1 पतरस 1:8 - चम्बयाली नौआ नियम

⁸ तुसा ने मसीह यीशु जो कदी भी नी दिख्खे रा है पर फिरी भी तुसा तिन्हा जो प्यार करदे। तुसा इस बेल्ले तिन्हा जो दिख्खी नी सकदे पर तुसा तिन्हा बिच विश्वास करदे। इधेरे तांइ तुसा तिस आनंद ते महिमा बिच खुस हुंदे जे शब्दां बिच बयान नी होई सकदी।

1 पतरस 1:8 ပူးပေါင်းရင်းမြစ်များ

मत्ती 10:37

जे अपणे मां-प्यो जो मेरे का जादा प्यार करदा, से मेरा चेल्ला होणे रे लायक नी है, जे अपणे बच्चेयां जो मेरे का जादा प्यार करदा, से मेरा चेल्ला होणे रे लायक नी है,

यूहन्ना 14:15

जे तुसा मेरे कने प्यार करदे तां मेरे हुकमा जो मन्नो।

यूहन्ना 14:21

जे मेरे हुकमां जो जाणदा ते तिन्हा जो मनदा, से ही मेरे कने दाह-पीड़ रखदा अते जे मेरे कने दाह-पीड़ रखदा तिस कने मेरे पिता ने भी दाह-पीड़ रखणी, अते मैं तिस कने प्यार करणा ते अप्पु जो तिसेरे सामणे जाहिर करणा।

यूहन्ना 14:24

जे मेरे कने प्यार नी करदे से मेरे हुकमां जो भी नी मनदा, अते जे हुकमां जो नी मनदा, से मेरे नी पर पिता-परमेश्वर रे हुकमां जो नी मनदा जिन्हा ने मेरे जो लोक्कां बिच भेज्जे रा है।

यूहन्ना 16:22

तिस्सी तरिक्के कने अवे तुसा दुखी तां हिन, पर मैं तुसा रे कने फिरी मिलणा, अते तुसा रे मन खुस होई जाणे, अते तुसा री खुसी जो कोई तुसा का खुस्सि नी सकदा।

यूहन्ना 20:29

यीशु ने तिसजो बोल्लेया, तू मेरे जो दिख्खी करी, मेरे पर विश्वास कित्तेया, पर धन्न हिन से जे बिना दिख्खे रे मेरे पर विश्वास रखदे हिन।

यूहन्ना 8:42

यीशु ने तिन्हा जो बोल्लेय, जे परमेश्वर तुसा रा प्यो हुदां, तां तुसा मेरे कने प्यार करदे, किजोकी मैं परमेश्वर रे पास्से का आए रा है, मैं अप्पु नी आया, पर तिनहा ने ही मेरे जो भेज्जेया।

प्रेरितां रे कम्म 16:34

फिरी से पौलुस ते सीलास जो अपणे घरे लेई गेया ते तिन्हा जो रोट्टी खुआई ते सारे घरेतां जो परमेश्वर पर विश्वास करणे री वजह कने खुसी होई।

रोमियों 14:17

किजोकी परमेश्वर रे राज बिच खाणा-पीणा नी है, पर धार्मिकता, मेल जोल ते से सांती है, जे पवित्रात्मा कने हुन्दा।

रोमियों 15:13

मैं आस दैणे वाले परमेश्वर का प्रार्थना करदा, कि तुसा जो विश्वास करणे बिच पूरे तरिक्के खुसी ते सांती दे, ताकि पवित्रात्मा री ताकत कने तुसा री उम्मीद बदधी जाओ।

1 कुरुन्थियों 16:22

हमारे प्रभु यीशु जल्द हटणे वाले हिन।

2 कुरुन्थियों 1:22

जिन्हा ने असा पर मौहर भी लाई ते अमानत रे तौर पर असा जो पवित्रात्मा जो दित्ता।

2 कुरुन्थियों 12:4

से स्वर्ग मणू जो चुक्की लित्तेया गेया, ते इदेय गल्लां सूणी, जिन्हा जो बोलणा ठीक नी ते इदेइ कुसकी होर मणू जो दसणे री इजाज़त नी है।

