1 यूहन्ना 3:3 - चम्बयाली नौआ नियम

³ हर कोई जे मसीह पर इदेयी आस रखदा, से अप्पु जो तिय्यां ही पवित्र रखदा, जिय्यां मसीह यीशु पवित्र है।

1 यूहन्ना 3:3 ပူးပေါင်းရင်းမြစ်များ

मत्ती 5:48

इधेरे तांइ जरुरी ए है कि तुसा सिद्ध बणो, जिय्यां तुसा रा पिता परमेश्वर सिद्व है जे स्वर्ग बिच हिन।”

लूका 6:36

जिय्यां तुसा रा स्वर्ग अन्दर वाला पिता परमेश्वर रहमदिल है, तिय्यां ही तुसा भी रहमदिल बणो।

यूहन्ना 17:19

ते मैं अप्पु जो तिन्हेरी भलाई तांइ पवित्तर कुर्बानी बणी करी देई दिंदा।

प्रेरितां रे कम्म 15:9

ते विश्वास रे जरिए तिन्हेरे मन सुच्चे करी के असा बिच ते तिन्हेरे बिच कोई भेद-भाव रख्खेया

रोमियों 15:12

ते फिरी यशायाह भविष्यद्वक्ता ने पवित्रशास्त्र बिच लिख्खे रा है, “यिशै रे ‍खानदान बिच का इक्क मुंडे ने पैदा होणा, ते तिन्हा ने गैर यहूदी जाति रा शासक बणना, गैर यहूदियां ने तिन्हा पर आस रखणी कि तिन्हा ने तिन्हा लोक्कां जो बचाणा।”

2 कुरुन्थियों 7:1

अते ओ प्यारे संगी विश्वासियों, जां परमेश्वर ने असा कने ए वादा कित्ते रा है कि तिन्हा ने असा जो अपणे बच्चेयां रे रुप बिच अपणाई लैणा, इधेरे तांइ, आओ असी हर तरिक्के री बुराई जो छड्डी दैण, ते इक्क पवित्र जिन्दगी जीणे री कोसीस करदे रैह्ण।

कुलुस्सियों 1:5

तुसा ए सब इधेरे तांइ करदे किजोकी तुसा रा विश्वास ते आस, तिन्हा चीजां पर आधारित है जे परमेश्वर ने तुसा तांइ स्वर्ग बिच संभाली करी रख्खे री है। तुसा जो तिसेरी उम्मीद तिस बेल्ले का थी जां तुसा पैल्ली वरी मसीह यीशु रा सुब बसेख सूणेया थिया, जे परमेश्वर रा सच्चा बसेख है।

2 थिस्सलुनीकियों 2:16

असी अपणे प्रभु यीशु मसीह ते पिता परमेश्वर का प्रार्थना करदे जे असा कने प्यार करदे ते जिन्हा ने अपणे अनुग्रह रे जरिये असा जो कदी ना मुकणे वाली हिम्मत ते इक्क पक्की आस भी दित्ते री है।

तीतुस 3:7

ताकि असी तिस हमेसा री जिन्दगी जो पाणे री आस बिच रे जिस जो दैणे रा वादा परमेश्वर ने अपणे बच्चेयां कने कित्ते रा है। ते असी इस गल्ल बिच निचिंदे रेई सकदे किजोकी परमेश्वर ने अपणे अनुग्रह कने असा जो अपणी नजर बिच धार्मिक ठैहराए रा है।

इब्रानियों 12:14

सारेयां कने मेल जोल रख्खो, ते पवित्र जिन्दगी बिताणे री कोसीस करो, किजोकी तिसेरे बगैर कुसकी ने कदी भी परमेश्वर जो नी दिखणा।

इब्रानियों 6:18

इधेरे तांइ परमेश्वर ने असा कने वादा कित्तेया, ते तिन्हा ने असा कने कसम खाई। ए दो गल्लां बदली नी सकदी, किजोकी ए नामुमकिन है कि परमेश्वर झूठ बोल्ले। इधेरे तांइ असी जे तिन्हा का शरण लैणे तांइ, तिन्हा का गेरे हिन, ते जे आस तिन्हा ने असा जो दित्ते री है, तिसजो पाणे तांइ बड़े प्रोत्साहित हिन।

इब्रानियों 7:26

इदेया ही प्रधान पुरोत्त असा री जरुरतां जो पूरा करी सकदा, जे पवित्र, बेगुनाह, सुच्चा, पाप करणे वालेयां सांई ना हो ते जिस जो आसमान का भी उच्चा चुक्केया गे रा हो।

याकूब 4:8

परमेश्वर रे नेड़े आओ तां तिन्हा ने भी तुसा रे नेड़े आणा। ओ पापियों, अपणे जिन्दगी का पाप दुर करो, ते ओ दोगले लोक्कों अपणे दिल जो पवित्र करो।

1 पतरस 1:15

हर इक्क गल्ल बिच अप्पु जो बुराई रे कम्मां का बखरा रेयो किजोकी परमेश्वर पवित्र हिन।

1 पतरस 1:3

असा रे प्रभु मसीह यीशु रे पिता ते परमेश्वर रा शुक्रिया हो। असा पर तिन्हेरी दया री वजह कने तिन्हा ने मसीह यीशु जो मरे रे लोक्कां बिच का फिरी जिन्दा करी के असा जो इक्क नौई जिन्दगी दित्ती, ते तिन्हा ने असा जो बड़े हौंसले कने जीणे रे जोग्गे बणाया, इसेरा मतलब ए है कि असी तिन्हा सारी चीजां जो पाणे री आस रख्खी सकदे जिस जो दैणे रा वादा परमेश्वर ने असा ने कित्ते रा है।

2 पतरस 1:4

ते तिन्हेरी महिमा ते भलाई री वजह कने तिन्हा ने असा कने बड़ा महान ते कीमती वादा कित्ते रा है। इन्हा वरदान्नां जो इस्तेमाल करी के असी सरीर री बुरी इच्छां का बची सकदे जिसेरी वजह कने दुनिया रे मणू बर्बाद होई जांदे। ते इन्हा रे जरिये मणू परमेश्वर रे स्वभाव बिच हिस्सेदार बनण।

2 पतरस 3:14

इधेरे तांइ मेरे प्यारे दोस्तों, जां तुसा तिस दिन रा इंतजार करेया करदे हिन, तां तुसा जो अपणी पूरी कोसीस करणा जरुरी है कि से तुसा जो सुच्चा, बेदाग ते अप्पु कने सांती बिच पाए।

1 यूहन्ना 2:6

जे अगर कोई ए बोलदा की मैं परमेश्वर बिच बणी रैहन्दा, तां तिस तांइ जरुरी है कि तदेई ही जिन्दगी जिये जदेई जिन्दगी मसीह यीशु जिन्दे थिये।

1 यूहन्ना 4:17

इस कने ही प्यार असा अन्दर सिद्ध होए रा है कि असा जो न्याय वाले रोज्जे हिम्मत हो कि तिन्हा ने असा जो सजा नी दैणी, असी दुज्जेया जो हकीकत बिच प्यार कित्तेया जिय्यां मसीह ने भी इस दुनिया रे लोक्कां कने कित्तेया ते तिसेरे हिसाब कने जिए भी।