1 पतरस 1:9 - चम्बयाली नौआ नियम

⁹ तुसा इधेरे तांइ खुस हिन किजोकी तुसा री आत्‍मा पाप री हालत बिच का पूरे तरिक्के कने बचाई जाया करदी है। ए मसीह यीशु बिच तुसा रे विश्वास रा ईनाम है।

1 पतरस 1:9 ပူးပေါင်းရင်းမြစ်များ

रोमियों 6:22

पर अवे तुसा पाप रे काबू का अजाद होई गेरे हिन ते परमेश्वर रे गुलाम बणी गेरे हिन। तुसा अवे पवित्र कम्म करदे जिस कने तुसा जो हमेसा री जिन्दगी मिलदी।

इब्रानियों 11:13

ए सारे लोक, जिन्हा ने परमेश्वर बिच विश्वास कित्तेया थिया, से मणू इस गल्ल जो समजदे होए कि परमेश्वर ने तिन्हेरे तांइ कै करणा, तिन्हा वादे कित्ते री चीजां पाए बगैर ही मरी गे, तिन्हा ने इस गल्ल जो समजेया कि से इस दुनिया बिच परदेसी हिन।

याकूब 1:21

इधेरे तांइ सारी गन्दगी ते नफरत जो छड्डी करी परमेश्वर रे वचन जो निमते मन कने अपणाई लेयो जे दिल बिच बोया गे रा है ते जे तुसा जो छुटकारा देई सकदा।

1 पतरस 3:20

ए तिन्हा लोक्कां री आत्मां हिन जिन्हा ने लम्बे समय पैल्ले परमेश्वर रे हुकम री ना-फरमानी कित्ती थी, जां नूह अपणा जहाज बणाया करदा थिया, ते परमेश्वर इस गल्ल रा इंतजार करेया करदे थिये कि ए मणू अपणे पाप्पां का तौबा करगे कि नी। पर सिर्फ आठ्ठ मणू ही तिस भयानक बाढ़ बिच डूबणे का बचाए गे।