1 पतरस 1:3 - चम्बयाली नौआ नियम

³ असा रे प्रभु मसीह यीशु रे पिता ते परमेश्वर रा शुक्रिया हो। असा पर तिन्हेरी दया री वजह कने तिन्हा ने मसीह यीशु जो मरे रे लोक्कां बिच का फिरी जिन्दा करी के असा जो इक्क नौई जिन्दगी दित्ती, ते तिन्हा ने असा जो बड़े हौंसले कने जीणे रे जोग्गे बणाया, इसेरा मतलब ए है कि असी तिन्हा सारी चीजां जो पाणे री आस रख्खी सकदे जिस जो दैणे रा वादा परमेश्वर ने असा ने कित्ते रा है।

1 पतरस 1:3 ပူးပေါင်းရင်းမြစ်များ

यूहन्ना 1:13

से मणू ना तां अपणे मां-प्यो री मर्जी कने, ना सरीर री इच्छा कने ते ना ही लोक्कां री बच्चे पैदा करणे री इच्छा री वजह कने पैदा होए रे हिन पर से परमेश्वर री इच्छा कने पैदा होए रे हिन।

रोमियों 12:12

जे परमेश्वर ने असा तांइ करणा तिस आस बिच खुस रेयो, मुसीबतां बिच सबर रख्खो, प्रार्थना बिच लगातार लग्गी रेयो।

रोमियों 15:13

मैं आस दैणे वाले परमेश्वर का प्रार्थना करदा, कि तुसा जो विश्वास करणे बिच पूरे तरिक्के खुसी ते सांती दे, ताकि पवित्रात्मा री ताकत कने तुसा री उम्मीद बदधी जाओ।

रोमियों 4:25

मसीह यीशु असा रे पाप्पां तांइ पकड़वाए गे ते मारे गे, ते असा जो धार्मिक ठैहराणे तांइ परमेश्वर ने तिन्हा जो जिन्दा भी कित्ता।

रोमियों 5:10

पर जां हल्ले असी परमेश्वर रे खिलाफ ही थिये, तां ही असी परमेश्वर रे इकलौत्ते पुत्तर री मौत री वजह कने असा रा परमेश्वर कने मेल जोल कराई दित्ता गेया, पर अवे जां मसीह यीशु जिन्दे हिन तां तिन्हा ने असा जो छुटकारा जरुर दैणा।

रोमियों 8:11

पवित्रात्मा तुसा बिच रैहन्दा जिन्हा ने मसीह यीशु जो मुर्देयां बिच का जिन्दा कित्ता। ते जिय्यां परमेश्वर ने मसीह यीशु जो मुर्देयां बिच का जिन्दा कित्ता, तिय्यां ही तुसा जो भी तिस्सी पवित्रात्मा रे जरिये मुर्देया बिच का जिन्दा करणा जे तुसा बिच रैहन्दा।

रोमियों 8:24

असा जो महिमा मिलणे री उम्मीद तिस बेल्ले दित्ती गयी थी, जां परमेश्वर ने असा जो बचाया थिया, पर जे अगर असा का से पैल्ले का ही है जिसेरी असी आस रखदे, तां असा जो तिस तांइ अग्गे जो उम्मीद लाए रखणे री जरुरत नी है।

1 कुरुन्थियों 13:13

पर अवे ए त्रै तरिक्के री चीजां हिन जे असा जो करणा चाएदी। परमेश्वर बिच विश्वास रखणा, परमेश्वर रे वादेयां री आस रखणा ते सारेयां जो प्यार करणा। पर इन्हा त्रैन्नी चीजां बिच का परमेश्वर ते सारेयां जो प्यार करणा सबका जादा जरुरी है।

1 कुरुन्थियों 15:20

पर हकीकत बिच परमेश्वर ने मसीह यीशु जो मुर्देयां बिच का जिन्दा करी दित्ता, ते मसीह इस गल्ल रा सबूत हिन कि जिन्ने भी विश्वासी मणू मरी गेरे हिन तिन्हा ने उन्हा सारेयां जो जिन्दा करी दैणा।

