1 यूहन्ना 4:8 - चम्बयाली नौआ नियम

⁸ जे दूज्जेयां कने प्यार नी रखदा, से परमेश्वर जो नी जाणदा, किजोकी परमेश्वर प्यार है।

1 यूहन्ना 4:8 ပူးပေါင်းရင်းမြစ်များ

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

इफिसियों 2:4

पर परमेश्वर दया कने भरपूर थिये। असी अपणे पाप्पां री वजह कने मुर्देयां सांई थिये, पर परमेश्वर ने असा कने इन्ना जादा प्यार कित्तेया कि तिन्हा ने असा जो मसीह कने फिरी जिन्दा कित्तेया ते असा जो अपणे तिस अनुग्रह कने असा जो बचाया जिसेरे काबिल असी नी हिन।

इब्रानियों 12:29

किजोकी असा रा परमेश्वर इक्क फुकणे वाली आग्ग सांई हिन।

1 यूहन्ना 1:5

असा ने मसीह यीशु का जे सुब बसेख सूणेया है, से ए है, अते इसजो ही असा तुसा जो सुणाया करदे हिन: परमेश्वर रौसनी सांई शुद्व है ते उस बिच न्याहरे सांई बुराई नी है।

1 यूहन्ना 2:4

जे कोई ए बोलदा कि मैं परमेश्वर जो जाणदा, ते तिन्हेरी गल्लां जो नी मनदा, तां से झूठ्ठा है, तां से सच्चाई रे हिसाब कने जिन्दगी नी जिन्दा।

1 यूहन्ना 2:9

जे कोई ए बोलदा कि मैं सच्चाई बिच जिन्दगी जिया करदा है पर अपणे संगी विश्वासी कने बैर रखदा, से हल्ले तिकर बुराई बिच जिया करदा है।

1 यूहन्ना 3:10

परमेश्वर री औलाद ते शैतान रे औलाद बिच इस कने फरक पता लाई सकदे कि हर से मणू जे धार्मिकता रे कम्म नी करदा से परमेश्वर री औलाद नी है, अते जे अपणे संगी विश्वासी कने प्यार नी करदा, से भी परमेश्वर री औलाद नी है।

1 यूहन्ना 3:6

जे कोई मसीह यीशु बिच बणी रैह्न्दा, से अग्गे जो पाप बिच जिन्दगी नी बितांदा पर हर इक्क कोई जे पाप करदा रैहन्दा, तिसेरा परमेश्वर कने कोई रिस्ता नी अते तिसने तिन्हा जो नी जाणेया।

1 यूहन्ना 4:16

ते असी जाणदे ते विश्वास करदे कि परमेश्वर असा कने बड़ा जादा प्यार करदे। परमेश्वर प्यार है, जे प्यार बिच बणी रैह्न्दा, से परमेश्वर बिच बणी रैहन्दा, ते परमेश्वर तिस अन्दर बणी रैह्न्दा।

1 यूहन्ना 4:7

ओ प्यारेयों, असी अप्पु-मिते प्यार रखण किजोकी प्यार परमेश्वर रे पास्से का है, ते जे दूज्जेयां कने प्यार रखदा, से परमेश्वर रा बच्चा है, ते परमेश्वर जो जाणदा।