1 यूहन्ना 3:7 - चम्बयाली नौआ नियम

⁷ ओ प्यारे बच्चो, तुसा जो कोई धोखा ना देयो, जे कोई नेक कम्म करदा, से मसीह यीशु सांई धार्मिक है।

1 यूहन्ना 3:7 ပူးပေါင်းရင်းမြစ်များ

मत्ती 5:20

किजोकी मैं तुसा जो बोलदा, जां तांइ तुसा री धार्मिकता, शास्त्रियां अते फरीसी लोक्कां री धार्मिकता का बधी करी ना हो, तां तांइ तुसा स्वर्ग रे राज अन्दर नी जाई सकदे।”

लूका 1:75

अते सारी उमर-भर, ते हर रोज, परमेश्वर रे अग्गे पवित्र अते धार्मिक बणी करी रेई सकण,

प्रेरितां रे कम्म 10:35

पर परमेश्वर हर जाति जे रा डर मनदे ते भले कम्म करदे, तिन्हा जो से अपणाई लिंदे।

रोमियों 2:13

किजोकी मूसा रे कानून जो सुनणे वाले मणू नी, पर कानून जो मनणे वाले मणू धार्मिक ठैहराए जांदे।

1 कुरुन्थियों 6:9

तुसा जो ठीक तरिक्के कने पता है धोख्खा दैणे वाले लोक्कां ने कदी परमेश्वर रे राज रे वारिस नी बणना। गलतफहमी बिच मत रेयो किजोकी व्यभिचारी, मूर्तां री पूजा करणे वाले, परस्त्रीगामी, लुच्चे, विकृत समलैंगिक रिस्ता,

इफिसियों 5:6

इधेरे तांइ इदेय लोक्कां का धोख्खा मत खांदे जे इन्हा पाप्पां जो करणे तांइ बहान्ने बणांदे किजोकी इन्हा ही कम्मां री वजह कने परमेश्वर रा गुस्सा तिन्हेरे हुकमां री ना-फरमानी करणे वालेयां पर भड़कदा।

इफिसियों 5:9

किजोकी रौसनी बिच जीणे वाले मणूआं रा स्वभाव हर तरिक्के कने भला, ते धार्मिकता ते भरोसेमंद है।

फिलिप्पियों 1:11

तुसा री जिन्दगी मसीह यीशु रे जरिए परमेश्वर री धार्मिकता रे कम्मां कने भरदी जाए जिस कने परमेश्वर री बड़ाई ते तारीफ हुंदी रे।

इब्रानियों 1:8

पर परमेश्वर रे पुत्तर रे बारे बिच ए लिख्खे रा गेया है, “ओ परमेश्वर, तेरा राज हमेसा-हमेसा तांइ रैह्णा, अते तुसा ने धार्मिकता कने राज करणा,

याकूब 1:22

ते सिर्फ परमेश्वर रे वचन जो सुनणे वाले मत बणो जे अप्पु जो ही धोखा दिदें, पर तिसजो मनणे वाले भी बणो।

याकूब 2:19

तिज्जो विश्वास है कि परमेश्वर इक्क ही है; तू ठीक करदा; दुष्टात्मा भी विश्वास करदी ते डर कने कमदी।

1 पतरस 2:24

जां मसीह मरे, तां तिन्हा जो असा रे पाप्पां री सजा तांइ सुली पर चढाया गेया थिया। तिन्हा ने ए इधेरे तांइ कित्तेया थिया ताकि असी पाप करणा छड्डी दैण ते धार्मिकता कने जीणा सुरु करी दैण। जिन्हा जख्मां जो तिन्हा ने सहन कित्तेया, तिन्हेरी वजह कने असी ठीक होए।

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।

1 यूहन्ना 2:26

मैं तुसा जो ए गल्लां तिन्हा गलत शिक्षा देई करी भटकाणे वाले लोक्कां का चुकन्ने रैह्णे तांइ लिख्खे री हिन।

1 यूहन्ना 2:29

तुसा जाणदे कि मसीह यीशु धार्मिक हिन ते जे कोई धार्मिकता रा कम्म करदा से परमेश्वर रे बच्चे हिन।

1 यूहन्ना 3:18

ओ प्यारे बच्चों, असा रा प्यार सिर्फ गल्लां बिच ही नी रैह्णा चाएदा बल्कि से कम्मां बिच दिसणा चाएदा अते सच्चा होणा चाएदा।

1 यूहन्ना 3:3

हर कोई जे मसीह पर इदेयी आस रखदा, से अप्पु जो तिय्यां ही पवित्र रखदा, जिय्यां मसीह यीशु पवित्र है।

1 यूहन्ना 4:17

इस कने ही प्यार असा अन्दर सिद्ध होए रा है कि असा जो न्याय वाले रोज्जे हिम्मत हो कि तिन्हा ने असा जो सजा नी दैणी, असी दुज्जेया जो हकीकत बिच प्यार कित्तेया जिय्यां मसीह ने भी इस दुनिया रे लोक्कां कने कित्तेया ते तिसेरे हिसाब कने जिए भी।