2 कुरुन्थियों 1:3

असा रे प्रभु यीशु मसीह रे पिता ते परमेश्वर रा शुकर करदे, जे दया रा पिता है, ते हमेसा असा जो तसल्ली दिंदे।

गलातियों 6:16

जिन्ने मणू इन्हा सारे नियमां पर चलदे, तिन्हा लोक्कां जो परमेश्वर ने सांती अते आशीष दैणी। से परमेश्वर रे चुणे रे मणू हिन।

इफिसियों 1:17

मैं प्रार्थना करदा कि असा रे प्रभु यीशु मसीह रे महिमामय पिता परमेश्वर तुसा जो आत्मिक ज्ञान ते समजदे ताकि तुसा तिन्हा जो पूरी तरिक्के कने जाणी सको।

इफिसियों 1:3

असा रे परमेश्वर ते यीशु मसीह रे पिता री महिमा हो किजोकी तिन्हा ने असा जो मसीह यीशु कने रिस्ता होणे री वजह कने स्वर्ग का हर तरिक्के री आत्मिक आशीषां दित्ती।

इफिसियों 1:7

परमेश्वर ने असा जो मसीह रे खून बहाई करी कुर्बानी दैणे रे जरिये छुटकारा दित्ते रा है, जिसेरा मतलब ए है कि असा रे पाप माफ होई गेरे हिन किजोकी परमेश्वर रा अनुग्रह इन्ना महान है जे तिन्हा ने असा पर बड़ा जादा कित्ते रा है।

इफिसियों 2:4

पर परमेश्वर दया कने भरपूर थिये। असी अपणे पाप्पां री वजह कने मुर्देयां सांई थिये, पर परमेश्वर ने असा कने इन्ना जादा प्यार कित्तेया कि तिन्हा ने असा जो मसीह कने फिरी जिन्दा कित्तेया ते असा जो अपणे तिस अनुग्रह कने असा जो बचाया जिसेरे काबिल असी नी हिन।

इफिसियों 3:20

परमेश्वर असा रे मंगणे या सोचणे का भी बधी करी बड्डे कम्म करी सकदे किजोकी तिन्हेरी ताकत असा बिच कम्म करेया करदी है। कलीसिया ते यीशु मसीह बिच परमेश्वर जो हर पीढ़ी रे जरिये महिमा मिलदी रे।

कुलुस्सियों 1:23

मसीह बिच तुसा रा विश्वास, नीं बणे रे मजबूत घर सांई होणा चाएदा। मसीह रे सुब बसेख जो सुणी करी जे आस तुसा जो मिल्ली थी, तिसजो मत छड्डो, ते जिस सुब बसेख रा प्रचार दुनिया रे सारे लोक्कां बिच कित्ता गे रा है। ते मैं पौलुस जिस सुब बसेख रा दास बणेया।

कुलुस्सियों 1:27

किजोकी परमेश्वर ने चाएया कि तिन्हेरे मणू जाणे कि मसीह री शोहरत ते महिमा गैर यहूदियां तांइ भी है, ते से राज़ मसीह है, जे तुसा बिच वास करदे जे असा री परमेश्वर री महिमा बिच हिस्सेदार बणने री आस है।

1 थिस्सलुनीकियों 1:3

जां असी पिता परमेश्वर का प्रार्थना करदे तां असी तुसा लोक्कां रे विश्वास रे हिसाब रे कम्मां जो, ते विश्वासी लोक्कां तांइ तुसा रे प्यार भरे कम्मां जो, ते मसीह यीशु रे हटणे री आस बिच मुसीबतां रे दौरान तुसा रे सबर रखणे जो भी याद करदे।

