1 पतरस 2:1 - चम्बयाली नौआ नियम

¹ इधेरे तांइ हर तरिक्के री नफरत, धोख्खेबाजी, ढोंग, हिर्स ते लोक्कां री बदनामी करणा छड्डी देयो।

1 पतरस 2:1 ပူးပေါင်းရင်းမြစ်များ

मत्ती 15:7

ओ ढोंगियों! यशायाह ने तुसा रे बारे बिच ए भविष्यवाणी ठीक ही कित्ती थी।

मत्ती 23:28

इय्यां ही तुसा बाहर का तां धार्मिक लिबदे हिन पर अन्दर का छल-कपट अते अधार्मिकता कने भरितेरे हिन।”

मत्ती 24:51

तां तिनिये तिसजो वरी सजा दैणी ते तिसेरा हिस्सा ढोंगियां कने ठेहराणा: उत्ते रोणा ते दांद्द पिह्णा होणा।

मत्ती 7:5

ओ ढोंगी! पैल्ले तू अपणी बड्डी गलतियां जो सुधार, फिरी तू ठीक तरिक्के कने अपणे भाई री गलतियां जो सुधारी सकणा।

मरकुस 12:15

कै असा जो चुंगी दैणी चाएदी या नी दैणी चाएदी?” यीशु तिन्हा लोक्कां रे कपट जो समजी गे, ते फरीसियां ते हेरोदेस रे समुह रे लोक्कां जो बोल्लेया, “तुसी मणू किजो मेरे जो परखेया करदे हिन? मेरे का इक्क दीनार रा सिक्कालेई आओ, मैं तुसा जो जवाब दिंदा।”

लूका 11:44

तुसा पर लाणत है! किजोकी तुसा तिन्हा लुके री कब्रां सांई हिन जिन्हा पर मणू चलदे पर जाणदे नी।

लूका 12:1

जां हजारां रे साह्बे मणू कठ्ठी गे ते सब इक्क दूज्जे पराल्ले चढ़या करदे थिये, तां यीशु ने पैल्ले अपणे चेल्‍लेयां जो बोल्लेया, कि फरीसी मणूआं रे खमीर का जे कि इन्हेरा कपट है, बची करी रेयो

लूका 6:42

जां तेरी अपणी जिन्दगी बिच बड्डी गलतियां हिन, तां तुसा किय्यां अपणे भाई जो बोल्ली सकदे कि अपणी गलतियां जो सुधार? ओ ढोंगी, पैल्ले तू अपणी बड्डी गलतियां जो सुधार, फिरी तू ठीक तरिक्के कने अपणे भाई री गलतियां जो सुधारी सकणा।

यूहन्ना 1:47

यीशु ने नतनएल जो अपणे पास्से आंदे दिख्खी करी उसेरे बारे बिच बोल्लेया: ए सच्ची इस्राएल रे ‍खानदान रा है ते भरोसेमंद है: इस आदमी बिच कोई ढोंग नी है।

रोमियों 1:29

इस तांइ से हर तरह रे अधर्म, ते दुष्टता, ते लालच, ते नफरत कने भरी गे। ते जलन, ते खून, ते झगड़े, ते धोखा, ते हिर्स कने भरी गे, ते चुगलखोर,

1 कुरुन्थियों 14:20

ओ संगी विश्वासियों, इन्हा गल्लां जो समजणे बिच बच्चेयां सांई ना बणो, बुराई करणे बिच तां बच्चेयां सांई अनजाण ही रेयो, पर इन्हा गल्लां जो समजणे बिच अक्कलमंद बणो।

1 कुरुन्थियों 5:8

इधेरे तांइ आओ असा अपणा फसह रा त्योहर मनांदे जिय्यां कि यहूदी मणू तराक्क जो कड्डी करी सूटी दिंदे ते अखमीरी रोट्टी खांदे थिये, तिय्यां ही असा जो भी जिन्दगी तिस हिसाब कने नी जीणा चाएदी जिय्यां असी मसीह यीशु बिच विश्वास करणे का पैल्ले जिंदे थिये।

2 कुरुन्थियों 12:20

किजोकी मेरे जो डर है, कि कुते इय्यां ना होई जाए कि जां मैं तुसा का आं, तां जदेया मैं चाह्‍ंदा, तुसा तदेय ना होण, ते तुसा भी मेरे जो तदेया ना पाओ जदेया तुसा मेरे जो चाह्‍ंदे। ते मेरे जो डर है कि तिसेरी वजह कने तुसा बिच लड़ाई, हिरस, गुस्सा, विरोध, मतलबीपन, चुगली, घमण्ड, धोखा-धड़ी ते बखेड़े होई जाणे।

इफिसियों 4:31

सबणी किस्मे री कड़वाट, ते गुस्से ते लैहर-र ते कहला, ते बेजती, सारे बैर भाव समेत तुसा का दुर कित्ते जान्

