1 यूहन्ना 3:18 - चम्बयाली नौआ नियम

¹⁸ ओ प्यारे बच्चों, असा रा प्यार सिर्फ गल्लां बिच ही नी रैह्णा चाएदा बल्कि से कम्मां बिच दिसणा चाएदा अते सच्चा होणा चाएदा।

1 यूहन्ना 3:18 ပူးပေါင်းရင်းမြစ်များ

लूका 7:5

किजोकी से हाकिम, असा यहूदियां कने बडा़ प्यार रखदा, अते तिन्ने ही असा तांइ सभास्थल जो बणवाए दा है

यूहन्ना 17:19

ते मैं अप्पु जो तिन्हेरी भलाई तांइ पवित्तर कुर्बानी बणी करी देई दिंदा।

रोमियों 12:9

प्यार करणे बिच कदी कोई दिखावा ना हो, पर दिल कने प्यार करेया करो। बुराई कने नफरत रख्खो। भले कम्म करणे बिच लग्गी रेयो।

गलातियों 5:13

ओ संगी विश्वासियों, परमेश्वर ने तुसा जो अजाद होणे तांइ सद्दे रा है इधेरे तांइ अवे तुसा जो मूसा रा कानून मन्नी करी चलणे री जरुरत नी है। अपणे सरीर री बुरी इच्छा जो पूरा करणे रा मौक्का मत देयो बल्कि आपसी प्यार कने इक्क-दूए री सेवा करो।

इफिसियों 4:15

प्यार कने सच बोलणे रे जरिये असा जो हर इक्क गल्ल बिच मसीह यीशु सांई बणने तांइ पकदे जाणा चाएदा, जे असा रे प्रधान हिन।

1 थिस्सलुनीकियों 1:3

जां असी पिता परमेश्वर का प्रार्थना करदे तां असी तुसा लोक्कां रे विश्वास रे हिसाब रे कम्मां जो, ते विश्वासी लोक्कां तांइ तुसा रे प्यार भरे कम्मां जो, ते मसीह यीशु रे हटणे री आस बिच मुसीबतां रे दौरान तुसा रे सबर रखणे जो भी याद करदे।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।

1 यूहन्ना 3:7

ओ प्यारे बच्चो, तुसा जो कोई धोखा ना देयो, जे कोई नेक कम्म करदा, से मसीह यीशु सांई धार्मिक है।

2 यूहन्ना 1:1

मैं यूहन्ना, जे कलीसिया रा बुजुर्ग है, तिस जनानी जो जिस जो परमेश्वर ने चुणे रा है ते तिसेरे बच्चेयां जो ए चीठ्ठी लिख्खेया करदा है। मैं तिन्हा कने प्यार करदा, बल्कि सिर्फ मैं ही नी पर सारे तिन्हा कने प्यार करदे किजोकी असी सारे परमेश्वर री सच्चाई बिच विश्वास करदे।

3 यूहन्ना 1:1

मैं यूहन्ना, जे कलीसिया रा बुजुर्ग है, अपणे प्यारे दोस्त गयुस जो ए चीठ्ठी लिख्खेया करदा है, जिस कने मैं सच्चा प्यार करदा।