1 यूहन्ना 4:4 - चम्बयाली नौआ नियम

⁴ ओ प्यारे बच्चेयों, तुसा परमेश्वर रे मणू हिन, तुसा तिन्हा झूठ्ठे भविष्यद्वक्तां पर जीत हासिल कित्ते री है, किजोकी पवित्रात्मा जे तुसा बिच बसदी से शैतान का जादा ताकतवर है जे इस दुनिया रे लोक्कां पर राज करदा।

1 यूहन्ना 4:4 ပူးပေါင်းရင်းမြစ်များ

यूहन्ना 12:31

अवे इस दुनिया रे लोक्कां रा हिसाब-किताब होणा, अवे इस दुनिया रा सरदार जे शैतान है, तिसजो कड्डी दित्तेया जाणा।

यूहन्ना 14:30

मैं अवे तुसा कने जादा गल्लां नी करणी, किजोकी इस दुनिया रा सरदार जे शैतान है, आया करदा है, मेरे पर तिसेरा कोई हक्क नी है,

यूहन्ना 16:11

अते हिसाब-किताब रे बारे बिच, इधेरे तांइ कि दुनिया रे शासक, शैतान जो कसुरवार ठैहराई दित्तेया गे रा है।

यूहन्ना 17:23

मैं उन्हा बिच होणा ते तुसा मेरे बिच होणा, ताकि से सिद्व होई करी इक्क होई जाण, अते दुनिया जाणी जाये कि तुसा ने मेरे जो भेज्जेया है ते तुसा ने उन्हा कने भी तिय्यां प्यार कित्तेया जिय्यां मेरे कने प्यार करदे हिन

रोमियों 8:31

अते इन्हा गल्लां जो ध्यान बिच रखदे होए असी इस अंजाम पर पुजदे, कि जां परमेश्वर असा रे पास्से है, तां कोई भी असा जो हराई नी सकदा।

रोमियों 8:37

पर असी मसीह यीशु रे जरिये हर इक्क गल्ल बिच इक्क विजेता का बधी करी हिन, किजोकी मसीह यीशु असा कने प्यार करदे।

1 कुरुन्थियों 2:12

पर परमेश्वर ने असा जो अपणी आत्‍मा दित्ते री है, इधेरे तांइ असी दुनिया रे लोक्कां सांई नी सोचदे। ते ए ही वजह है कि असी परमेश्वर री आशीषां जो समजी लिंदे।

1 कुरुन्थियों 6:13

तुसा मणू बोलदे कि रोट्टी पेट तांइ जरुरी है ते पेट रोट्टी तांइ जरुरी। ए गल्ल सही ता है पर इक्क दिन परमेश्वर ने इन्हा दोन्नां जो मुकाई दैणा। पर कोई भी मणू ए नी बोल्ली सकदा कि असा रे सरीर व्यभिचार तांइ बणे रे हिन। असा रे सरीर प्रभु रे हिन ते असा जो अपणे शरीरां जो प्रभु री इच्छा पूरी करणे तांइ इस्तेमाल करणा चाएदा।

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

2 कुरुन्थियों 6:16

ते मूर्तां कने परमेश्वर रे मन्दिर रा कोई रिस्ता नी। किजोकी असी ता जिन्दे परमेश्वर रे मन्दिर हिन, जिय्यां परमेश्वर ने बोल्ले रा है, “मैं तिन्हा लोक्कां बिच बसणा ते तिन्हा बिच चलणा-फिरणा, मैं तिन्हेरा परमेश्वर होण ते से मेरे मणू होणे।”

इफिसियों 2:2

तिस बेल्ले तुसा दुनियादारी रे तौर-तरिक्के कने चलदे थिये ते तुसा शैतान रे कहे मुताबिक चलेया करदे थिये जे दुष्टात्मां रा हाकिम है, ते जे अज्ज भी तिन्हा लोक्कां बिच कम्म करेया करदा है जे परमेश्वर रे हुकमां री ना-फरमानी करदे।

इफिसियों 3:17

मैं प्रार्थना करदा कि तुसा रे दिल मजबूत होई जाण ताकि जिय्यां तुसा मसीह यीशु पर विश्वास करण तिय्यां ही से तुसा रे दिल बिच बसी रैह्ण ते परमेश्वर ते बाकि लोक्कां तांइ तुसा रा प्यार तुसा जो मजबूत बणाई रख्खे।

इफिसियों 6:10

आखिरकार तुसा परमेश्वर री ताकत बिच आत्मिक रुप बिच अप्पु भी ताकतवर बणदे जाओ।

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।

1 यूहन्ना 2:13

ओ बुजुर्ग लोक्कों, मैं तुसा जो इधेरे तांइ लिखदा कि जे सुरुआत का है तिसजो तुसा जाणदे, ओ जवानों मैं तुसा ओ इधेरे तांइ लिखदा कि तुसा ने तिस शैतान पर जीत हासिल कित्ते री है। ओ बच्चेयों, मैं तुसा जो इधेरे तांइ लिख्खेया कि तुसा पिता परमेश्वर जो जाणी गेरे हिन।

1 यूहन्ना 3:20

भले ही असा रा मन असा जो दोषी ठेहरांदा तां भी असी परमेश्वर का हिम्मत कने प्रार्थना करी सकदे किजोकी परमेश्वर असा री सोच का बड्डे हिन ते से सब किच्‍छ जाणदे।

1 यूहन्ना 3:24

जे तिसेरे हुकमां जो मनदा, से परमेश्वर कने बणी रैहन्दा ते परमेश्वर तिस मणू बिच बणी रैहन्दा ते इस तरिक्के कने पवित्रात्मा रे जरिए जिस जो परमेश्वर ने असा जो दित्तेया है, असी ए जाणदे कि असा रा परमेश्वर कने रिस्ता बणे रैहन्दा।

1 यूहन्ना 4:13

इस कने ही असी जाणदे कि असी परमेश्वर अन्दर बणी रैह्‍न्दे, ते से असा अन्दर, किजोकी तिनिए अपणी पवित्रात्मा असा जो दित्ते रा है।

1 यूहन्ना 4:16

ते असी जाणदे ते विश्वास करदे कि परमेश्वर असा कने बड़ा जादा प्यार करदे। परमेश्वर प्यार है, जे प्यार बिच बणी रैह्न्दा, से परमेश्वर बिच बणी रैहन्दा, ते परमेश्वर तिस अन्दर बणी रैह्न्दा।

1 यूहन्ना 4:6

असी परमेश्वर रे मणू हिन ते जे परमेश्वर जो जाणदा, से असा री सूणदा, जे परमेश्वर जो नी जाणदा, से असा री नी सूणदा। इय्यां ही असी सच री आत्‍मा ते भटकाणे वाली आत्‍मा बिच फरक पैछाणदे।

1 यूहन्ना 5:19

असा जो पता है कि असी परमेश्वर कने हिन ते सारी दुनिया तिस शैतान रे वस अन्दर पेरी है।

1 यूहन्ना 5:4

किजोकी जे कोई परमेश्वर री औलाद है, तिसने दुनिया पर जीत हासिल कित्ती ते असी से जीत अपणे विश्वास रे जरिए हासिल करदे।

प्रकाशित वाक्य 12:11

ते तिस “उरणू रे बच्चे” रे खून री वजह कने, अते अपणी गवाई रे वचन री वजह कने, तिस पर जयवन्त होये, अते तिन्हा ने अपणे प्राणां जो प्यारे नी जाणी के, इत्ते तक की मौत भी सहन करी लित्ती।