1 यूहन्ना 3:17 - चम्बयाली नौआ नियम

¹⁷ पर जिस का इस दुनिया री धन-दौलत है अते से अपणे संगी विश्वासियां जो जरुरत रे बेल्ले तिस पर दया नी करदा, तां तिस बिच परमेश्वर रा प्यार नी है।

1 यूहन्ना 3:17 ပူးပေါင်းရင်းမြစ်များ

लूका 3:11

तिन्ने तिन्हा जो जवाब दित्ता, जिस जणे का दो कुरते होण, से तिन्हा जो, जिस का लाणे जो किच्‍छ भी नी हो, तिन्हा कने बन्डी लैण अते जिस का खाणे जो है से भी इय्यां ही करण

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

इब्रानियों 13:16

भलाई रे कम्म करेयो, ते जे तुसा का है, तिसजो जरुरतमंद लोक्कां कने बंडेया करो। किजोकी परमेश्वर इदेय कुर्बानी कने खुस रैहन्दे।

याकूब 2:15

मन्नी लेयो जे अगर कुसकी संगी विश्वासी जो कपड़ेयां री जरुरत हो ते तिन्हा जो खाणे जो भी किच्‍छ ना हो,

याकूब 2:16

ते तुसा बिच का कोई तिन्हा जो ए बोल्ली करी बिदा करे, “सांती कने जाओ तुसा निग्गे रेयो ते रजी रेयो,” पर तिन्हा जो तिन्हेरे जरुरत री चीजां ना दे तां कै फैदा?

1 यूहन्ना 4:20

अगर कोई बोल्ले कि, मैं परमेश्वर कने प्यार रखदा पर अपणे संगी विश्वासी कने प्यार ना रख्खो, तां से झूठा है किजोकी जे अपणे संगी विश्वासी कने जिस जो तिनिए दिख्खे रा है, प्यार नी रखदा तां से परमेश्वर कने भी जिस जो तिनिए नी दिख्खेया, प्यार नी रख्खी सकदा।

1 यूहन्ना 5:1

जे मणू ए विश्वास करदा कि यीशु ही मसीह हिन, से मणू परमेश्वर री औलाद ठैहरदा ते जे कोई अपणे पिता परमेश्वर कने प्यार रखदा से तिन्हेरी औलाद्दां कने भी प्यार रखदा।