1 यूहन्ना 2:7 - चम्बयाली नौआ नियम

⁷ ओ प्यारे विश्वासियों, मैं तुसा जो कोई नौआ हुकम नी लिख्येया करदा है, पर से ही पुराणा हुकम जे सुरुआत का तुसा जो मिल्ले रा है। ए पुराणा हुकम से ही वचन है जिस जो तुसा तां सूणेया थिया जां तुसा मसीह यीशु बिच विश्वास कित्ता थिया।

1 यूहन्ना 2:7 ပူးပေါင်းရင်းမြစ်များ

मत्ती 5:43

“तुसां ए भी जाणदे कि आज्ञा दित्ती गई थी कि, अपणे गुआन्डियां कने प्यार करो, अते अपणे बैरियां कने नफरत,

यूहन्ना 13:34

मैं तुसा जो इक्क नौआ हुकम दिंदा कि इक्क दूए कने प्यार रख्खो, जिय्यां मैं तुसा कने प्यार करदा, तिय्यां तुसा भी इक्क दूये कने दाह-पीड़ रख्खो।

प्रेरितां रे कम्म 17:19

तां से तिसजो अपणे कने अरियुपगुस नां रे इक्क महासभा जो लेई गे ते पूच्छेया, कै असा जाणी सकदे, कि ए नौई उपदेस जे सूणान्दा, से कै है?

इब्रानियों 6:9

पर ओ प्यारे लोक्कों, ए चितौणियां तुसा तांइ नी हिन, किजोकी तुसा ठीक कम्म करेया करदे हिन ते परमेश्वर ने तुसा जो पैल्ले ही बचाई लित्ते रा है।

1 यूहन्ना 2:24

जे सच्चाई रा बसेख तुसा ने मसीह बिच विश्वास करणे री सुरुआत रे समय बिच सुणे रा थिया, जे अगर से तुसा बिच बणे रा रे तां तुसा भी पुत्तर बिच ते पिता परमेश्वर बिच बणे रैहन्गे।

1 यूहन्ना 3:11

ए उपदेस तुसा मसीह बिच विश्वास करणे रे सुरु रे बेल्ले का ही सुणे रा है कि असा जो इक्क-दूय्ये कने प्यार कने रैह्णा चाएदा।

1 यूहन्ना 3:2

ओ मेरे प्यारे दोस्तों, अवे असी परमेश्वर री औलाद हिन, पर कल जो कै हुंगे, ए हल्ले तिकर जाहिर नी होया पर असी ए जाणदे कि जां उसने आणा तां असी भी उसेरे ही सांई होई जाणा किजोकी जदेय से हिन, तिसजो असा तदेया ही दिखणा

1 यूहन्ना 3:21

ओ प्यारे विश्वासियों, जे अगर असा रा मन असा जो दोषी नी ठेहरांदा तां असा जो परमेश्वर का प्रार्थना करणे री हिम्मत मिलदी।

1 यूहन्ना 3:23

तिसेरा हुकम ए है कि असी तिसेरे पुत्तर मसीह यीशु बिच विश्वास करण अते जिय्यां तिन्हा हुकम दित्तेया है, कि असी इक्क-दूय्ये कने प्यार करो।

1 यूहन्ना 4:1

ओ प्यारेयो, हर तिस मणू पर भरोस्सा मत करो जे ए दावा करदे कि असी पवित्रात्मा रे कहे मुताबिक गल्लां करदे। पर आत्‍मा जो परखो कि से परमेश्वर रे पास्से का हिन का नी किजोकी मते सारे झूठ्ठी भविष्यद्वक्ता दुनिया बिच हिन।

1 यूहन्ना 4:11

ओ प्यारेयो, जां परमेश्वर ने असा कने इदेया प्यार कित्तेया, तां असा जो भी अप्पु-मिते प्यार करणा चाएदा।

1 यूहन्ना 4:21

ते तिसका असा जो ए हुकम मिलेरा है कि जे कोई अपणे परमेश्वर कने प्यार रखदा, से अपणे संगी विश्वासी कने भी प्यार रख्खो।

1 यूहन्ना 4:7

ओ प्यारेयों, असी अप्पु-मिते प्यार रखण किजोकी प्यार परमेश्वर रे पास्से का है, ते जे दूज्जेयां कने प्यार रखदा, से परमेश्वर रा बच्चा है, ते परमेश्वर जो जाणदा।