1 यूहन्ना 2:13 - चम्बयाली नौआ नियम

¹³ ओ बुजुर्ग लोक्कों, मैं तुसा जो इधेरे तांइ लिखदा कि जे सुरुआत का है तिसजो तुसा जाणदे, ओ जवानों मैं तुसा ओ इधेरे तांइ लिखदा कि तुसा ने तिस शैतान पर जीत हासिल कित्ते री है। ओ बच्चेयों, मैं तुसा जो इधेरे तांइ लिख्खेया कि तुसा पिता परमेश्वर जो जाणी गेरे हिन।

1 यूहन्ना 2:13 ပူးပေါင်းရင်းမြစ်များ

मत्ती 11:27

मेरे परम पिता ने सब किच्‍छ मेरे हवाले करी दित्तेया, अते कोई पुत्तर जो नी जाणदा, सिर्फ परम पिता जाणदा अते कोई परम पिता जो नी जाणदा, सिर्फ पुत्तर जाणदा, अते हर इक्क से मणू परम पिता जो जाणदा, जिस पर पुत्तर तिसजो जाहिर करणा चाए।

मत्ती 13:19

से भी जे रस्ते पर पेया थिया, उसेरा मतलब है कि जां कोई राज रा वचन सूणान्दा अते तिसजो नी समजदा, तां से शैतान आई करी, जे किच्‍छ तिन्हेरे दिलां बिच बाया गे रा थिया, तिसजो से चुराई लिन्दा।

मत्ती 13:38

खेत्तर दुनिया रे मणू हिन, ठीक बीह् स्वर्ग राज रे मणू हिन, अते जंगली घा शैतान रे मणू हिन।

मत्ती 5:37

पर जे तू हाँ चाह्‍ंदा तां हाँ बोल अते नां चाह्‍ंदा तां सिर्फ नां बोल, किजोकी जे किच्‍छ भी इसका जादा हुन्दा से शैतान रे पास्से का हुन्दा।”

लूका 10:22

फिरी यीशु ने तिन्हा चेल्‍लेयां जो बोल्लेया, मेरे पिता जी ने मेरे जो सबणी चीजां पर हक्क दित्ते रा है ते पिता ही जाणदे कि पुत्तर कुण है, ते पुत्तर जो छड्डी करी होर कोई नी जाणदा कि पिता कुण है, या तिन्हेरे जो छड्डी करी से जाणी सकदे जिस जो पुत्तर पिता रे बारे अन्दर दस्सणा चांह्दा

यूहन्ना 14:7

जे तुसा मेरे जो जाणेया हुन्दा, तां मेरे पिता जो भी जाणी लैणा थिया: अते अव्वे तिन्हा जो जाणदे हिन, ते तिन्हा जो दिख्खेया भी है

यूहन्ना 14:9

यीशु ने तिसजो बोल्लेया, ओ फिलिप्पुस, मैं इत्तणे रोज्जे रा तुसा कने है, ते कै तू मेरे जो नी जाणदा? जिनिये मेरे जो दिख्खेया तिसने पिता जो दिख्खेया है तां फिरी तू किजो बोल्लेया करदा है कि पिता जो असा जो दिख्खाओ?

यूहन्ना 16:3

अते तिन्हा ने इय्यां इधेरे तांइ करणा किजोकी तिन्हा ने ना ता स्वर्ग बिच रैह्णे वाले पिता जो जाणेया ते ना ही मेरे जो जाणेया,

यूहन्ना 16:33

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

यूहन्ना 17:21

कि से सब इक्क होंन, तिय्यां ही जिय्यां, ओ पिता जी, तुसा मेरे बिच हिन अते मैं तुसा रे बिच है, से भी असा बिच का इक्क होंन, ताकि दुनिया रे मणू विश्वास करण कि तुसा ने मेरे जो भेज्जेया है।

यूहन्ना 17:3

ते इस तरिक्के कने हमेसा री जिन्दगी जो हासिल कित्तेया जाई सकदा कि मणू इकलौते सच्चे परमेश्वर जो ते यीशु मसीह यानी मेरे जो जाणे जिस जो तुसा दुनिया रे लोक्कां का भेज्जे रा है।

