1 यूहन्ना 2:26 - चम्बयाली नौआ नियम

²⁶ मैं तुसा जो ए गल्लां तिन्हा गलत शिक्षा देई करी भटकाणे वाले लोक्कां का चुकन्ने रैह्णे तांइ लिख्खे री हिन।

1 यूहन्ना 2:26 ပူးပေါင်းရင်းမြစ်များ

मरकुस 13:22

किजोकी झूठ्ठे मसीह ते झूठे भविष्यद्वक्ता खड़ी उठणे, अते तिन्हा मती किस्म री निशानियां ते चमत्कार वाले कम्म दखाणे ताकि होई सके तां से चुणे रे लोक्कां जो भी धोखा देई दैण।

कुलुस्सियों 2:18

कुसकी भी मणू जो तुसा जो निकम्मा बणाणे रा मौक्का मत देयो जे झूठ्ठा निमतापन दिखांदा ते स्वर्गदूतां री पूजा करणे बिच खुस हुंदा। इदेय मणू दर्शन दिखदे ते बड्डी बड्डी गल्लां बोलदे, ते तिन्हेरी इन्सानी सोच तिन्हा जो बेवकूफी रे घमंड कने भरी दिंदी।

कुलुस्सियों 2:8

चुकन्ने रेयो की कोई तुसा जो अपणी तिन्हा विचारां ते बेकार गल्लां ते धोखे कने फसाई ना लेयो, जे लोक्कां री परम्परा ते दुनियावी रीति-रीवाज जे सदियां का चली आया करदी हिन, ते इस दुनिया री न्याहरे री ताकत पर आधारित है, पर मसीह यीशु री शिक्षा पर आधारित नी है।

1 तीमुथियुस 4:1

पर पवित्रात्मा साफ-साफ दसदा कि आखरी समय बिच मते लोक्कां ने मसीही शिक्षां बिच विश्वास करणा छड्डी दैणा ते तिन्हा ने दुष्टात्मां रे गलाए चलणा ते भूत्तां री शिक्षां पर मन लाणा।

2 तीमुथियुस 3:13

पर दुष्ट ते धोख्खेबाज लोक्कां ने होर भी जादा बुरे कम्म करणे। तिन्हा ने लोक्कां जो धोख्खा दैणा ते तिन्हा ने अप्पु भी लोक्कां धोख्खा खाणा।

1 यूहन्ना 3:7

ओ प्यारे बच्चो, तुसा जो कोई धोखा ना देयो, जे कोई नेक कम्म करदा, से मसीह यीशु सांई धार्मिक है।

2 यूहन्ना 1:7

मैं ए इधेरे तांइ बोलदा किजोकी लोक्कां जो झूठ्ठी शिक्षा देई करी भटकाणे वाले मणू दुनिया बिच जगाह्-जगह फैल्ली गेरे हिन। से बोलदे कि मसीह यीशु इक्क मणू रे रुप बिच दुनिया बिच नी आए थिये। जे अगर कोई मणू इदेइ गल्लां करदा तां से मणू मसीह विरोधी है जे लोक्कां जो भटकांदा।