1 यूहन्ना 4:16 - चम्बयाली नौआ नियम

¹⁶ ते असी जाणदे ते विश्वास करदे कि परमेश्वर असा कने बड़ा जादा प्यार करदे। परमेश्वर प्यार है, जे प्यार बिच बणी रैह्न्दा, से परमेश्वर बिच बणी रैहन्दा, ते परमेश्वर तिस अन्दर बणी रैह्न्दा।

1 यूहन्ना 4:16 ပူးပေါင်းရင်းမြစ်များ

यूहन्ना 6:69

असा ने तुसा बिच विश्वास कित्या, कने जाणी गे हिन, कि परमेश्वर रा भेज्जे रे पवित्र मसीह तू ही है।

यूहन्ना 9:3

यीशु ने जवाब दित्ता, ना इनिये ना इसेरे मां-प्यो ने पर ए इस तांइ अह्ना पैदा होया ताकि परमेश्वर रे चमत्कारी कम्म इसेरी वजह कने लोक्कां सामणे प्रकट होण।

1 कुरुन्थियों 2:9

पर जिय्यां की पवित्रशास्त्र बिच लिख्खे रा है, “जिन्हा गल्लां जो कुसकी ने नी दिख्खेया अते कुसकी ने नी सूणेया, अते कुसकी ने तिन्हा ठीक गल्लां जो नी समजेया जे परमेश्वर ने अपणे प्यार करणे वालेयां तांइ तैयार कित्तेया।”

1 यूहन्ना 3:1

ध्यान देयो कि परमेश्वर पिता ने असा कने कितणा प्यार कित्तेया ताकि असा जो परमेश्वर रे निके-निके बोल्लेया जाई सके अते वाक्केई असी तिन्हेरे बच्चे हिन भी! इधेरे तांइ दुनिया रे मणू असा जो नी जाणदे कि असी परमेश्वर रे बच्चे हिन किजोकी तिन्हा ने परमेश्वर पिता जो भी नी जाणेया।

1 यूहन्ना 3:16

असा ने प्यार मसीह यीशु का सिख्खेया कि तिन्हा ने असा तांइ अपणी जिन्दगी देई दित्ती, इधेरे तांइ असा जो भी अपणे संगी विश्वासियां तांइ अपणी जान दैणी चाएदी।

1 यूहन्ना 3:24

जे तिसेरे हुकमां जो मनदा, से परमेश्वर कने बणी रैहन्दा ते परमेश्वर तिस मणू बिच बणी रैहन्दा ते इस तरिक्के कने पवित्रात्मा रे जरिए जिस जो परमेश्वर ने असा जो दित्तेया है, असी ए जाणदे कि असा रा परमेश्वर कने रिस्ता बणे रैहन्दा।

1 यूहन्ना 4:7

ओ प्यारेयों, असी अप्पु-मिते प्यार रखण किजोकी प्यार परमेश्वर रे पास्से का है, ते जे दूज्जेयां कने प्यार रखदा, से परमेश्वर रा बच्चा है, ते परमेश्वर जो जाणदा।