1 यूहन्ना 4:17 - चम्बयाली नौआ नियम

¹⁷ इस कने ही प्यार असा अन्दर सिद्ध होए रा है कि असा जो न्याय वाले रोज्जे हिम्मत हो कि तिन्हा ने असा जो सजा नी दैणी, असी दुज्जेया जो हकीकत बिच प्यार कित्तेया जिय्यां मसीह ने भी इस दुनिया रे लोक्कां कने कित्तेया ते तिसेरे हिसाब कने जिए भी।

1 यूहन्ना 4:17 ပူးပေါင်းရင်းမြစ်များ

मत्ती 10:15

मैं तुसा जो सच बोलदा हिसाब-किताब होणे रे रोज्जे उस सहर री हालत का सदोम अते अमोरा रे देस री हालत केई जादा ठीक होणी।

मत्ती 10:25

चेल्‍ले तांइ ए काफी है कि से अपणे गुरु रे बराबर है, अते नौक्कर तांइ ए कि से अपणे मालक रे बराबर है, जे तिन्हा घरे रे मालक जो दुष्टात्मां रा सरदार बोल्ली दित्तेया तां घरे रे दूज्जेयां लोक्कां जो कै किच्‍छ नी बोलणा।

मत्ती 11:22

पर मैं तुसा जो बोलदा कि हिसाब-किताब होणे वाले रोज्जे तुसा री हालत सूर अते सैदा रे सहर री तिस हालत का भी बुरी होणी जां परमेश्वर ने तिन्हा जो दंड दित्तेया थिया।

मत्ती 11:24

पर मैं तुसा जो बोलदा कि हिसाब-किताब वाले रोज्जे तुसा री हालत सदोम सहर री तिस हालत का भी बड़ी जादा बुरी होणी जां परमेश्वर ने तिन्हा जो दंड दित्तेया थिया।

मत्ती 12:36

पर मैं तुसा जो बोलदा मणू री हर इक्क फजूल गल्ल रा हिसाब तिसजो हिसाब-किताब वाले रोज्जे दैणा पैणा।

यूहन्ना 15:20

मैं जे गल्लां तुसा जो बोल्ली, तिन्हा जो याद रख्खो, इक्क नौक्कर अपणे मालक का बड्डा नी हुंदा, इधेरे तांइ जे तिन्हा मेरे पर जुल्म कित्तेया तां तुसा पर भी जुल्म करणा, अते जे अगर तिन्हा मेरी शिक्षा जो मन्नेयां, तां तुसा री भी मनणी।

यूहन्ना 17:22

से बड़ाई जे तुसा ने मेरे जो दित्ती है, मैं उन्हा जो दित्ती, ताकि से भी तिय्यां ही इक्क होई सकण जिय्यां असी इक्क हिन।

रोमियों 8:29

किजोकी परमेश्वर अपणे लोक्कां जो पैल्ले का जाणदे, ते परमेश्वर ने तिन्हा लोक्कां जो अपणे पुत्र सांई बणने तांइ चुणे रा है, ताकि मसीह यीशु परमेश्वर रे बाकि मती औलाद्दां बिच तिन्हेरे जेठे पुत्तर ठैहरे।

इब्रानियों 9:27

जिय्यां हर इक्क मणू रा इक्क वरी मरणा, ते फिरी परमेश्वर का तिन्हेरा हिसाब-किताब होणा तय है,

याकूब 2:13

जे अगर तुसा होर लोक्कां कने दया रख्खी हो तां परमेश्वर ने भी हिसाब-किताब करणे रे दिन पर तुसा पर दया करणी।

याकूब 2:22

तैं दिख्खी लित्तेया कि तिन्हेरा विश्वास तिन्हेरे ठीक कम्मां री वजह कने सिद्व होया।

2 पतरस 2:9

ए सारी चीजां जे परमेश्वर ने पैल्ले रे जमान्ने बिच कित्ते री हिन, ए जाहिर करदी कि प्रभु परमेश्वर ने तिन्हा लोक्कां जो सुरक्षित रखणा जे मणू भक्ति कने भरे री जिन्दगी जिन्दे, ते इस कने ए भी जाहिर हुंदा कि परमेश्वर ने दुष्ट लोक्कां जो अपणे हिसाब-किताब करणे रे दिन तिकर सजा दिंदे रैह्णा।

2 पतरस 3:7

पर परमेश्वर अपणे हुकम कने अब्बे री जमीन ते आसमान जो बचाया करदे हिन, ताकि तिसजो बाद बिच आग्ग कने मुकाई सके। से तिन्हा जो तिस दिन रख्खेया करदे हिन जां तिन्हा ने तिन्हेरे हुकम री ना-फरमानी करणे वाले लोक्कां का हिसाब-किताब लैणा ते तिन्हा जो सजा दैणी।

1 यूहन्ना 2:28

अते ओ बच्चेयों, मसीह बिच बणे रेयो कि जां मसीह हटी आये तां असा जो हिम्मत रे, ताकि तिन्हेरे आणे पर असी तिन्हेरे सामणे शर्मसार ना होण।

1 यूहन्ना 2:5

पर जे कोई परमेश्वर पिता रे वचन जो मनदा, तां तिस बिच हकीकत अंदर परमेश्वर रा प्यार सिद्व होए रा है इसी कने असी जाणदे कि असी तिन्हेरे बिच हिन:

1 यूहन्ना 2:6

जे अगर कोई ए बोलदा की मैं परमेश्वर बिच बणी रैहन्दा, तां तिस तांइ जरुरी है कि तदेई ही जिन्दगी जिये जदेई जिन्दगी मसीह यीशु जिन्दे थिये।

1 यूहन्ना 3:1

ध्यान देयो कि परमेश्वर पिता ने असा कने कितणा प्यार कित्तेया ताकि असा जो परमेश्वर रे निके-निके बोल्लेया जाई सके अते वाक्केई असी तिन्हेरे बच्चे हिन भी! इधेरे तांइ दुनिया रे मणू असा जो नी जाणदे कि असी परमेश्वर रे बच्चे हिन किजोकी तिन्हा ने परमेश्वर पिता जो भी नी जाणेया।

1 यूहन्ना 3:3

हर कोई जे मसीह पर इदेयी आस रखदा, से अप्पु जो तिय्यां ही पवित्र रखदा, जिय्यां मसीह यीशु पवित्र है।

1 यूहन्ना 3:7

ओ प्यारे बच्चो, तुसा जो कोई धोखा ना देयो, जे कोई नेक कम्म करदा, से मसीह यीशु सांई धार्मिक है।

1 यूहन्ना 4:12

परमेश्वर जो कदी कुनिए भी नी दिख्खेया अगर असी अप्पु-मिते प्यार रखण, तां परमेश्वर असा री जिन्दगी अन्दर बणी रैह्न्दा, ते तिसेरा प्यार असा अन्दर सिद्ध होई गे रा है।