1 पतरस 1:1 - चम्बयाली नौआ नियम

¹ मैं पतरस मसीह यीशु रा प्रेरित है। मैं पुन्तुस, गलातिया, कप्पदुकिया एशिया ते बितूनिया रे इलाक्केयां बिच इक्क अजनबी रे तौर पर रैह्णे वाले परमेश्वर रे चुणे रे लोक्कां जो ए चीठ्ठी लिख्खेया करदा है।

1 पतरस 1:1 ပူးပေါင်းရင်းမြစ်များ

मत्ती 10:2

इन्हा बारहा खास प्रेरितां रे नां ए हिन, पैल्ला शमौन, जिस जो कि पतरस भी बोलदे अते तिसेरा भाई अन्द्रियास, जब्दी रा निक्का याकूब अते तिसेरा भाई यूहन्ना।

मत्ती 24:22

अगर से दिन घटाए ना गेरे हुदें तां मणू ही नी बचदा, पर चुणे रे लोक्कां री वजह कने से दिन घटाए जाणे।

मत्ती 4:18

जां यीशु गलील री झील का जाया करदे थिये तां तिन्हा ने दो भ्याल, शमौन जिस जो पतरस भी बोलदे, अते तिसेरा भ्याल अन्द्रियास जो झील अन्दर जाल पांदे दिख्खेया किजोकी से मणू मछुआरे थिये।

लूका 18:7

तां कै परमेश्वर अपणे चुणे दे मणूआं पर ध्यान नी दिह्गां, जे तिन्हा जो रात-ध्याड़ी चेता करदे अते मन्गदे कि असा जो फैसला कर? कै परमेश्वर ने तिन्हेरी सुनणे तांइ बड़ी हाण लगागाँ?

यूहन्ना 11:52

ते ना सिर्फ उस जाति तांइ पर इस तांइ भी परमेश्वर रे तित्तर-बित्तर बच्चेयां जो भी इक्क करी दे।

यूहन्ना 7:35

इस पर यहूदियां अधिकारियां ने अप्पु बिच बोल्लेया, इन्हा ने कुते जाणा कि असी इन्हा जो तोपी नी सकदे? कै ए तिन्हा यहूदी लोक्कां का जांगा जे यूनानी लोक्कां बिच तित्तर-बित्तर होई करी रैहन्दे, ते यूनानी लोक्कां जो भी उपदेस दिंगा?

प्रेरितां रे कम्म 18:2

ते तिस जगाह् पर तिन्हा जो अक्विला नां रा इक्क यहूदी मणू मिल्लेया, जिसेरा जन्म पुन्तुस प्रदेश बिच होए रा थिया। से अपणी लाड़ी प्रिस्किल्ला कने ईतालिया देस बिच हल्ले आया ही थिया, किजोकी क्लौदियुस सम्राट ने सारे यहूदी लोक्कां जो रोम देस छड्डी करी जाणे रा हुकम दित्तया थिया, इधेरे तांइ तिनिये कुरिन्थ सहर छड्डी दित्तेया।

प्रेरितां रे कम्म 18:23

तित्ते किच्‍छ दिन रुकेया ते तिसेरे बाद तित्ते का चली गेया ते गलातिया ते फ्रूगिया रे प्रदेशां बिच इक्क जगाह् का दूज्जी जगाह् पर सफर करदे सबणी चेल्‍लेयां जो विश्वास बिच बधाणे लग्गेया।

प्रेरितां रे कम्म 19:10

दो साल तांइ इय्यां ही हुन्दा रेया, इत्ते तक कि एशिया प्रदेश रे रैह्णे वाले कै यहूदी, कै यूनानी सबने प्रभु रा वचन सूणेया

प्रेरितां रे कम्म 6:9

तां तिस सभास्थल बिच किच्‍छ मणू जे कुरेनी ते सिकन्दरिया सहर ते किलिकिया ते एशिया रे प्रदेश बिच का थिये ते “दास्तव मुक्त” समुह रे कहलांदे थिये, से मणू स्तिफनुस कने बैह्स करणा लग्गे।

