1 यूहन्ना 3:4 - चम्बयाली नौआ नियम

⁴ जे कोई पाप करदा रैहन्दा, से परमेश्वर रे नियम जो तोड़दा। किजोकी हर तरिक्के रा पाप परमेश्वर रे नियम खिलाफ है।

1 यूहन्ना 3:4 ပူးပေါင်းရင်းမြစ်များ

मत्ती 5:19

इधेरे तांइ जे इन्हा छोटे का छोटे हुक्मां बिच का कुसकी इक्क जो नी मनगा, ते तिय्यां ही होरणी मणूआं जो सिखांगा, तिनिए स्वर्ग रे राज अन्दर सबका छोटा होणा, पर जे कोई इन्हा हुक्मां पर चलगा ते इन्हा जो सिखांगा, तिस्स जो ही स्वर्ग राज अन्दर महान मन्नेया जाणा।

प्रेरितां रे कम्म 23:3

तां पौलुस ने तिन्हा जो बोल्लेया, ओ बेईमानों, परमेश्वर ने तुसा जो मारणा, तुसा मूसा रे कानून रे हिसाब कने मेरा हिसाब-किताब करेया करदे हिन, तां फिरी कै मूसा रे कानून रे खिलाफ ही मेरे जो मारणे रा हुकम देया करदा है?

रोमियों 3:20

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

रोमियों 4:15

किजोकी परमेश्वर ने तिस हर मणू जो सजा दैणी जे कानून जो पूरे तरिक्के कने नी मनदा। जित्ते कानून नी, तित्ते तिसेरा कोई उल्लंघन भी नी।

2 कुरुन्थियों 12:21

मेरे जो डर है कि जां मैं तुसा का दुबारा आणा, तां परमेश्वर मेरे जो बेज्जत ना करण, ते मेरे जो मते लोक्कां तांइ अफसोस ना करणा पे जिन्हा ने पैल्ले भिठ्ठे काम्म, व्यभिचार, ते शर्मसार करणे वाले पाप कित्ते थिये, ते तिन्हा सारे पाप्पां का तौबा नी कित्ती थी।

याकूब 5:15

ते विश्वास री प्रार्थना कने बिमार ने बची जाणा ते प्रभु ने तिस मणू जो ठीक करी दैणा ते जे उसने पाप भी कित्ते रे होणे तां से भी माफ होई जाणे।

1 यूहन्ना 5:17

हर तरिक्के रा अधार्मिक तां पाप है, पर इदेया पाप भी है, जिसेरा नतीज्जा मौत नी है।