1 पतरस 1:6 - चम्बयाली नौआ नियम

⁶ भले ही मते तरिक्के री चीजां तुसा जो दुखी करी दिंदी पर फिरी भी इन्हा गल्लां री वजह कने तुसा खुस हुंदे।

1 पतरस 1:6 ပူးပေါင်းရင်းမြစ်များ

मत्ती 11:28

ओ सब मैह्नत करणे वालेयों अते बोझ कने दबितेरे मणूओं, मेरे का आओ मैं तुसा जो अराम दिन्गा।

मत्ती 26:37

से पतरस ते जब्दी रे दोई मुडेंया जो कन्ने लेई गे, ते उदास ते व्याकुल होणा लग्गे।

मत्ती 5:12

तां खुस ते मगन होई जायो, किजोकी तुसा तांइ इधेरे बदले स्वर्ग अन्दर इक्क बड्डा ईनाम है। तिन्हा ने उन्हा भविष्यद्वक्ता जो जे तुसा का पैल्ले थिये इसी तरिक्के तंग कित्तेया थिया।”

लूका 1:47

अते मेरी आत्‍मा मेरे छुटकारा दैणे वाले परमेश्वर का बड़ी वरी खुस है,

लूका 10:20

फिरी भी इस गल्ल पर खुस मत हुदें, कि दुष्टात्मा तुसा रा गलाया मन्दियाँ, पर सिर्फ इस गल्ले री खुसी मनाओ कि तुसा रे नां स्वर्ग अन्दर लिखी दित्ते रे हिन।

लूका 2:10

ते तिस बेल्ले स्वर्गदूत ने तिन्हा जो बोल्लेया, तुसा डरो मत, किजोकी दिख्खो, मैं तुसा जो इक्क इदेया सुब बसेख सूणाणा, जे सबणी मणूआं तांइ होणा,

यूहन्ना 16:22

तिस्सी तरिक्के कने अवे तुसा दुखी तां हिन, पर मैं तुसा रे कने फिरी मिलणा, अते तुसा रे मन खुस होई जाणे, अते तुसा री खुसी जो कोई तुसा का खुस्सि नी सकदा।

यूहन्ना 16:33

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

प्रेरितां रे कम्म 14:22

ते हर इक्क कस्बे बिच जाई करी चेल्‍ले रे मन जो मजबूत करदे रे ते ए उपदेस दिंदे थिये, कि विश्वास बिच बणे रेयो, ते ए बोलदे थिये कि असा जो बड़े दुख सहन करी के परमेश्वर रे राज बिच पुजणा है।

रोमियों 12:12

जे परमेश्वर ने असा तांइ करणा तिस आस बिच खुस रेयो, मुसीबतां बिच सबर रख्खो, प्रार्थना बिच लगातार लग्गी रेयो।

रोमियों 5:11

ते सिर्फ ए ही नी, असा रा प्रभु यीशु मसीह रे जरिए, परमेश्वर कने मेल जोल होए रा है, इधेरे तांइ असी परमेश्वर बिच खुस रैह्‍न्दे।

रोमियों 5:2

असा रे विश्वास रे जरिये मसीह ने असा जो अनुग्रह दित्ते रा है, जिस बिच असी अज्ज टिके रे हिन, ते असी बड़ी हिम्मत ते खुसी कने परमेश्वर री महिमा जो बंडणे तांइ उत्सुक हिन।

रोमियों 9:2

मेरे जो बड़ा वरी दुख है, अते मेरे जो अपणे लोक्कां तांइ बड़ी काली हुंदी।

2 कुरुन्थियों 4:17

किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

फिलिप्पियों 2:26

किजोकी तिसेरा मन तुसा सबणी कने लगे रा थिया, इस वजह कने से बेचैन थिया, ते तुसा सबणी ने मेरी बीमारी रा हाल सूणेया थिया।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

फिलिप्पियों 4:4

प्रभु री वजह कने खुस रेयो, मैं फिरी बोलदा, खुस रेयो!

1 थिस्सलुनीकियों 1:6

अते बड़ी मुसीबतां रे बिच तुसा ने पवित्रात्मा का मिलणे वाली खुसी कने सुब बसेख जो अपणाया ते प्रभु अते असा सांई जिन्दगी जीणा लगे।

याकूब 1:2

ओ मेरे संगी विश्वासियों, अपणे परखे जाणे जो तुसा खुसी री गल्ल मन्नों,

याकूब 1:9

जे विश्वासी मणू गरीब हिन, से इस गल्ल पर खुस होण कि परमेश्वर ने तिन्हा जो आदर दित्ते रा है।

याकूब 4:9

अपणे पाप्पां री वजह कने दुखी हो, ते मातम करो, ते रोओ, तुसा री हँसी मातम बिच ते तुसा रा आनंद करणा उदासी बिच बदली जाए।

1 पतरस 3:17

जे अगर परमेश्वर री ए ही मर्जी हो कि असा जो अपणे भलाई रे कम्मां रे बदले जुल्म सैह्‍णा पेयो, तां से ही बदिया है। ए अपणे बुरे कम्मां रे बदले जुल्म सैह्णे का जादा खरा है।

1 पतरस 4:7

हर चीज रा अंत नेड़े है। इधेरे तांइ चुकन्ने रेयो ते अपणे मन पर काबू रख्खो ताकि तुसा प्रार्थना करदे रेयो।

1 पतरस 5:10

परमेश्वर जे पूरे तरिक्के कने अनुग्रह कने भरित्ते रे हिन, तिन्हा ने असा रा मसीह कने रिस्ता होणे री वजह कने अपणी हमेसा तिकर रैह्णी वाली महिमा बिच हिस्सेदार बणने तांइ सद्दे रा है। तुसा रे थोड़े समय तिकर जुल्म सैह्णे का बाद परमेश्वर ने तुसा जो खरा मणू बनाणा ताकि तुसा बिच कोई खोट ना रे ते तिन्हा ने तुसा रे दिल जो मजबूत बनाणा ताकि तुसा तिन्हा बिच विश्वास करणे बिच मजबूत बणो।