1 पतरस 1:25 - चम्बयाली नौआ नियम

²⁵ पर परमेश्वर रे वचन ने हमेसा-हमेसा तिकर बणी रैह्णा।” ए वचन मसीह यीशु रा सुब बसेख है जिसेरा प्रचार तुसा जो सुणाया गेया थिया।

1 पतरस 1:25 ပူးပေါင်းရင်းမြစ်များ

मत्ती 5:18

किजोकी मैं तुसा जो सच बोलदा कि जां तांइ आसमान ते जमीन टली नी जांदे, तां तांइ परमेश्वर रे कानून री इक्क सियारी या इक्क बिंदी भी, जां तांइ से पूरी नी होई जांदी, तां तांइ नी मिटी नी सकदी,

लूका 16:17

फिरी भी आसमान ते जमीन रा टली जाणा तां असान है पर परमेश्वर रे कानून अन्दर लिख्खे रा इक्क-इक्क अख्खर भी नी मिह्टि सकदा।

यूहन्ना 1:1

दुनिया रे बणाए जाणे का पैल्ले वचन थिया, वचन परमेश्वर कने थिया ते वचन परमेश्वर थिया।

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

1 कुरुन्थियों 2:2

किजोकी मैं ए ठाणी लित्ता थिया कि मैं तुसा लोक्कां बिच मसीह यीशु ते तिन्हेरे सुली पर जान दैणे रे अलावा होर कुसकी चीज रे बारे बिच गल्ल ना करां।

इफिसियों 2:17

मसीह यीशु तुसा गैर यहूदी लोक्कां का आए जे परमेश्वर का दुर थिये, ते से यहूदी लोक्कां भी आए जे परमेश्वर रे नेड़े थिये ते तुसा सारेयां बिच परमेश्वर कने मेल-मिलाप रा सुब बसेख सुणाया।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

तीतुस 1:3

ते अवे बिल्कुल सही समय पर परमेश्वर ने ए सुब बसेख असा पर जाहिर कित्ते रा है ते असी इसेरा प्रचार सारे मणूआं बिच करदे। परमेश्वर जे असा जो छुटकारा दिंदे, तिन्हा ने मेरे जो ए जिम्मेदारी दित्ते री है ते तिन्हा तांइ मेरे जो ए कम्म करणे रा हुकम दित्ते रा है।

इब्रानियों 6:5

तिन्हा जो परमेश्वर रे बसेख रा अच्छा अनुभव मिल्ले रा है, ते तिन्हा ने तिस समय री ताकत रा भी अनुभव कित्ते रा है, जां परमेश्वर ने राज करणा।

1 पतरस 1:12

पर परमेश्वर ने तिन्हा भविष्यद्वक्तां जो ए दस्सेया कि ए बसेख तिन्हा तांइ नी पर तुसा लोक्कां तांइ है। से बसेख मसीह यीशु रा सुब बसेख है जिस जो अवे तुसा सुणी चुके रे हिन। तुसा जो सुब बसेख सुनाणे तांइ लोक्कां री मदद तांइ परमेश्वर ने स्वर्ग का अपणे पवित्रात्मा जो भेज्जेया थिया। स्वर्गदूत भी इन्हा गल्लां जो बड़े उत्तेजित होई करी दिख्खेया करदे हिन।

1 पतरस 1:23

तुसा जो अप्पु-मिते प्यार रखणा चाएदा किजोकी तुसा जो परमेश्वर का इक्क नौई जिन्दगी मिल्ले री है। तुसा जो ए जिन्दगी कुसकी इदेइ चीज रे जरिये नी मिल्ले री है जे इक्क दिन मुकी जाणी पर कुसकी इदेइ चीज रे जरिये मिल्ले री है जे हमेसा-हमेसा तिकर रैह्णी ते से परमेश्वर रा जिंदा ते हमेसा तिकर रैह्णे वाला वचन है।

1 पतरस 2:2

जिय्यां कि नौए जम्मे रे बच्चे अपणी मां रे दूद्द जो तोपदे, जे कि इक्कदम खरा हुंदा, तिय्यां ही तुसा जो भी परमेश्वर रे वचन जो सिखणी री चाह्‍त रखणा चाएदी ताकि तुसा आत्मिक तौर पर परिपक्व होई जाओ। तां फिरी आखिर बिच, परमेश्वर ने तुसा जो इस दुनिया री बुरी चीजां का बचाणा।

2 पतरस 1:19

इधेरे तांइ असी भविष्यद्वक्तां री बोल्ले री गल्लां बिच होर भी जादा हिम्मत रखदे। जे अगर तुसा इस बसेख पर ध्यान दिंगे ता से बड़ी बदिया गल्ल होणी, किजोकी ए इक्क दीये सांई है जे न्याहरे बिच तां तांइ चमकदी जां तांइ दिन नी आई जांदा ते मसीह री रौसनी तुसा रे दिल बिच नी चमकदी, बिल्कुल तिय्यां ही जिय्यां भ्याग्गे रा तारा इस दुनिया बिच रौसनी लांदा।

1 यूहन्ना 1:1

असी तिस इक्क रे बारे बिच लिख्खेया करदे हिन जे जिन्दगी दैणे वाला वचन है। से दुनिया रे बणाए जाणे का भी पैल्ले का है। जिस जो असी सूणेया, ते अपणी हाख्खियां कने दिख्खेया, बल्कि जिस जो असी ध्यान कने दिख्खेया ते अपणे हत्थां कने छुत्तेया।

1 यूहन्ना 1:3

असा ने तिसजो दिख्खेया अते सूणेया है अवे तुसा जो भी यीशु का सुब बसेख देया करदे हिन ताकि तुसा भी असा रे कने साझी होई जाओ असा रा ए सांझा परम पिता परमेश्वर अते उन्हेरे पुत्तर मसीह यीशु कने है।

प्रकाशित वाक्य 14:6

फिरी मैं इक्क होर स्वर्गदूत जो आसमान बिच उड़दे दिख्खेया जिस का धरती बिच रैह्णे वाले इक्क कुल, देस, भाषा, ते लोक्कां जो सुनाणे तांइ हमेसा सुब बसेख थिया।