1 थिस्सलुनीकियों 4:13

ओ संगी विश्वासियों, असी ए चाह्‍ंदे कि तुसा इस गल्ल जो समझो कि जे विश्वासी भाई अवे मरी चुके रे हिन तिन्हा कने कै होणा। तुसा अविश्वासी लोक्कां सांई मत बणो। से तिन्हेरे मरणे पर बड़ा जादा मातम करदे किजोकी तिन्हेरे फिरी जिन्दे होणे री आस नी करदे।

2 थिस्सलुनीकियों 2:16

असी अपणे प्रभु यीशु मसीह ते पिता परमेश्वर का प्रार्थना करदे जे असा कने प्यार करदे ते जिन्हा ने अपणे अनुग्रह रे जरिये असा जो कदी ना मुकणे वाली हिम्मत ते इक्क पक्की आस भी दित्ते री है।

1 तीमुथियुस 1:14

परमेश्वर ने लगातार मेरे पर भरपूर अनुग्रह कित्तेया, ते तिन्हा ने मेरे जो मसीह यीशु बिच विश्वास ते प्यार दित्तेया।

तीतुस 2:13

असी इस तरिक्के कने बर्ताव करदे किजोकी असी बड़ी बेसबरी कने तिस अनौखे दिन रा इंतजार करेया करदे हिन, जां असा जो छुटकारा दैणे वाले मसीह ने जे असा रे परमेश्वर हिन, अपणी महिमा कने इस धरती पर हटी आणा।

इब्रानियों 3:6

पर मसीह यीशु, परमेश्वर रे पुत्र होणे रे तौर पर, तिन्हेरे पूरे टब्बर बिच विश्वासयोग्य हिन, जे अगर असी हिम्मत ते आस कने विश्वास बिच बणी रैह्ण तां असी ही तिन्हेरा टब्बर हिन।

याकूब 1:18

तिन्हा ने अपणी ही मर्जी कने असा जो सच्चाई रे वचन रे जरिए असा जो अपणी औलाद बणाया, ताकि असी तिन्हेरे बणाए री सृष्टि रे पैल्ले फल्ल सांई सृष्टि रे सबका खास हिस्सा बणन।

1 पतरस 1:13

इधेरे तांइ अपणे मन जो इय्यां तैयार करी लेयो कि जिय्यां मणू अपणी कमर बन्नी करी कम्म करणे तांइ तैयार हुंदे। इसेरा मतलब ए है कि तुसा जो अपणी सोच पर काबू रखणा चाएदा। बड़े हौसंले कने तिस छुटकारे री पूरी आस रख्खी करी अपणी बोल-चाल जो सही रख्खो जे परमेश्वर ने तुसा जो मसीह यीशु रे स्वर्ग हटणे रे समय पर बड़े अनुग्रह कने दैणा।

1 पतरस 1:21

मसीह यीशु ने जे असा तांइ कित्तेया तिसेरी वजह कने अवे तुसा परमेश्वर बिच विश्वास करदे। तिन्हा ने ही मसीह यीशु जो मुर्देयां बिच का फिरी जिन्दा कित्तेया ते तिन्हा जो महिमा दित्ती। इधेरे तांइ परमेश्वर बिच तुसा रा विश्वास ते आस अवे मजबूत है।

1 पतरस 1:23

तुसा जो अप्पु-मिते प्यार रखणा चाएदा किजोकी तुसा जो परमेश्वर का इक्क नौई जिन्दगी मिल्ले री है। तुसा जो ए जिन्दगी कुसकी इदेइ चीज रे जरिये नी मिल्ले री है जे इक्क दिन मुकी जाणी पर कुसकी इदेइ चीज रे जरिये मिल्ले री है जे हमेसा-हमेसा तिकर रैह्णी ते से परमेश्वर रा जिंदा ते हमेसा तिकर रैह्णे वाला वचन है।

1 पतरस 2:2

जिय्यां कि नौए जम्मे रे बच्चे अपणी मां रे दूद्द जो तोपदे, जे कि इक्कदम खरा हुंदा, तिय्यां ही तुसा जो भी परमेश्वर रे वचन जो सिखणी री चाह्‍त रखणा चाएदी ताकि तुसा आत्मिक तौर पर परिपक्व होई जाओ। तां फिरी आखिर बिच, परमेश्वर ने तुसा जो इस दुनिया री बुरी चीजां का बचाणा।

