1 यूहन्ना 2:2 - चम्बयाली नौआ नियम

² ते मसीह यीशु असा रे पाप्पां री कीमत चुकाणे तांइ कुर्बान होया, ते सिर्फ असा तांइ ही नी पर सारी दुनिया रे लोक्कां रे पाप्पां तांइ भी।

1 यूहन्ना 2:2 ပူးပေါင်းရင်းမြစ်များ

लूका 14:22

नौक्कर अपणे मालक जो बोलदा, ओ मालक, जिय्यां तुसा ने बोल्लेया थिया, तिय्यां ही मैं कित्तेया पर तां भी किच्‍छ जगाह् खाली रेई गई।

यूहन्ना 1:29

दूए दिन तिसने यीशु जो अपणे पास्से आंदे दिख्खी करी बोल्लेया, “दिख्खो! ए परमेश्वर रा मेमना है, जे दुनिया रे पाप्पां जो मिटाणे तांइ आए रा है।”

यूहन्ना 12:32

ते जे अगर मैं दुनिया का उच्चे पर चढ़ाया गेया तां सारेयां जो अपणे पास्से छिक्की लैणा।

यूहन्ना 4:42

अते तिस जनानी जो बोल्लेया, अवे असी तेरे बोलणे कने विश्वास नी करदे किजोकी असी अप्पु ही सुणी लिता कने जाणदे हिन कि ऐई सच्चो ही दुनिया छुटकारा दैणे वाले है।

इब्रानियों 2:17

इधेरे तांइ तिन्हा जो चाएदा थिया कि हर गल्ल से इक्क आम इन्सान सांई बणे, ताकि से असा तांइ परमेश्वर रा दयालू ते विश्वासयोग्य प्रधान पुरोत्त बणी करी तिन्हेरी सेवा करी सके, ते असा रे पाप्पां री माफी तांइ अपणी जान देई दे।

1 पतरस 2:24

जां मसीह मरे, तां तिन्हा जो असा रे पाप्पां री सजा तांइ सुली पर चढाया गेया थिया। तिन्हा ने ए इधेरे तांइ कित्तेया थिया ताकि असी पाप करणा छड्डी दैण ते धार्मिकता कने जीणा सुरु करी दैण। जिन्हा जख्मां जो तिन्हा ने सहन कित्तेया, तिन्हेरी वजह कने असी ठीक होए।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

1 यूहन्ना 1:7

पर जिय्यां परमेश्वर रौसनी बिच हिन जे अगर असी भी तिय्यां ही रौसनी बिच जिन्दगी बिताण ते असी परमेश्वर कने अप्पु मिते इक्क-दूए कने मेल-मिलाप रखगे, ते तां मसीह यीशु रे खून ने असा रे पाप्पां का साफ करणा।

1 यूहन्ना 3:5

तुसा जो तां पता ही है कि मसीह यीशु मणूआं रे पाप्पां जो दुर करणे तांइ ही दुनिया रे लोक्कां बिच आया अते ए भी कि मसीह बिच कोई भी पाप्पी नी है।

1 यूहन्ना 4:10

सच्चा प्यार ए है कि असा ने परमेश्वर जो पैल्ले प्यार नी कित्ता पर तिन्हा ने पैल्ले असा जो प्यार कित्ता। परमेश्वर ने अपणे इकलौते मुंडे जो असा रे पाप्पां तांइ कुर्बान करी के दित्तेया ताकि असा जो असा रे पाप्पां का माफी मिल्ले।

1 यूहन्ना 4:14

ते असा ने पुत्तर जो अपणी हाख्खियां कने दिख्खी भी लित्ता ते गवाई दिन्दे कि पिता परमेश्वर ने पुत्तर जो दुनिया रे लोक्कां रा छुटकारा दैणे वाला बणाई करी के भेज्जे रा है।

1 यूहन्ना 5:19

असा जो पता है कि असी परमेश्वर कने हिन ते सारी दुनिया तिस शैतान रे वस अन्दर पेरी है।

प्रकाशित वाक्य 12:9

तां तिस अजगर ते तिसेरे दूत जो धरती पर सूटी दित्तेया गेया। से अजगर ओ ही है जिस जो पैल्ले-पैल्ले कीड़ा भी बोल्लेया गेया थिया, जिसेरा नां शैतान। एह् ओई है जे दुनिया रे लोक्कां पर इल्जाम लगांदा अते भटकाया करदा है।