदा, जे मैं करदा।

रोमियों 8:13

किजोकी जे अगर तुसा पाप रे स्वभाव रे काबू बिच जिन्दगी जिंगे, तां परमेश्वर का बखरे कित्ते जाणे, ते जे अगर तुसा पवित्रात्मा री ताकत कने से कम्म करणा छड्डी देयो जे पाप रे स्वभाव कने हुंदा, तां तुसा ने जीणा।

2 कुरुन्थियों 5:20

इस तांइ असी मसीह यीशु रे राजदूत हिन मन्नों परमेश्वर असा रे जरिए बिनती करेया करदे हिन; असी मसीह यीशु रे पास्से का बिनती करेया करदे हिन की परमेश्वर कने मेल जोल करी लेयो।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

2 कुरुन्थियों 7:1

अते ओ प्यारे संगी विश्वासियों, जां परमेश्वर ने असा कने ए वादा कित्ते रा है कि तिन्हा ने असा जो अपणे बच्चेयां रे रुप बिच अपणाई लैणा, इधेरे तांइ, आओ असी हर तरिक्के री बुराई जो छड्डी दैण, ते इक्क पवित्र जिन्दगी जीणे री कोसीस करदे रैह्ण।

गलातियों 5:24

अते जे मणू मसीह यीशु रे हिन, तिन्हा ने अपणे सरीर री बुरी इच्छां जो मसीह कने सुली पर चढ़ाई दित्ते रा है, ते से अवे अपणी सरीर री बुरी इच्छा रे काबू बिच नी हिन।

इफिसियों 2:19

इधेरे तांइ अवे तुसा गैर यहूदी मणू अनजाण ते परदेसी नी रे पर अवे तुसा परमेश्वर रे लोक्कां कने मिली गेरे हिन ते अवे तुसा परमेश्वर रे परिवार रा हिस्सा हिन।

इफिसियों 4:1

इधेरे तांइ मैं जे प्रभु री सेवा करणे री वजह कने कैद बिच है, तुसा रे छन्दे करदा कि जिस बुलाह्ट कने तुसा सद्दे गे थिये, तिस जोग्गी चालचलन बणाई रख्खो,

2 तीमुथियुस 2:22

इधेरे तांइ जुआन्नी री बुरी इच्छा का दुर रेयो ते जे मणू प्रभु रा नां लिंदे रैह्‍न्दे तिन्हा मणूआं कने धार्मिकता, ते विश्वास, ते प्यार ते मेल जोल री कोसीस बिच रेयो।

इब्रानियों 11:13

ए सारे लोक, जिन्हा ने परमेश्वर बिच विश्वास कित्तेया थिया, से मणू इस गल्ल जो समजदे होए कि परमेश्वर ने तिन्हेरे तांइ कै करणा, तिन्हा वादे कित्ते री चीजां पाए बगैर ही मरी गे, तिन्हा ने इस गल्ल जो समजेया कि से इस दुनिया बिच परदेसी हिन।

इब्रानियों 6:9

पर ओ प्यारे लोक्कों, ए चितौणियां तुसा तांइ नी हिन, किजोकी तुसा ठीक कम्म करेया करदे हिन ते परमेश्वर ने तुसा जो पैल्ले ही बचाई लित्ते रा है।

याकूब 4:1

तुसा बिच लड़ाई-झगड़े सिर्फ तिन्हा एशो-अराम री वजह कने आई गेरे हिन जे तुसा रे बिच लड़दे-भिड़दे रैहन्दे।

1 पतरस 1:1

मैं पतरस मसीह यीशु रा प्रेरित है। मैं पुन्तुस, गलातिया, कप्पदुकिया एशिया ते बितूनिया रे इलाक्केयां बिच इक्क अजनबी रे तौर पर रैह्णे वाले परमेश्वर रे चुणे रे लोक्कां जो ए चीठ्ठी लिख्खेया करदा है।

1 पतरस 1:17

परमेश्वर जाणदे कि हर इक्क मणू ने क्‍या-क्‍या कित्ते रा है, ते से हर इक्क मणू का बगैर कोई पक्षपात कित्ते हिसाब-किताब लिंदे। जां तुसा परमेश्वर का प्रार्थना करदे तां तुसा तिन्हा जो पिता बोल्ली करी पुकारदे। इधेरे तांइ जां तिकर तुसा इस धरती पर इक्क अजनबी सांई रैह्‍न्दे तुसा हमेसा तिन्हेरा आदरमान करो।

1 पतरस 4:12

ओ प्यारे दोस्तो, मसीह रे मणू होणे रे नात्ते तुसा जे जुल्म सहन करेया करदे हिन, तिन्हेरी वजह कने हैरान मत हो, पर ए सारी चीजां ए दिखाणे तांइ होया करदी हिन कि तुसा हकीकत बिच परमेश्वर बिच विश्वास करदे या नी। इधेरे तांइ ए मत सोच्चो कि तुसा कने किच्‍छ अजीब होया करदा है।

1 पतरस 4:2

इसेरे अंजाम रे तौर पर तिस मणू ने इस दुनिया बिच अपणी बाकि री जिन्दगी अपणे सरीर री बुरी इच्छा जो पूरा करदे होए नी बिताणी, पर तिसने से ही कम्म करणा जे परमेश्वर तिसका करवाणा चाह्‍ंदे।

2 पतरस 3:1

ओ मेरे प्यारे दोस्तों, अवे ए दूज्जी चीठ्ठी है जे मैं तुसा जो लिख्खेया करदा है दोन्नां चीठ्ठियां बिच मैं तुसा जो से गल्लां याद कराई करी, जे तुसा ने पैल्ले का सिख्खे री हिन, तुसा जो सही तरिक्के कने सोचणे तांइ होंसला बंधाणे री कोसीस करेया करदा है।