यूहन्ना 8:19

तिन्हा ने तिसजो बोल्लेया, तेरा पिता कुते है? “यीशु ने जवाब दित्ता, ना तुसा मेरे जो जाणदे ते ना पिता जो, जे तुसा मेरे जो जाणदे तां पिता जो भी जाणदे।”

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

1 तीमुथियुस 5:1

कुसकी बुजुर्ग मणू जो बकी करी मती समझांदा, पर तिसजो अपणे प्यो जदेया मन्नी करी समजाए, ते जुआन मुंडेया जो अपणा भ्याल जदेया मन्नी करी समजाए।

तीतुस 2:6

इय्यां ही जुआन मर्दां जो भी समजाया कर कि से सोच्ची-समजी करी बर्ताव करण।

1 यूहन्ना 1:1

असी तिस इक्क रे बारे बिच लिख्खेया करदे हिन जे जिन्दगी दैणे वाला वचन है। से दुनिया रे बणाए जाणे का भी पैल्ले का है। जिस जो असी सूणेया, ते अपणी हाख्खियां कने दिख्खेया, बल्कि जिस जो असी ध्यान कने दिख्खेया ते अपणे हत्थां कने छुत्तेया।

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।

1 यूहन्ना 2:12

ओ बच्चेयों, मैं तुसा जो इधेरे तांइ लिखदा की मसीह यीशु रे नां कने तुसा रे पाप माफ होए रे हिन।

1 यूहन्ना 2:14

ओ बुजुर्ग लोक्कों, मैं तुसा जो इधेरे तांइ लिख्खेया कि जे सुरुआत का है तुसा तिसजो जाणी गेरे हिन, ओ जवानों, मैं तुसा जो इधेरे तांइ लिख्खेया करदा है कि तुसा ताकतवर हिन ते परमेश्वर रा वचन तुसा बिच बणी रैहन्दा, ते तुसा ने शैतान पर जीत हासिल कित्ते री है।

1 यूहन्ना 3:12

असा जो आदम रे पुत्तर कैन सांई नी बणना जे उस शैतान रे पास्से का थिया, ते जिनिए अपणे भ्याल जो मारी रख्खेया, तिसने अपणे भ्याल जो भला किजो मारेया? तिसने इधेरे तांइ इदेया कित्तेया कि तिसेरे कम्म बुरे थिये अते तिसेरे भ्याल रे कम्म धार्मिक थिये।

1 यूहन्ना 4:4

ओ प्यारे बच्चेयों, तुसा परमेश्वर रे मणू हिन, तुसा तिन्हा झूठ्ठे भविष्यद्वक्तां पर जीत हासिल कित्ते री है, किजोकी पवित्रात्मा जे तुसा बिच बसदी से शैतान का जादा ताकतवर है जे इस दुनिया रे लोक्कां पर राज करदा।

1 यूहन्ना 5:18

असा जो पता है कि जे कोई परमेश्वर री औलाद है, से पाप करणा छड्डी दिंदा किजोकी परमेश्वर रा पुत्तर मसीह यीशु तिन्हा लोक्कां जो बचाई रखदा: ते शैतान तिन्हा लोक्कां जो छुई नी सकदा।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।

प्रकाशित वाक्य 12:11

ते तिस “उरणू रे बच्चे” रे खून री वजह कने, अते अपणी गवाई रे वचन री वजह कने, तिस पर जयवन्त होये, अते तिन्हा ने अपणे प्राणां जो प्यारे नी जाणी के, इत्ते तक की मौत भी सहन करी लित्ती।

प्रकाशित वाक्य 2:7

जे सुनणा चाए, से ध्यान कने सुणे कि पवित्रात्मा कलीसियां कने कै बोलदा। जिन्हा लोक्कां ने दुष्ट पर जीत हासिल कित्ती, तिन्हा जो मैं जिन्दगी रे तिस बूट्टे रा फल्ल खाणे तांइ दैणा, जे अब्बे स्वर्ग बिच परमेश्वर रे बगीच्चे बिच है।”