1 पतरस 1:18 - चम्बयाली नौआ नियम

^18-19 तुसा जाणदे कि पैल्ले तुसा बेकार तरिक्के कने जिन्दगी जिया करदे थिये, से ओ ही तरिक्का थिया जे तुसा जो अपणे का पैल्ले रे मणूआं का मिल्लेया थिया। पर तुसा जो तिस बेकार जिन्दगी का छुटकारा दित्तेया गेया। तुसा रा मुल्ल चुकाया गेया पर सोन्ने चाँदी जदेई चीजां कने नी जे सड़ी जांदी, पर मसीह रे कीमती खून कने, जे इक्क सुच्चे ते सिद्व उरणू सांई हिन।

1 पतरस 1:18 ပူးပေါင်းရင်းမြစ်များ

मरकुस 8:37

मणू अपणे प्राण रे बदले कै देई सकदा?

रोमियों 1:21

इधेरे तांइ कि तिन्हा ने परमेश्वर जो जाणदे होए भी ना ही तिन्हेरी महिमा कित्ती, ते ना ही तिन्हेरा शुक्रिया कित्ता, पर से मणू इदेइ बेवकूफी री गल्लां सोचणा लग्गी पे कि परमेश्वर कदेय दिसदे होणे। इसेरा अंजाम ए होया कि तिन्हेरी समझ पर पर्दा पेई गेया।

1 कुरुन्थियों 3:20

पवित्रशास्त्र बिच दुबारा इय्यां लिख्खे रा है, “प्रभु ज्ञानी लोक्कां रे सोच-विचारां जो जाणदा, कि से फजूल हिन।”

1 कुरुन्थियों 6:20

किजोकी प्रभु ने सुली पर कुर्बानी देई करी तुसा री कीमत चुकाए री है। इधेरे तांइ अपणे सरीर कने ठीक कम्म करी के परमेश्वर री महिमा करो।

1 कुरुन्थियों 7:23

मसीह यीशु ने सुली पर कुर्बानी देई करी तुसा री कीमत चुकाए री है इधेरे तांइ कुसकी मणू रे नी पर परमेश्वर रे गुलाम बणो।

गलातियों 1:4

असा रे परमेश्वर ते पिता री मर्जी रे हिसाब कने मसीह यीशु ने असा रे पाप्पां तांइ अप्पु जो कुर्बान होणे तांइ देई दित्तेया, ताकि असा जो अज्ज रे इस बुरे दुनिया रे असर का बची रैह्ण।

इफिसियों 4:17

इधेरे तांइ मैं परमेश्वर का मिल्ले रे अधिकार कने ए बोलदा कि जिय्यां परमेश्वर बिच विश्वास ना करणे वाले मणू बेकार गल्लां बिच जिन्दगी जिन्दे, तुसा अज्ज का बाद तिय्यां मत जिन्दे।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

इब्रानियों 9:12

ते फिरी मसीह इक्क ही वरी बिच हमेसा तांइ तिस सबका जादा पवित्र जगाह् बिच गे, ते असा जो असा रे पाप्पां का हमेसा तांइ छुटकारा देई दित्तेया। तिन्हा ने ए बकरे ते बछुआं रा खून बहाई करी तिन्हेरा कुर्बानी देई नी कित्तेया, बल्कि अपणा खून बहाई करी ते अपणी जान देई करी कित्तेया।

1 पतरस 1:7

इन्हा मुसीबतां रा मकसद ए दर्शाणा है कि तुसा परमेश्वर पर विश्वास करदे भी या नी। मसीह बिच तुसा विश्वास सोन्ने का भी जादा कीमती है। जिय्यां कि सोन्ना जे इक्क दिन खत्म होई जाणा, तिसजो भी आग्ग बिच परखेया ते निखारेया जांदा। जे अगर तुसा रा विश्वास इन्नी कड़ी मुसीबतां रे बाद भी बणेया रैहन्दा, तां इसेरी वजह कने तुसा जो तिस दिन बड़ा आदरमान ते महिमा मिलणी जिस दिन मसीह यीशु ने हटी आणा।

1 पतरस 4:3

किजोकी तुसा ने अपणे पैल्ले री जिन्दगी जो तिन्हा कम्मां बिच गुजारी दित्ती जिन्हा जो करणे बिच अविश्वासी मणू बड़े खुस रैह्‍न्दे। तुसा री जिन्दगी व्यभिचार ते अश्लीलता, ते अविश्वासी लोक्कां री धाम ते सराब पी करी मतवाल्ले होणे, रंगरेलियां मनाणे, ते तिन्हेरी मूर्तां री पूजा करणे बिच बीत्ती जिन्हा का परमेश्वर नफरत करदे।

1 यूहन्ना 3:5

तुसा जो तां पता ही है कि मसीह यीशु मणूआं रे पाप्पां जो दुर करणे तांइ ही दुनिया रे लोक्कां बिच आया अते ए भी कि मसीह बिच कोई भी पाप्पी नी है।