1 यूहन्ना 4:20 - चम्बयाली नौआ नियम

²⁰ अगर कोई बोल्ले कि, मैं परमेश्वर कने प्यार रखदा पर अपणे संगी विश्वासी कने प्यार ना रख्खो, तां से झूठा है किजोकी जे अपणे संगी विश्वासी कने जिस जो तिनिए दिख्खे रा है, प्यार नी रखदा तां से परमेश्वर कने भी जिस जो तिनिए नी दिख्खेया, प्यार नी रख्खी सकदा।

1 यूहन्ना 4:20 ပူးပေါင်းရင်းမြစ်များ

यूहन्ना 13:35

जे अगर तुसा अप्पु मिते प्यार रखगे, तां इसी कने सारेयां जो पता चलणा कि तुसा मेरे चेल्‍ले हिन।

1 पतरस 1:8

तुसा ने मसीह यीशु जो कदी भी नी दिख्खे रा है पर फिरी भी तुसा तिन्हा जो प्यार करदे। तुसा इस बेल्ले तिन्हा जो दिख्खी नी सकदे पर तुसा तिन्हा बिच विश्वास करदे। इधेरे तांइ तुसा तिस आनंद ते महिमा बिच खुस हुंदे जे शब्दां बिच बयान नी होई सकदी।

1 यूहन्ना 1:6

जे असी ए बोलण कि असी उसेरे साझी हिन पर असी पाप रे न्याहारे बिच अपणी जिन्दगी जिंदे तां असी झूठ बोल्लेया करदे हिन ते सच रे रस्ते पर नी चलेया करदे हिन,

1 यूहन्ना 1:8

जे असी बोलण कि असा बिच कोई पाप नी है तां असी खुद जो धोखा देया करदे हिन अते असा बिच सच्चाई नी है।

1 यूहन्ना 2:11

पर जे कोई अपणे संगी विश्वासी कने बैर रखदा से मणू बुराई बिच जिन्दगी जिया करदा है, ते न्याहरे बिच है, ते नी जाणदा कि कुते जाया करदा है, किजोकी बुराई ने तिसेरी हाख्खियां बांद्द करी रख्खी री हिन।

1 यूहन्ना 2:4

जे कोई ए बोलदा कि मैं परमेश्वर जो जाणदा, ते तिन्हेरी गल्लां जो नी मनदा, तां से झूठ्ठा है, तां से सच्चाई रे हिसाब कने जिन्दगी नी जिन्दा।

1 यूहन्ना 2:9

जे कोई ए बोलदा कि मैं सच्चाई बिच जिन्दगी जिया करदा है पर अपणे संगी विश्वासी कने बैर रखदा, से हल्ले तिकर बुराई बिच जिया करदा है।

1 यूहन्ना 3:17

पर जिस का इस दुनिया री धन-दौलत है अते से अपणे संगी विश्वासियां जो जरुरत रे बेल्ले तिस पर दया नी करदा, तां तिस बिच परमेश्वर रा प्यार नी है।

1 यूहन्ना 4:12

परमेश्वर जो कदी कुनिए भी नी दिख्खेया अगर असी अप्पु-मिते प्यार रखण, तां परमेश्वर असा री जिन्दगी अन्दर बणी रैह्न्दा, ते तिसेरा प्यार असा अन्दर सिद्ध होई गे रा है।