1 यूहन्ना 2:6 - चम्बयाली नौआ नियम

⁶ जे अगर कोई ए बोलदा की मैं परमेश्वर बिच बणी रैहन्दा, तां तिस तांइ जरुरी है कि तदेई ही जिन्दगी जिये जदेई जिन्दगी मसीह यीशु जिन्दे थिये।

1 यूहन्ना 2:6 ပူးပေါင်းရင်းမြစ်များ

मत्ती 11:29

मेरा जुंगल अपणे उप्पर लेई लेयो, अते मेरे का सिख्खो किजोकी मैं सांत अते मन का दीन है: अते तुसा जो अपणी आत्‍मा बिच अराम मिलणा।

यूहन्ना 13:15

किजोकी मैं तुसा जो इक्क नमूना दस्सी दित्तेया कि जिय्यां मैं तुसा कने कित्तेया, तुसा भी तिय्यां ही करेया करो।

यूहन्ना 15:10

जे तुसा मेरे हुकमां जो मंनगे, तां मेरे प्यार बिच बणी रैहन्गे, तिय्यां ही जिय्यां मैं अपणे पिता रे हुकमां जो मनदा अते तिन्हेरे प्यार बिच बणी रैहन्दा।

1 कुरुन्थियों 11:1

जिय्यां मैं मसीह सांई जिन्दगी जिया करदा है, तिय्यां ही तुसा भी मेरे सांई जिन्दगी जियो।

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

1 पतरस 2:21

तुसा इधेरे तांइ भी सद्दे गेरे हिन ताकि तुसा परमेश्वर तांइ दुख सहन करो। मसीह इस गल्ल रा उदारण हिन जिन्हा ने तुसा तांइ दुख सहन कित्तेया। इधेरे तांइ तुसा जो से सब तिय्यां ही करणा चाएदा जिय्यां तिन्हा कित्तेया।

1 यूहन्ना 2:28

अते ओ बच्चेयों, मसीह बिच बणे रेयो कि जां मसीह हटी आये तां असा जो हिम्मत रे, ताकि तिन्हेरे आणे पर असी तिन्हेरे सामणे शर्मसार ना होण।

1 यूहन्ना 2:4

जे कोई ए बोलदा कि मैं परमेश्वर जो जाणदा, ते तिन्हेरी गल्लां जो नी मनदा, तां से झूठ्ठा है, तां से सच्चाई रे हिसाब कने जिन्दगी नी जिन्दा।

1 यूहन्ना 3:24

जे तिसेरे हुकमां जो मनदा, से परमेश्वर कने बणी रैहन्दा ते परमेश्वर तिस मणू बिच बणी रैहन्दा ते इस तरिक्के कने पवित्रात्मा रे जरिए जिस जो परमेश्वर ने असा जो दित्तेया है, असी ए जाणदे कि असा रा परमेश्वर कने रिस्ता बणे रैहन्दा।

1 यूहन्ना 3:6

जे कोई मसीह यीशु बिच बणी रैह्न्दा, से अग्गे जो पाप बिच जिन्दगी नी बितांदा पर हर इक्क कोई जे पाप करदा रैहन्दा, तिसेरा परमेश्वर कने कोई रिस्ता नी अते तिसने तिन्हा जो नी जाणेया।

1 यूहन्ना 4:17

इस कने ही प्यार असा अन्दर सिद्ध होए रा है कि असा जो न्याय वाले रोज्जे हिम्मत हो कि तिन्हा ने असा जो सजा नी दैणी, असी दुज्जेया जो हकीकत बिच प्यार कित्तेया जिय्यां मसीह ने भी इस दुनिया रे लोक्कां कने कित्तेया ते तिसेरे हिसाब कने जिए भी।