1 यूहन्ना 4:5 - चम्बयाली नौआ नियम

⁵ झूठ्ठे भविष्यद्वक्ता इस दुनिया रे लोक्कां बिच का हिन, इधेरे तांइ से दुनिया रे नजरिये कने गल्ल करदे ते दुनिया रे मणू तिन्हेरी सूणदे भी।

1 यूहन्ना 4:5 ပူးပေါင်းရင်းမြစ်များ

लूका 16:8

फिरी इय्यां होया कि तिस अमीर मणू ने अपणे ठग्ग मुंशी री चलाकी दिख्खी करी तिसेरी तारिफ कित्ती, किजोकी तिनिए बड़ी चलाकी कने कम्म कित्ता थिया, तिय्यां ही इस दुनिया मणू दुनियादारी री गल्लां बिच परमेश्वर रे लोक्कां का जादा चलाक हिन।

यूहन्ना 17:14

मैं तुसा रा वचन दुनिया रे लोक्कां जो दित्तेया। दुनिया रे लोक्कां ने मेरे चेल्‍लेयां कने नफरत कित्ती, किजोकी जिय्यां दुनिया चलदी तिय्यां से नी चलदे, जिय्यां मैं भी इस दुनिया रे हिसाब कने नी चलदा।

यूहन्ना 17:16

जिय्यां मैं इस दुनिया रे लोक्कां बिच का इक्क नी है, तिय्यां ही से भी इस दुनिया रे लोक्कां बिच का नी हिन।

यूहन्ना 3:31

जे स्वर्ग का आन्दा से सबणी का जादा बधी करी है, ते जे दुनिया का आन्दा से दुनिया रा है, ते दुनिया री ही गल्लां करदा जे स्वर्ग का आन्दा, से सबणी का उप्पर है।

यूहन्ना 8:23

यीशु ने तिन्हा लोक्कां जो बोल्लेया, तुसा मणूआं का पैदा होए रे हिन, पर मैं स्वर्ग का आए रा है, ते मैं इस दुनिया रे लोक्कां बिच का नी है।

2 तीमुथियुस 4:3

किजोकी इदेया बेल्ला आणा जां लोक्कां ने सही शिक्षा जो सुनणा नी चाह्‍णा, पर तिन्हा ने अपणी मर्जी रे हिसाब कने चलणा ते तिन्हा शिक्षकां जो तोपणा जिन्हा ने से ही बोलणा जे से मणू सुनणा चाह्‍ंदे।

प्रकाशित वाक्य 12:9

तां तिस अजगर ते तिसेरे दूत जो धरती पर सूटी दित्तेया गेया। से अजगर ओ ही है जिस जो पैल्ले-पैल्ले कीड़ा भी बोल्लेया गेया थिया, जिसेरा नां शैतान। एह् ओई है जे दुनिया रे लोक्कां पर इल्जाम लगांदा अते भटकाया करदा है।