1 यूहन्ना 4:18 - चम्बयाली नौआ नियम

¹⁸ प्यार अन्दर डर नी हुन्दा, पर सिद्ध प्यार डर जो दुर करी दिन्दा, किजोकी डरा कने तकलीफ हुंदी, ते जे डरदा, से प्यार अन्दर सिद्ध नी होया।

1 यूहन्ना 4:18 ပူးပေါင်းရင်းမြစ်များ

मत्ती 9:34

पर फरीसी मणू बोलणा लग्गे, ए तां दुष्टात्मा रे सरदार री मदत कने दुष्टात्मा जो कड्डदा।

रोमियों 8:15

किजोकी तुसा जो गुलामी री आत्‍मा नी मिल्ले री है कि तुसा जो डर बिच जिन्दगी बिताओ, पर जां परमेश्वर ने तुसा जो अपणी औलाद्दां बणाई करी गोद लेई लित्ता, तां तुसा जो पवित्रात्मा मिल्लेया। अवे असी परमेश्वर जो पिता बोलदे।

2 तीमुथियुस 1:7

किजोकी परमेश्वर ने असा जो डरपोक नी बणाए रा है। बल्कि तिन्हेरा आत्‍मा असा जो आत्मिक ताकत दिंदा, ते असा जो दूए लोक्कां कने प्यार करणे बिच मदद करदा ते असा जो अप्पु पर काबू रखणे री ताकत दिंदा।

इब्रानियों 12:28

इधेरे तांइ असा जो जे राज मिल्ले रा है, तिसजो हिलाया नी जाई सकदा। असी परमेश्वर रे अनुग्रह री वजह कने तिन्हेरा शुकर करण, जिस कने असा री भक्ति ते डर कने परमेश्वर री इदेइ अराधना करण जिस कने से खुस हुदें।

याकूब 2:19

तिज्जो विश्वास है कि परमेश्वर इक्क ही है; तू ठीक करदा; दुष्टात्मा भी विश्वास करदी ते डर कने कमदी।

1 यूहन्ना 4:12

परमेश्वर जो कदी कुनिए भी नी दिख्खेया अगर असी अप्पु-मिते प्यार रखण, तां परमेश्वर असा री जिन्दगी अन्दर बणी रैह्न्दा, ते तिसेरा प्यार असा अन्दर सिद्ध होई गे रा है।