1 यूहन्ना 2:29 - चम्बयाली नौआ नियम

²⁹ तुसा जाणदे कि मसीह यीशु धार्मिक हिन ते जे कोई धार्मिकता रा कम्म करदा से परमेश्वर रे बच्चे हिन।

1 यूहन्ना 2:29 ပူးပေါင်းရင်းမြစ်များ

यूहन्ना 1:13

से मणू ना तां अपणे मां-प्यो री मर्जी कने, ना सरीर री इच्छा कने ते ना ही लोक्कां री बच्चे पैदा करणे री इच्छा री वजह कने पैदा होए रे हिन पर से परमेश्वर री इच्छा कने पैदा होए रे हिन।

यूहन्ना 7:18

जे कोई अपणे पासे का बोलदा से अपणी अप्पु ही बड़ाई करदा, पर जे अपणे भेजणे वाले री बड़ाई चाहन्दा, से ही सच्चा है, कने तिस बिच कोई ढोंग नी है।

प्रेरितां रे कम्म 10:35

पर परमेश्वर हर जाति जे रा डर मनदे ते भले कम्म करदे, तिन्हा जो से अपणाई लिंदे।

प्रेरितां रे कम्म 22:14

फिरी तिसने बोल्लेया, असा रे पूरखां रे परमेश्वर ने तिज्जो इस तांइ चुणे रा है ताकि तू तिन्हेरी मरजी जो जाणे, ते तिस धार्मिक मसीह जो दिख्खे ते तिन्हेरे गल्लां सुणे।

प्रेरितां रे कम्म 3:14

तुसा यीशु जो जे पवित्र ते धार्मिक मणू थिये नक्कारी दित्ता, ते बिनती कित्ती कि इक्क हथयारे जो तुसा वास्ते छड्डी दित्ता जाए।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

इब्रानियों 7:26

इदेया ही प्रधान पुरोत्त असा री जरुरतां जो पूरा करी सकदा, जे पवित्र, बेगुनाह, सुच्चा, पाप करणे वालेयां सांई ना हो ते जिस जो आसमान का भी उच्चा चुक्केया गे रा हो।

याकूब 1:18

तिन्हा ने अपणी ही मर्जी कने असा जो सच्चाई रे वचन रे जरिए असा जो अपणी औलाद बणाया, ताकि असी तिन्हेरे बणाए री सृष्टि रे पैल्ले फल्ल सांई सृष्टि रे सबका खास हिस्सा बणन।

1 पतरस 1:23

तुसा जो अप्पु-मिते प्यार रखणा चाएदा किजोकी तुसा जो परमेश्वर का इक्क नौई जिन्दगी मिल्ले री है। तुसा जो ए जिन्दगी कुसकी इदेइ चीज रे जरिये नी मिल्ले री है जे इक्क दिन मुकी जाणी पर कुसकी इदेइ चीज रे जरिये मिल्ले री है जे हमेसा-हमेसा तिकर रैह्णी ते से परमेश्वर रा जिंदा ते हमेसा तिकर रैह्णे वाला वचन है।

1 पतरस 1:3

असा रे प्रभु मसीह यीशु रे पिता ते परमेश्वर रा शुक्रिया हो। असा पर तिन्हेरी दया री वजह कने तिन्हा ने मसीह यीशु जो मरे रे लोक्कां बिच का फिरी जिन्दा करी के असा जो इक्क नौई जिन्दगी दित्ती, ते तिन्हा ने असा जो बड़े हौंसले कने जीणे रे जोग्गे बणाया, इसेरा मतलब ए है कि असी तिन्हा सारी चीजां जो पाणे री आस रख्खी सकदे जिस जो दैणे रा वादा परमेश्वर ने असा ने कित्ते रा है।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

2 पतरस 1:4

ते तिन्हेरी महिमा ते भलाई री वजह कने तिन्हा ने असा कने बड़ा महान ते कीमती वादा कित्ते रा है। इन्हा वरदान्नां जो इस्तेमाल करी के असी सरीर री बुरी इच्छां का बची सकदे जिसेरी वजह कने दुनिया रे मणू बर्बाद होई जांदे। ते इन्हा रे जरिये मणू परमेश्वर रे स्वभाव बिच हिस्सेदार बनण।

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।

1 यूहन्ना 3:5

तुसा जो तां पता ही है कि मसीह यीशु मणूआं रे पाप्पां जो दुर करणे तांइ ही दुनिया रे लोक्कां बिच आया अते ए भी कि मसीह बिच कोई भी पाप्पी नी है।

1 यूहन्ना 3:7

ओ प्यारे बच्चो, तुसा जो कोई धोखा ना देयो, जे कोई नेक कम्म करदा, से मसीह यीशु सांई धार्मिक है।

1 यूहन्ना 4:7

ओ प्यारेयों, असी अप्पु-मिते प्यार रखण किजोकी प्यार परमेश्वर रे पास्से का है, ते जे दूज्जेयां कने प्यार रखदा, से परमेश्वर रा बच्चा है, ते परमेश्वर जो जाणदा।

1 यूहन्ना 5:1

जे मणू ए विश्वास करदा कि यीशु ही मसीह हिन, से मणू परमेश्वर री औलाद ठैहरदा ते जे कोई अपणे पिता परमेश्वर कने प्यार रखदा से तिन्हेरी औलाद्दां कने भी प्यार रखदा।

1 यूहन्ना 5:18

असा जो पता है कि जे कोई परमेश्वर री औलाद है, से पाप करणा छड्डी दिंदा किजोकी परमेश्वर रा पुत्तर मसीह यीशु तिन्हा लोक्कां जो बचाई रखदा: ते शैतान तिन्हा लोक्कां जो छुई नी सकदा।

1 यूहन्ना 5:4

किजोकी जे कोई परमेश्वर री औलाद है, तिसने दुनिया पर जीत हासिल कित्ती ते असी से जीत अपणे विश्वास रे जरिए हासिल करदे।

3 यूहन्ना 1:11

ओ मेरे प्यारे दोस्त, बुरे कम्म करणे वाले लोक्कां सांई नी पर भलाई रे कम्म करणे वाले लोक्कां सांई बणो। जां कोई भलाई रे कम्म करदा तां तिस कने पता चलदा कि से परमेश्वर रा बच्चा है। पर जां कोई बुरे कम्म करदा तां तिस कने पता चलदा कि से परमेश्वर जो नी जाणदा।