1 पतरस 1:14 - चम्बयाली नौआ नियम

¹⁴ परमेश्वर रे हुकमां जो इस तरिक्के कने मन्नेया करो जिय्यां अच्छे बच्चे अपणे प्यो रे हुकमां जो मनदे। तिन्हा बुराई रे कम्मां जो करणे री चाह्‍त मत रख्खो जे तुसा तिस बेल्ले करणा चाह्‍ंदे थिये जां तुसा परमेश्वर जो नी जाणदे थिये।

1 पतरस 1:14 ပူးပေါင်းရင်းမြစ်များ

प्रेरितां रे कम्म 17:30

इधेरे तांइ परमेश्वर लोक्कां री अज्ञानता रे बेल्ले बिच आनाकानी करी के, अवे हर जगाह् सब मणूआं जो अपणे पाप्पां का तौबा करी लैणे रा हुकम दिंदे हिन।

रोमियों 12:2

इस दुनिया रे लोक्कां सांई मत बणो, पर तुसा रे मन रे बदली जाणे री वजह कने तुसा रा चाल-चलन भी बदलदा रे, जिस कने तुसा परमेश्वर री भली, ते ठीक लगणे वाली, ते सिद्ध इच्छा जो तजुरबे कने जाणदे रेयो।

रोमियों 6:4

जां असा ने बपतिस्मा लित्तेया, तां ए इदेया थिया कि जिय्यां असी मसीह यीशु कने मरी गे, ते तिन्हा कने दब्बी दित्ते गे, ते जिय्यां पिता परमेश्वर री अनौखी महिमा ने मसीह यीशु जो जिन्दा कित्ता, तिय्यां ही असी भी तिन्हेरे सांई नौई जिन्दगी जीण।

इफिसियों 2:2

तिस बेल्ले तुसा दुनियादारी रे तौर-तरिक्के कने चलदे थिये ते तुसा शैतान रे कहे मुताबिक चलेया करदे थिये जे दुष्टात्मां रा हाकिम है, ते जे अज्ज भी तिन्हा लोक्कां बिच कम्म करेया करदा है जे परमेश्वर रे हुकमां री ना-फरमानी करदे।

इफिसियों 5:6

इधेरे तांइ इदेय लोक्कां का धोख्खा मत खांदे जे इन्हा पाप्पां जो करणे तांइ बहान्ने बणांदे किजोकी इन्हा ही कम्मां री वजह कने परमेश्वर रा गुस्सा तिन्हेरे हुकमां री ना-फरमानी करणे वालेयां पर भड़कदा।

1 थिस्सलुनीकियों 4:5

ते तुसा अन्यजाती लोक्कां सांई वासना बिच पेई करी जिन्दगी मत जियो जे परमेश्वर जो नी जाणदे।

1 पतरस 1:2

पिता परमेश्वर ने तुसा जो अपणे मणू बणाणे ते पवित्रात्मा रे जरिये पवित्र ठैहराणे तांइ बड़े पैल्ले का ही चुनणे रा फैसला करी लित्तेया थिया। तिन्हा ने ए इधेरे तांइ कित्तेया ताकि तुसा मसीह यीशु रे कहे मुताबिक चलो ताकि तुसा तिन्हेरे सुली पर खून बहाणे रे जरिये सुच्चे कित्ते जाण। तुसा जो परमेश्वर रे पास्से का अनुग्रह ते सांती मिलदी रे।