1 थिस्सलुनीकियों 2:3

किजोकी असा रा उपदेस ना वहम कने है ते ना गलत इराद्दे कने, ते ना छल कने है।

1 तीमुथियुस 3:11

सेवादारां री लाड़ियां रा लोक्कां बिच खरा नां होणा चाएदा। से मणूआं पर इल्जाम लाणे वाली नी होणा चाएदी, पर तिन्हा जो चज्ज कने बर्ताव करणा चाएदा ते से पूरे तरिक्के कने भरोस्सेमंद होणा चाएदी।

तीतुस 2:3

इय्यां ही बुजुर्ग जनानियां भी इदेय हिसाब कने बर्ताव करण जिस कने परमेश्वर जो हर गल्ल बिच महिमा मिल्ले। से मणूआं पर इल्जाम लाणे वाली ते सराबी ना होण पर से ठीक जिन्दगी जीणे री शिक्षा दैणे वाली बनण।

इब्रानियों 12:1

जां विश्वास बिच जीणे वाले इन्हा मणूआं री मती सारी गवाहियां जो असी जाणदे, इधेरे तांइ आओ, असी तिन्हा सारी चीजां जो छड्डी दैण, जे असा जो रोकदी, ते उलझाणे वाले जो दुर करी के, सबर कने तिस रस्ते पर बदधे जाण, जिस पर असा जो जाणा चाएदा।

याकूब 1:21

इधेरे तांइ सारी गन्दगी ते नफरत जो छड्डी करी परमेश्वर रे वचन जो निमते मन कने अपणाई लेयो जे दिल बिच बोया गे रा है ते जे तुसा जो छुटकारा देई सकदा।

याकूब 3:14

पर जे अगर तुसा रे मन बिच बड़ा हिरस अते मतलबीपन है, तां तुसा झूठ बोल्ली करी इस सच्चाई पर पर्दा पाया करदे हिन कि तुसा समजदार नी हिन।

याकूब 4:11

ओ संगी विश्वासियों, इक्क दूए री बदनामी मत करेया करो, जे अपणे संगी विश्वासी री बदनामी करदा या तिस पर इल्जाम लादां, तां से मूसा रे कानून री बदनामी करदा ते मूसा रे कानून पर इल्जाम लादां, ते तू मूसा रे कानून पर चलणे वाला नी पर तिस पर हाकिम ठैहरेया।

याकूब 4:5

तुसा जो ए समझणा चाएदा की परमेश्वर पवित्रशास्त्र बिच ए बोलदे, “जिस आत्‍मा जो परमेश्वर ने असा रे अन्दर बसाए रा है, से हिर्स नी करदा जे अगर असी परमेश्वर रे अलावा असी होर कुसकी कने प्यार रखदे।”

याकूब 5:9

ओ संगी विश्वासियों, इक्क दूज्जे पर मत कुड़कुड़ाओ, ताकि परमेश्वर जे हाकिम है तुसा जो सजा ना दे, ते से अवे बड़े नेड़े है ते वस पुजणे ही वाला है।

1 पतरस 2:16

तुसा जो कोई भी से करणे का नी रोक्की सकदा जे तुसा करणा चाह्‍ंदे किजोकी तुसा असा प्रभु यीशु मसीह रे जरिये अजाद करी दित्ते गेरे हिन। पर इस गल्ल रे बहान्ने कोई गलत कम्म मत करदे। बल्कि तुसा जो अपणे कम्मां कने ए दिखाणा चाएदा कि तुसा परमेश्वर रे सेवादार हिन।

1 पतरस 2:22

पवित्रशास्त्र बिच लिख्खे रा है, “तिन्हा ने कदी कोई पाप नी कित्तेया, तिन्हा ने कदी कोई झूठ नी बोल्लेया।”

1 पतरस 3:10

किजोकी पवित्रशास्त्र बिच लिख्खे रा है, “जे अगर कोई मणू अपणी जिन्दगी रा आनंद लैणा चाह्‍ंदा, ते बदिया दिन दिखणा चाह्‍ंदा, तां से चुकन्ना रे कि कोई गलत गल्ल ना बोल्ले। ते ओ मणू तैसी गल्लां बोलणा छड्डी दे जे सच्ची नी हिन।

1 पतरस 4:2

इसेरे अंजाम रे तौर पर तिस मणू ने इस दुनिया बिच अपणी बाकि री जिन्दगी अपणे सरीर री बुरी इच्छा जो पूरा करदे होए नी बिताणी, पर तिसने से ही कम्म करणा जे परमेश्वर तिसका करवाणा चाह्‍ंदे।

1 पतरस 4:4

इसी वजह कने अवे से मणू हैरान हुंदे जां तुसा तिन्हेरे गंदे कम्मां बिच तिन्हा कने शामिल नी हुंदे। इधेरे तांइ से तुसा रे बारे बिच गलत गल्लां बोलदे।

प्रकाशित वाक्य 14:5

ते तिन्हा ने कदी भी झूठ नी बोल्लेया, से बेकसूर मणू हिन।