1 यूहन्ना 5:5 - चम्बयाली नौआ नियम

⁵ दुनिया पर जीत हासिल करणे वाला सिर्फ से ही मणू है जे विश्वास करदा कि यीशु परमेश्वर रा पुत्तर है।

1 यूहन्ना 5:5 ပူးပေါင်းရင်းမြစ်များ

मरकुस 9:23

यीशु ने तिस मणू जो बोल्लेया, “जे तू करी सकदा, इस गल्ल रा कै मतलब है? विश्वास करणे वालेयां तांइ सब किच्‍छ मुमकिन है।”

प्रेरितां रे कम्म 8:37

फिलिप्पुस ने तिसजो बोल्लेया, जे अगर तू अपणे पूरे मन कने विश्वास करदा, तां ए होई सकदा: तिसने जवाब दित्तेया कि मैं विश्वास करदा कि मसीह यीशु ही परमेश्वर रे पुत्तर हिन।

1 यूहन्ना 4:15

जे कोई ए मन्नी लिन्दा कि यीशु परमेश्वर रा पुत्तर है तां परमेश्वर तिस मणू अन्दर बणी रैहन्दा ते से मणू परमेश्वर अन्दर।

1 यूहन्ना 5:1

जे मणू ए विश्वास करदा कि यीशु ही मसीह हिन, से मणू परमेश्वर री औलाद ठैहरदा ते जे कोई अपणे पिता परमेश्वर कने प्यार रखदा से तिन्हेरी औलाद्दां कने भी प्यार रखदा।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।