1 यूहन्ना 4:21 - चम्बयाली नौआ नियम

²¹ ते तिसका असा जो ए हुकम मिलेरा है कि जे कोई अपणे परमेश्वर कने प्यार रखदा, से अपणे संगी विश्वासी कने भी प्यार रख्खो।

1 यूहन्ना 4:21 ပူးပေါင်းရင်းမြစ်များ

मत्ती 5:43

“तुसां ए भी जाणदे कि आज्ञा दित्ती गई थी कि, अपणे गुआन्डियां कने प्यार करो, अते अपणे बैरियां कने नफरत,

लूका 10:37

से बोलणा लगेया, जिस सामरी मणू ने तिस पर तरस खाया थिया। यीशु ने तिस्जो बोल्लेया, जा ते अज्ज का बाद तू भी इय्यां ही करेयां।

यूहन्ना 15:12

मेरा हुकम ए है कि जिय्यां मैं तुसा रे कने प्यार कित्तेया, तिय्यां ही तुसा भी इक्क दूज्जे कने प्यार करो।

गलातियों 5:14

किजोकी मूसा रा पूरा कानून वस इक्क ही हुकम बिच पूरा होई जांदा कि “तू अपणे गुआडीं कने अप्पु सांई प्यार रख।”

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

1 थिस्सलुनीकियों 4:9

पर मेरे जो चीठ्ठी लिख्खी करी तुसा जो संगी विश्वासियां कने प्यार रखणे तांइ दसणे री जरुरत नी है, किजोकी से तुसा अप्पु परमेश्वर का सिख्खे रा है।

1 पतरस 3:8

आखिरकार मैं तुसा सारेयां जो ए बोलणा चाह्‍ंदा कि तुसा सारे जणे इक्क-मन होई करी रेयो। इक्क दूए कने हमदर्दी रख्खो। इक्क-दूए जो अपणे परिवार रे मणूआं सांई प्यार करो, इक्क-दूए तांइ दयालू बणो ते सारेयां कने नरम बणो।

1 पतरस 4:8

अते सबका बड्डी गल्ल ए है कि इक्क-दूज्जे तांइ प्यार रखो, किजोकी प्यार अणगिणत पाप्पां जो ढक्की दिंदा

1 यूहन्ना 2:7

ओ प्यारे विश्वासियों, मैं तुसा जो कोई नौआ हुकम नी लिख्येया करदा है, पर से ही पुराणा हुकम जे सुरुआत का तुसा जो मिल्ले रा है। ए पुराणा हुकम से ही वचन है जिस जो तुसा तां सूणेया थिया जां तुसा मसीह यीशु बिच विश्वास कित्ता थिया।

1 यूहन्ना 3:11

ए उपदेस तुसा मसीह बिच विश्वास करणे रे सुरु रे बेल्ले का ही सुणे रा है कि असा जो इक्क-दूय्ये कने प्यार कने रैह्णा चाएदा।

1 यूहन्ना 3:14

असी जाणदे कि असी हमेसा री मौत रे वस बिच नी हिन ते अवे असा का परमेश्वर रे पास्से का हमेसा री जिन्दगी है किजोकी असी अपणे संगी विश्वासी कने प्यार करदे ते जे मणू प्यार नी करदा, से हमेसा री मौत रे वस बिच हिन।

1 यूहन्ना 3:18

ओ प्यारे बच्चों, असा रा प्यार सिर्फ गल्लां बिच ही नी रैह्णा चाएदा बल्कि से कम्मां बिच दिसणा चाएदा अते सच्चा होणा चाएदा।

1 यूहन्ना 3:23

तिसेरा हुकम ए है कि असी तिसेरे पुत्तर मसीह यीशु बिच विश्वास करण अते जिय्यां तिन्हा हुकम दित्तेया है, कि असी इक्क-दूय्ये कने प्यार करो।

1 यूहन्ना 4:11

ओ प्यारेयो, जां परमेश्वर ने असा कने इदेया प्यार कित्तेया, तां असा जो भी अप्पु-मिते प्यार करणा चाएदा।