प्रेरितां रे कम्म 8:4

पर जे विश्वासी बिखरी गे थिये से जित्ते भी गे तित्ते सुब बसेख सुणादे गे।

1 कुरुन्थियों 16:19

एशिया प्रदेश री कलीसिया रे विश्वासियां रे पास्से का तुसा जो नमस्कार। अक्विला ते तिसेरी लाड़ी प्रिस्किल्ला ते तिन्हेरे घरे कठीणे वाली कलीसिया रे विश्वासियां रा नमस्कार।

2 कुरुन्थियों 1:8

ओ मेरे संगी विश्वासियों, असी ए चांह्दे कि तुसा तिन्हा जुल्मां रे बारे बिच जाणो, जे असा जो एशिया प्रदेश बिच झेलणा पे, तित्ते असी असा री सैह्‍णे री ताकत का केई जादा तकलीफ बिच फसी गे थिये, इत्ते तक कि असा रे जिन्दे बचणे री भी कोई उम्मीद नी बची थी।

इफिसियों 2:12

तिस बेल्ले तुसा मसीह रे बारे बिच नी जाणदे थिये ते तुसा परमेश्वर रे चुणे रे मणूआं बिच का नी थिये ते तुसा परमेश्वर री तिन्हेरे लोक्कां कने कित्ते रे वादे रे हिस्सेदार भी नी थिये। तुसा इस दुनिया बिच परमेश्वर का दुर बगैर कुसकी आस रे जिया करदे थिये।

इफिसियों 2:19

इधेरे तांइ अवे तुसा गैर यहूदी मणू अनजाण ते परदेसी नी रे पर अवे तुसा परमेश्वर रे लोक्कां कने मिली गेरे हिन ते अवे तुसा परमेश्वर रे परिवार रा हिस्सा हिन।

2 तीमुथियुस 1:15

तुसा जो ए गल्ल पता ही है कि एशिया प्रदेश रे मते सारे विश्वासियां ने मेरे जो छड्डी दित्ते रा है, फिलेगस ते हरमोगेनेस भी तिन्हा लोक्कां बिच हिन।

इब्रानियों 11:13

ए सारे लोक, जिन्हा ने परमेश्वर बिच विश्वास कित्तेया थिया, से मणू इस गल्ल जो समजदे होए कि परमेश्वर ने तिन्हेरे तांइ कै करणा, तिन्हा वादे कित्ते री चीजां पाए बगैर ही मरी गे, तिन्हा ने इस गल्ल जो समजेया कि से इस दुनिया बिच परदेसी हिन।

याकूब 1:1

मैं याकूब परमेश्वर रा ते मसीह यीशु रा दास, तिन्हा बारा गोत्तर रे यहूदी विश्वासियां जो ए चीठ्ठी लिखदा ते नमस्ते करदा जे दुनिया रे अलग-अलग जगाह् बिच बिखरे रे हिन।

1 पतरस 2:11

प्यारे विश्वासियों, तुसा इस दुनिया बिच इक्क अजनबी सांई रेया करदे हिन। मैं तुसा जो चितौणी देया करदा है कि तुसा सरीर री बुरी इच्छां का दुर रेयो किजोकी से तुसा री आत्‍मा रे खिलाफ लड़दी।

2 पतरस 1:1

मैं शमौन पतरस, मसीह यीशु रा सेवादार ते प्रेरित है। मैं तुसा सारेया जो ए चीठ्ठी लिख्खेया करदा है जे असा सांई तिस ही विश्वास बिच हिस्सेदार हिन, से विश्वास जे असा जो मसीह यीशु का मिल्ले रा है, असा रे प्रभु ते छुटकारा दैणे वाले, ते जे असा जो परमेश्वर रे सामणे धार्मिक ठैहरांदे।

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।