2 कुरुन्थियों 4:18

अते असा तां दिख्खी री चीजां जो नी पर अण-दिख्खी चीजां जो दिखदे रैह्‍न्दे, किजोकी दिख्खी री चीजां थोड़े ही रोज री हिन, पर अणदिख्खी चीजां हमेसा बणी रेह्न्दी।

2 कुरुन्थियों 5:7

हल्ले जां असी इस दुनिया बिच जिया करदे हिन, तां असी प्रभु रा अनुसरण तिन्हा जो दिख्खी करी नी पर विश्वास करणे रे जरिये करेया करदे हिन।

2 कुरुन्थियों 9:15

आओ असी परमेश्वर रा तिन्हेरे पुत्तर जो इक्क दान रे स्वरूप बिच दैणे तांइ तिन्हेरा शुकर करण, जिसेरा कोई ज़िकर नी करी सकदा।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

इफिसियों 3:19

मैं प्रार्थना करदा कि तुसा मसीह रे प्यार जो समजी सको जे इन्सानी समझ का परे है ताकि परमेश्वर तुसा जो अपणे स्वभाव कने भरी दैण।

इफिसियों 6:24

जे असा रे प्रभु यीशु मसीह कने सच्चा प्यार करदे, तिन्हा सारेयां पर परमेश्वर रा अनुग्रह हुंदा रे।

फिलिप्पियों 1:25

ते इधेरे तांइ मेरे जो भरोस्सा है ते मैं जाणदा भी कि मैं जीणा, बल्कि मैं तुसा सारेयां कने भी रैह्णा ताकि मैं तुसा जो विश्वास बिच मजबूत होणे ते तिस बिच खुस रैह्णे बिच मदद करी सकां।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

फिलिप्पियों 4:4

प्रभु री वजह कने खुस रेयो, मैं फिरी बोलदा, खुस रेयो!

इब्रानियों 11:1

जे मणू परमेश्वर बिच विश्वास करदे, से मणू ए गल्ल पक्के तौर पर जाणदे कि परमेश्वर ने तिन्हा लोक्कां जो से जरुर दैणा जिसेरी आस से मणू रखदे; से मणू ठीक तरिक्के कने जाणदे कि तिन्हा ने हल्ले असलियत नी दिख्खे री है।

इब्रानियों 11:27

भरोसे कने ही राज्जे रे गुस्से का नी डरी करी तिसने मिस्र जो छड्डी दित्ता किजोकी से समजी गेया थिया कि ए इदेया है, जिय्यां तिसने अणदिख्खे परमेश्वर जो दिख्खे रा हो।

1 पतरस 1:6

भले ही मते तरिक्के री चीजां तुसा जो दुखी करी दिंदी पर फिरी भी इन्हा गल्लां री वजह कने तुसा खुस हुंदे।

1 पतरस 2:7

ए बट्टा मसीह यीशु हिन ते से तुसा तांइ तां कीमती बणी जांदे जां तुसा तिन्हा बिच विश्वास करदे। पर तिन्हा बिच विश्वास ना करणे वाले लोक्कां तांइ पवित्रशास्त्र बिच ए लिख्खे रा गे रा है, “जिस बट्टे जो मिस्त्रि ठुकराई दित्तेया थिया, से ही बट्टा इमारत री नीं रा सबका जादा जरुरी बट्टा बणी गे रा है।”

1 पतरस 5:4

जां मसीह यीशु ने हटी आणा जे असा रे सबका बड्डे पुहाल हिन, तां तिन्हा ने तुसा जो इक्क इदेया ईनाम दैणा जिसेरी चमक कदी नी मुकणी।