1 यूहन्ना 2:20 - चम्बयाली नौआ नियम

²⁰ पर मसीह यीशु ने तुसा जो पवित्रात्मा दित्ते रा है इधेरे तांइ तुसा सारी सच्चाई जाणदे।

1 यूहन्ना 2:20 ပူးပေါင်းရင်းမြစ်များ

मत्ती 13:11

यीशु ने जवाब दित्तेया, तुसा जो स्वर्ग रे राज रे भेदां री समझ दित्ती गे री है, पर इन्हा जो नी।

मरकुस 1:24

तिनिये चिडं मारी करी बोल्लेया, “ओ नासरत कस्बे रे रैह्णे वाले यीशु, असा जो तुसा रे कने कै काम्म? कै तुसा असा जो खत्म करणे तांइ आए रे हिन? मैं तुसा जो जाणदी कि तुसा कुण हिन? परमेश्वर रे भेज्जे रे पवित्र मसीह!”

लूका 4:18

“प्रभु रा आत्‍मा मेरे अन्दर है, किजोकी तिन्हा ने मेरा अभिषेक कित्ते रा है कि मैं गरीब मणूआं जो परमेश्वर रे राज रे सुब बसेख जो सूणां, ते परमेश्वर ने मेरे जो गुलाम मणूआं जो ए बोलणे तांइ भेज्जेया कि से अजाद हिन, ते अन्नेयां जो रौसनी दैणे तांइ भेज्जे रा है, अते दुख-तकलिफां अन्दर फसे रे लोक्कां जो छुटकारा दैणे,

लूका 4:34

से मणू जोरे-जोरे चिन्ड्डा मारणा लगेया, ओ नासरत कस्बे रे यीशु, तुसा रा असा कने कै लैणा-दैणा है? कै तुसा असा जो इत्ते मारणे तांइ आये रे हिन? मिन्जो पता है कि तुसा कुण हिन? तुसा परमेश्वर रे भेज्जे रे पवित्र-जन हिन

यूहन्ना 14:26

पर पिता ने मेरे नां कने भेजणा इक्क मददगार जो भेजणा जे पवित्रात्मा है, तिसने तुसा जो सब गल्लां सखाणी, अते जे किच्‍छ मैं तुसा जो बोल्लेया से सब गल्लां तिन्ने तुसा जो चेत्ता कराणी।

यूहन्ना 16:13

पर जां सच्चाई री आत्‍मा ने आणा, तां तिसने तुसा जो परमेश्वर रे सच बारे बिच सिखाणा, किजोकी तिसने अपणे पास्से का किच्‍छ नी बोलणा, पर जे किच्‍छ तिसने परमेश्वर का सूणेया हो, से ही बोलणा अते होणे वाली गल्लां जो तुसा रे सामणे लियाणा।

प्रेरितां रे कम्म 10:38

परमेश्वर ने कुस तरिक्के कने नासरत कस्बे रे यीशु, जो पवित्रात्मा ते ताकत कने अभिषेक कित्तेया: से भलाई रे कम्म करदे, ते सारेयां जो जे शैतान रे सताए रे थिये, जाई-जाई करी ठीक करदे रे, किजोकी परमेश्वर तिन्हा कने थिये।

प्रेरितां रे कम्म 3:14

तुसा यीशु जो जे पवित्र ते धार्मिक मणू थिये नक्कारी दित्ता, ते बिनती कित्ती कि इक्क हथयारे जो तुसा वास्ते छड्डी दित्ता जाए।

1 कुरुन्थियों 2:15

जिन्हा मणूआं ने पवित्रात्मा जो पाए रा है से मणू सही ते गलत गल्लां बिच का सही फैसला लेई सकदे। पर जिन्हा लोक्कां का पवित्रात्मा नी है से मणू तिन्हा मणूआं रे विचारां जो नी समजी सकदे जिन्हा का पवित्रात्मा है।

इब्रानियों 1:9

तुसा ने धार्मिकता कने प्यार, अते अधार्मिक कने नफरत कित्ती; इस वजह कने मैं, तेरे परमेश्वर ने, तिज्जो तेरे साथियां का बधी करी आदरमान ते आनंद रा अभिषेक दित्ते रा है।”

इब्रानियों 8:11

ते हर इक्क ने अपणे संगी यहूदी जो, ते अपणे रिस्तेदार जो ए नी सिखाणा, कि तुसा प्रभु जो जाणो। किजोकी छोटे का लेई करी बड्डे तांइ सारे जणेया ने मेरे जो जाणी लैणा कि मैं तिन्हेरा परमेश्वर है।

1 यूहन्ना 2:27

पर तुसा तांइ से पवित्रात्मा जे तुसा ने मसीह यीशु का पाए रा है, तुसा बिच बणी रैहन्दा, ते इसेरी कोई जरुरत नी कि कोई तुसा जो सच्चाई री गल्लां सिखाए, बल्कि जिय्यां पवित्रात्मा ने जे मसीह ने तुसा जो मिल्ले रा है, तुसा जो सच्चाई री सारी गल्लां सिखणे तांइ मदद करणी, जे पवित्रात्मा तुसा जो सिखांदा, से पूरी तरिक्के कने सच है, ते तिस बिच कोई झूठ नी, इधेरे तांइ मसीह बिच बणी रेयो, जिय्यां पवित्रात्मा ने तुसा जो करणे तांइ दस्से रा है।

1 यूहन्ना 4:13

इस कने ही असी जाणदे कि असी परमेश्वर अन्दर बणी रैह्‍न्दे, ते से असा अन्दर, किजोकी तिनिए अपणी पवित्रात्मा असा जो दित्ते रा है।

यहूदा 1:5

हालांकि तुसा इन्हा सारी गल्लां जो समजी गेरे हिन, पर फिरी भी मैं तुसा जो ए गल्लां चेत्ता कराणा चाह्‍ंदा कि प्रभु इस्राएल देस रे लोक्कां जो मिस्र देस री गुलाम्मी का छुटकारा देई करी लेई आया पर बाद बिच विश्वास ना करणे वाले जो बियाबान बिच मुकाई दित्तेया थिया।

प्रकाशित वाक्य 3:7

तिनिये मेरे जो बोल्लेया, “फिलदिलफिया सहर रे कलीसिया रे स्वर्गदूत जो ए चीठ्ठी लिख्ख, मैं ही से पवित्र ते सच्चाई है, जिस का से चाब्बी है जे दाऊद राज्जे का थी। जां मैं चाब्बी लेई करी दुआर खोलदा, तां तिसजो कोई भी बांद्द नी करी सकदा, ते जां मैं चाब्बी लेई करी कोई दुआर बांद्द करदा, तां कोई तिसजो खोल्ली नी सकदा। मैं तेरे जो ए बोलदा,

प्रकाशित वाक्य 4:8

इन्हा चारो जींद्दे प्राणियां रे छे-छे पंख्ख थिये, तिन्हेरे चौं पास्से, ते अन्दर भी हाख्खियां ही हाख्खियां थी, ते रात-दिन बगैर अराम कित्ते रे ए बोलदे रैह्‍न्दे थिये, कि सबका जादा ताकतवर परमेश्वर पवित्र, पवित्र, पवित्र है।