1 यूहन्ना 2:9 - चम्बयाली नौआ नियम

⁹ जे कोई ए बोलदा कि मैं सच्चाई बिच जिन्दगी जिया करदा है पर अपणे संगी विश्वासी कने बैर रखदा, से हल्ले तिकर बुराई बिच जिया करदा है।

1 यूहन्ना 2:9 ပူးပေါင်းရင်းမြစ်များ

यूहन्ना 9:41

यीशु ने तिन्हा जो बोल्लेया, जे अगर तुसा अन्ने हुदें तां पाप्पी नी मन्ने जादें पर अवे बोलदे कि असी दिखदे, इस तांइ तुसा रा पाप माफ नी कित्ते गे।

प्रेरितां रे कम्म 1:15

तिन्हा ही दिनां बिच पतरस संगी विश्वासियां रे बिच जे इक्क सौ भी लोक्कां रे नेड़े-तेड़े थिये, खड़ी करी बोलणा लगेया,

2 पतरस 1:9

ते जे अगर कोई मणू इस तरिक्के कने ना जिये तां से अन्ने मणू रे बराबर है ते जे किच्‍छ नी दिख्खी सकदा। से भुल्ली गे रा है कि परमेश्वर ने तिसेरे पाप्पां जो माफ करी दित्ते रा है जे पाप तिसने मसीह बिच विश्वास करणे का पैल्ले कित्ते थिये।

1 यूहन्ना 1:6

जे असी ए बोलण कि असी उसेरे साझी हिन पर असी पाप रे न्याहारे बिच अपणी जिन्दगी जिंदे तां असी झूठ बोल्लेया करदे हिन ते सच रे रस्ते पर नी चलेया करदे हिन,

1 यूहन्ना 2:11

पर जे कोई अपणे संगी विश्वासी कने बैर रखदा से मणू बुराई बिच जिन्दगी जिया करदा है, ते न्याहरे बिच है, ते नी जाणदा कि कुते जाया करदा है, किजोकी बुराई ने तिसेरी हाख्खियां बांद्द करी रख्खी री हिन।

1 यूहन्ना 2:4

जे कोई ए बोलदा कि मैं परमेश्वर जो जाणदा, ते तिन्हेरी गल्लां जो नी मनदा, तां से झूठ्ठा है, तां से सच्चाई रे हिसाब कने जिन्दगी नी जिन्दा।

1 यूहन्ना 3:10

परमेश्वर री औलाद ते शैतान रे औलाद बिच इस कने फरक पता लाई सकदे कि हर से मणू जे धार्मिकता रे कम्म नी करदा से परमेश्वर री औलाद नी है, अते जे अपणे संगी विश्वासी कने प्यार नी करदा, से भी परमेश्वर री औलाद नी है।

1 यूहन्ना 4:20

अगर कोई बोल्ले कि, मैं परमेश्वर कने प्यार रखदा पर अपणे संगी विश्वासी कने प्यार ना रख्खो, तां से झूठा है किजोकी जे अपणे संगी विश्वासी कने जिस जो तिनिए दिख्खे रा है, प्यार नी रखदा तां से परमेश्वर कने भी जिस जो तिनिए नी दिख्खेया, प्यार नी रख्खी सकदा।