1 यूहन्ना 3:22 - चम्बयाली नौआ नियम

²² अते जे असी किच्‍छ तिन्हा का मंगदे, से असा जो दिंदे किजोकी असी तिसेरे हुकमां जो मनदे, अते से ही करदे, जे तिसजो खरा लगदा

1 यूहन्ना 3:22 ပူးပေါင်းရင်းမြစ်များ

मत्ती 17:5

से बोल्लेया ही करदा थिया कि दिख्खो, इक्क चमकदे बदल ने तिन्हा जो ढक्की लेया, अते तिस बदल बिच का इक्क अवाज निकली, ए मेरा प्यारा पुत्तर है, जिस का मैं बड़ा खुस है: इसेरी सुणो।

मत्ती 21:22

ते जे किच्‍छ तुसा प्रार्थना भी मेरे का मगंगे से सारा किच्‍छ तुसा जो मिलणा।

मरकुस 11:24

इधेरे तांइ मैं तुसा जो बोलदा कि जे तुसा प्रार्थना करी के मंग्गो, ते विश्वास करी लेयो कि तुसा जो मिल्ली गेया, अते तुसा रे तांइ होई जाणा।

यूहन्ना 14:13

जे किच्‍छ तुसा मेरे नां कने मंगणा, से मैं करणे, ताकि पुत्तर रे जरिए पिता री बड़ाई हो।

यूहन्ना 15:10

जे तुसा मेरे हुकमां जो मंनगे, तां मेरे प्यार बिच बणी रैहन्गे, तिय्यां ही जिय्यां मैं अपणे पिता रे हुकमां जो मनदा अते तिन्हेरे प्यार बिच बणी रैहन्दा।

यूहन्ना 15:7

जे तुसा मेरे बिच बणी रैहन्गे, अते मेरी सिखाए री शिक्षा तुसा रे बिच बणी रैहन्गी, तां तुसा किच्‍छ भी मंगो, मेरे पिता ने तुसा री हर जरुरत जो पूरा करणा।

यूहन्ना 6:29

यीशु ने तिन्हा जो जवाब दित्ता परमेश्वर तुसा का ए चाह्‍ंदे कि तुसा मणू तिस पर विश्वास करो जिस जो परमेश्वर ने भेज्जे रा है।

यूहन्ना 8:29

कने मेरा भेजणे वाला मेरे कने है तिन्ही मेरे जो कल्ला नी छडेया, किजोकी मैं हमेसा से ही कम्म करदा, जिस का से खुस हुन्दा:

यूहन्ना 9:31

असी जाणदे कि परमेश्वर पाप्पियां री नी सूणदा, पर जे कोई परमेश्वर रा भक्त हो, ते तिन्हेरी मर्जी पर चलदा हो, तां से तिन्हेरी सूणदा

प्रेरितां रे कम्म 17:30

इधेरे तांइ परमेश्वर लोक्कां री अज्ञानता रे बेल्ले बिच आनाकानी करी के, अवे हर जगाह् सब मणूआं जो अपणे पाप्पां का तौबा करी लैणे रा हुकम दिंदे हिन।

प्रेरितां रे कम्म 20:21

पर यहूदियां ते यूनानियां रे सामणे गवाई दिन्दा रेया कि परमेश्वर रे पास्से मन फेरणा अते असा रे प्रभु मसीह यीशु जी पर विश्वास करणा चाएदा।

फिलिप्पियों 4:18

मेरे का सारा किच्‍छ है, बल्कि जरुरत का भी जादा है; जे चीजां तुसा इपफ्रुदीतुस रे हत्थां भेजी थी तिन्हा जो पाई करी मैं रजी गे रा है, तुसा री भेज्जी री चीजां परमेश्वर जो चढ़ाए रे खुशबूदार दान ते कुर्बानी सांई हिन। जे परमेश्वर जो मंजुर ते पसंद आणे वाली चीजां हिन।

कुलुस्सियों 1:10

तां तुसा रा चालचलन प्रभु जो पसंद आणे वाला बणना, ते तुसा परमेश्वर जो हर तरिक्के कने खुस करणे वाली जिन्दगी जीणी, ते तिसेरी वजह कने तुसा अपणी जिन्दगी बिच हर तरिक्के रे ठीक कम्म करदे रैह्णा, ते तुसा परमेश्वर जो होर भी ठीक तरिक्के कने जाणदे रैह्णा।

इब्रानियों 13:21

ते परमेश्वर प्रभु यीशु मसीह री ताकत कने तुसा बिच से हर इक्क ठीक चीज पैदा करे, जिस कने से खुस हुंदे, जिस कने तिन्हेरी महिमा हमेसा-हमेसा तिकर हुंदी रेयो। आमीन।

याकूब 1:5

पर अगर तुसा बिच का कुसकी जो समझ री कमी हो, तां से परमेश्वर का मगें, जे खुले दिल कने गलतियां कड्डे बगैर दिंदे भी; ते तिन्हा ने तुसा जो समझ दैणी।

याकूब 4:3

हांलाकी तुसा परमेश्वर का मगंदे पर फिरी भी तुसा जो नी मिलदा किजोकी बुरी नीत कने मगंदे ताकि अपणे एशो-अराम बिच उड़ाई देयो।

याकूब 5:16

इधेरे तांइ तुसा अप्पु बिच इक्क-दूए रे सामणे अपणे-अपणे पाप्पां जो मन्नी लेयो, ते इक्क-दूए तांइ प्रार्थना करो, जिस कने तुसा अपणी बिमारियां का ठीक होई जाओ। धार्मिक मणू री प्रार्थना रे असर कने सब कुछ होई सकदा।

1 यूहन्ना 2:3

जे असी परमेश्वर रे हुकमां जो मनगे, तां इस कने ए पता चलणा की असी तिन्हा जो जाणी गेरे हिन।

1 यूहन्ना 5:14

ते असा जो परमेश्वर रे सामणे जे हिम्मत हुंदी, से ए है कि, अगर असी किच्‍छ तिसेरी मरजी रे हिसाब कने मंगदे तां से असा री सूणदा।