1 यूहन्ना 5:21 - चम्बयाली नौआ नियम

²¹ ओ बच्चेयों, अप्पु जो हर तिस चीज का दुर रख्खो जे तुसा रे दिल बिच परमेश्वर री जगाह् लेई सकदी।

1 यूहन्ना 5:21 ပူးပေါင်းရင်းမြစ်များ

मत्ती 6:13

अते असा जो परखदे मत, पर शैतान का बचाई रख्खेयो, (किजोकी राज, पराक्रम ते महिमा हमेसा तुसा रा ही है, आमीन)!

1 कुरुन्थियों 10:14

इधेरे तांइ ओ मेरे प्यारेयों, पूरी तरिक्के कने मूर्तां री पूजा करणा का छड्डी देयो।

1 कुरुन्थियों 10:7

ते ना तुसा मूर्तां री पूजा करणे वाले बणदे, जिय्यां कि तिन्हा बिच का मते जणे बणी गे थिये, जिय्यां कि पवित्रशास्त्र बिच लिख्खे रा है, “मणू खाणा-पीणा बैठ्ठे ते फिरी उठी करी अनैतिक कम्म करणा लगे”

1 थिस्सलुनीकियों 1:9

किजोकी मणू अप्पु-मिते गल्लां करदे कि जां असी तुसा का आए थिये तां तुसा ने असी लोक्कां रा कदेया स्वागत कित्तेया थिया अते तुसा मूर्तां री पूजा करणा छड्डी करी जिंदे परमेश्वर रे पास्से किय्यां मुड़े थिये, ताकि तुसा जिंदे अते सच्चे परमेश्वर री सेवा करी सको,

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।

प्रकाशित वाक्य 14:11

तिन्हेरी पीड़ा रा धुआं, हमेसा तांइ उठदा रैह्णा, ते जे तिस जानवर अते तिसेरी मूर्ति री अराधना करदे हिन, अते जे तिसेरे नां ही छापी लिंदे हिन, तिन्हा जो रात दिन चैन नी मिलणा।

प्रकाशित वाक्य 9:20

बाकि मणूआं ने जे उन्हा बिमारियां कने नी मरे थिये, अपणे हत्थां रे कम्मां का तौबा नी कित्ती, कि दुष्टात्मा, अते सुन्ने चाँदी अते पीतल, अते पत्थरां, ते काठ री मूर्तां री पूजा ना करण, जे ना दिख्खी, ना सूणी, ना चली सकदी हिन।