1 पतरस 3:15

पर मसीह तांइ अपणे मन बिच आदरमान रख्खो, ते प्रभु रे तौर पर तिन्हेरी इज्जत करो। जे अगर कोई मणू तुसा का तिस आस रे बारे बिच किच्‍छ पुच्छे जे असा सारे जणेया बिच है, तां तिसजो नरमी ते इज्जत कने जवाब दैणे तांइ हमेसा तैयार रेयो।

1 पतरस 3:21

पुराणे जमान्ने बिच तिन्हेरा छुटकारा अवे अज्ज रे जमान्ने बिच तिस छुटकारे रा उदारण है जे असा जो बपतिस्मा लैणे रे जरिये मिलदा। जिस पाणी बिच असी बपतिस्मा लिंदे से सरीर री गंदगी जो दुर नी करदा, पर ए इस गल्ल री निशानी है कि असा ने परमेश्वर का अपणे पाप्पां री माफी मंगे री है, ते असा रे मन तिन्हा पाप्पां री वजह कने अवे परेशान नी हिन। असा जो अवे असा रे पाप्पां का माफी मिल्ली सकदी किजोकी मसीह यीशु मुर्देयां बिच का फिरी जिन्दा होई गेरे हिन,

1 पतरस 3:5

इन्हा गुणां रे ही जरिये पैल्ले जमान्ने री भक्त जनानियां ने अप्पु जो परमेश्वर री बिच खूबसुरत बणाया जिन्हा जो इस गल्ल रा भरोस्सा थिया कि परमेश्वर ने तिन्हा कने कित्ते रे वादेयां जो पूरा करणा, ते इय्यां ही से अपणे लाडे़यां रे अधीन रेई।

1 यूहन्ना 2:29

तुसा जाणदे कि मसीह यीशु धार्मिक हिन ते जे कोई धार्मिकता रा कम्म करदा से परमेश्वर रे बच्चे हिन।

1 यूहन्ना 3:3

हर कोई जे मसीह पर इदेयी आस रखदा, से अप्पु जो तिय्यां ही पवित्र रखदा, जिय्यां मसीह यीशु पवित्र है।

1 यूहन्ना 3:9

जे कोई परमेश्वर री औलाद हिन, से पाप करणा छड्डी दिंदा किजोकी परमेश्वर रा स्वभाव तिस मणू बिच बणी रैहन्दा, इधेरे तांइ से पाप नी करी सकदा, किजोकी से परमेश्वर रा पुत्तर है।

1 यूहन्ना 4:7

ओ प्यारेयों, असी अप्पु-मिते प्यार रखण किजोकी प्यार परमेश्वर रे पास्से का है, ते जे दूज्जेयां कने प्यार रखदा, से परमेश्वर रा बच्चा है, ते परमेश्वर जो जाणदा।

1 यूहन्ना 5:1

जे मणू ए विश्वास करदा कि यीशु ही मसीह हिन, से मणू परमेश्वर री औलाद ठैहरदा ते जे कोई अपणे पिता परमेश्वर कने प्यार रखदा से तिन्हेरी औलाद्दां कने भी प्यार रखदा।

1 यूहन्ना 5:18

असा जो पता है कि जे कोई परमेश्वर री औलाद है, से पाप करणा छड्डी दिंदा किजोकी परमेश्वर रा पुत्तर मसीह यीशु तिन्हा लोक्कां जो बचाई रखदा: ते शैतान तिन्हा लोक्कां जो छुई नी सकदा।

1 यूहन्ना 5:4

किजोकी जे कोई परमेश्वर री औलाद है, तिसने दुनिया पर जीत हासिल कित्ती ते असी से जीत अपणे विश्वास रे जरिए हासिल करदे।