1 यूहन्ना 5:12 - चम्बयाली नौआ नियम

¹² जिन्हा लोक्कां रा परमेश्वर रे पुत्तर कने गहरा रिस्ता है, हमेसा री जिन्दगी है तिन्हा लोक्कां री है, ते जिन्हा लोक्कां रा परमेश्वर रे पुत्तर कने गहरा रिस्ता नी है, तिसका हमेसा री जिन्दगी भी नी है।

1 यूहन्ना 5:12 ပူးပေါင်းရင်းမြစ်များ

मरकुस 16:16

जे विश्वास करी के बपतिस्मा लिन्गा तिसेरा ही छुटकारा होणा, पर जे विश्वास नी करगा, तिसेरे पाप माफ नी होणे ते से गुनेह्गार मन्नेया जाणा।

यूहन्ना 1:12

पर जितणेया ने तिसजो अपणाया, तिसने तिन्हा जो परमेश्वर रे पुत्तर होणे रा हक्क दिता, तिन्हा लोक्कां जो जे तिस पर विश्वास रखदे।

यूहन्ना 3:15

तां कि जे कोई तिस पर विश्वास करे से हमेसा री जिन्दगी पाए।

यूहन्ना 3:36

जे परमेश्वर रे पुत्तर पर विश्वास करदा, हमेसा री जिन्दगी तिसेरी है, पर जे परमेश्वर रे पुत्तर री नी मनदा, तिनिए हमेसा री जिन्दगी नी दिखणी, पर परमेश्वर ने तिसजो सजा दैणी।

यूहन्ना 5:24

मैं तुसा रे कने सच-सच बोलदा, जे मेरा वचन सुणी करी मेरे भेजणे वाले पर विश्वास करदा हमेसा री जिन्दगी तिसका है, कने तिस पर सजा रा हुकम नी हुन्दा पर से मौत जो टप्पी करी हमेसा री जिन्दगी बिच जाई चुके रा है।

1 कुरुन्थियों 1:30

पर परमेश्वर ने तुसा लोक्कां रा रिस्ता मसीह यीशु कने जोड़ेया, ते मसीह यीशु रे जरिये से असा जो अपणा ज्ञान दिंदे, परमेश्वर असा जो अपणी नजर बिच धार्मिक ठैहरांदे। असी मणू मसीह यीशु रे जरिये पवित्र ठैहराये गेरे हिन ते असा जो पाप का अजाद करदे।

गलातियों 2:20

ए इदेया है कि जां यीशु मसीह सुली पर मरे तिय्यां ही मैं भी मरी गेया ते अवे मैं जिंदा नी रेया, पर मसीह यीशु मेरे बिच जिंदे। अते मैं अवे जे जिंदा है तां सिर्फ तिस विश्वास कने जिंदा है, जे मेरे जो परमेश्वर रे पुत्तर पर है, जिन्हा ने मेरे कने प्यार कित्तेया, अते मेरे तांइ अप्पु जो देई दित्तेया।

इब्रानियों 3:14

जे अगर असी परमेश्वर बिच विश्वास करणे अंदर आखिर तिकर तिय्यां ही मजबूत बणे रे, जां तिस बेल्ले थिये जा असी पैल्ली वरी तिन्हा बिच विश्वास कित्तेया थिया, तां असा जो मसीह री हर चीज बिच हिस्सा मिलणा।

2 यूहन्ना 1:9

मैं तुसा जो बोलदा कि जे अगर कोई मणू मसीह यीशु री शिक्षा पर चलणा छड्डी दिंदा पर तिस शिक्षा बिच अपणी गल्लां भी जोड़ी दिंदा तां तिसेरा परमेश्वर कने कोई रिस्ता नी है। पर जे अगर कोई मणू मसीह री शिक्षा पर बराबर चलदा रैहन्दा तां तिस मणू रा पिता परमेश्वर ते तिन्हेरे पुत्तर मसीह यीशु कने रिस्ता है।