1 यूहन्ना 5:10 - चम्बयाली नौआ नियम

¹⁰ ते जिन्ने मणू परमेश्वर रे पुत्तर बिच विश्वास रखदे से तिन्हेरी गवाई पर भी विश्वास रखदे, पर जिन्हा लोक्कां ने परमेश्वर ते तिन्हेरे पुत्तर री गवाई पर विश्वास नी कित्तेया, से मणू परमेश्वर जो झूठ्ठा बणांदे, किजोकी तिन्हा लोक्कां ने परमेश्वर री गवाई पर विश्वास नी कित्तेया जे परमेश्वर ने अपणे पुत्तर रे बारे बिच दित्ते री है।

1 यूहन्ना 5:10 ပူးပေါင်းရင်းမြစ်များ

यूहन्ना 3:16

किजोकी परमेश्वर ने दुनिया रे लोक्कां कने इन्ना प्यार कित्ती कि तिन्हा ने अपणा इकलौता पुत्तर देई दिता कि जेड़ा तिस पर विश्वास करे से नास न हो पर हमेसा री जिन्दगी पाओ।

यूहन्ना 3:18

जेड़ा तिस पर विश्वास करदा, तिस पर सजा रा हुकम नी हुन्दा पर जे तिस पर विश्वास नी करदा से दोषी ठहरी चुक्केया इस तांइ कि तिसने परमेश्वर रे इकलौते पुत्तर रे नां पर विश्वास नी कित्ता।

यूहन्ना 3:33

पर जिनिए तिसेरी गवाई मन्नी लेई, तिनिए इस गल्ल पर छाप लगाई दित्ती कि परमेश्वर सच्चे हिन।

यूहन्ना 5:38

ते परमेश्वर रा बसेख तुसा रे मन बिच नी है, किजोकी परमेश्वर ने मेरे जो भेज्जे रा है ते तुसा मेरा विश्वास नी करदे।

प्रेरितां रे कम्म 8:37

फिलिप्पुस ने तिसजो बोल्लेया, जे अगर तू अपणे पूरे मन कने विश्वास करदा, तां ए होई सकदा: तिसने जवाब दित्तेया कि मैं विश्वास करदा कि मसीह यीशु ही परमेश्वर रे पुत्तर हिन।

रोमियों 8:16

पवित्रात्मा अप्पु ही असा री आत्‍मा कने ए गवाई दिंदी कि असी परमेश्वर री औलाद्दां हिन।

गलातियों 4:1

मैं इस इक्क उदारण कने समझांदा कि कुसकी मणू रा इक्क बच्चा है जे तिसेरा वारिस है। ते जां तांइ से वारिस बच्चा है, तां तिकर तिस बिच ते नौक्कर बिच कोई जादा फरक नी हुंदा।

गलातियों 4:6

अवे असी जे तिन्हेरे अपणे औलाद हिन इधेरे तांइ परमेश्वर ने अपणे आत्‍मा जो असा रे दिल बिच पाए रा है, जे असा जो ओ अब्बा ते ओ पिता करी के पुकारदा।

कुलुस्सियों 3:3

किजोकी तुसा तां अपणे पाप रे स्वभाव बिच मरी चुके रे हिन, अवे तुसा री जिन्दगी मसीह यीशु कने परमेश्वर बिच लुके री है।

इब्रानियों 3:12

ओ संगी विश्वासियों, चुकन्ने रेयो, कि तुसा रे मन बिच इदेइ बुराई ते अविश्वास ना आई जाओ, जे तुसा जो जिन्दगी दैणे वाले परमेश्वर रे हुकमा जो मनणे का फेरी दे।

2 पतरस 1:19

इधेरे तांइ असी भविष्यद्वक्तां री बोल्ले री गल्लां बिच होर भी जादा हिम्मत रखदे। जे अगर तुसा इस बसेख पर ध्यान दिंगे ता से बड़ी बदिया गल्ल होणी, किजोकी ए इक्क दीये सांई है जे न्याहरे बिच तां तांइ चमकदी जां तांइ दिन नी आई जांदा ते मसीह री रौसनी तुसा रे दिल बिच नी चमकदी, बिल्कुल तिय्यां ही जिय्यां भ्याग्गे रा तारा इस दुनिया बिच रौसनी लांदा।

1 यूहन्ना 1:10

जे असी बोलदे कि असा रे बिच पाप नी है तां असा परमेश्वर जो झूठा बणान्दे अते असी तिन्हेरे वचन रे हिसाब कने जिन्दगी नी जिन्दे।

1 यूहन्ना 5:1

जे मणू ए विश्वास करदा कि यीशु ही मसीह हिन, से मणू परमेश्वर री औलाद ठैहरदा ते जे कोई अपणे पिता परमेश्वर कने प्यार रखदा से तिन्हेरी औलाद्दां कने भी प्यार रखदा।

प्रकाशित वाक्य 12:17

इसेरे नतीज्जे रे तौर पर, से अजगर जो तिस जनानी पर बड़ा वरी गुस्सा आया। इधेरे तांइ तिनिये तिस जनानी रे ‍खानदान रे खिलाफ इक्क लड़ाई रा एलान करी दित्तेया। ए से मणू होणे जे परमेश्वर रे हुकम मुताबिक चलदे ते तिन्हा सच्ची शिक्षां पर बणी रैह्‍न्दे जे मसीह ने सिखाए री हिन।

प्रकाशित वाक्य 2:17

जे सुनणा चाए, से ध्यान कने सुणे कि पवित्रात्मा कलीसिया रे मणूआं कने कै बोलणा चाह्‍ंदा। मैं तिन्हा लोक्कां जो से लुके रा मन्ना दैणा, जिन्हा लोक्कां ने इन्हा बुराई री ताकत जो हराई दैणा। मैं तिन्हा बिच का हर इक्क जो इक्क चिट्टा बट्टा भी दैणा जिस पर इक्क नौआ नां लिख्खेया जाणा। जिस जो से बट्टा मिलणा, तिसेरे अलावा कुसकी जो भी तिस नां रा पता नी होणा।”

प्रकाशित वाक्य 2:28

मैं तिन्हा जो तिन्हेरी जीत दिखाणे तांइ भ्याग्गे रा सितारा भी दैणा।