1 यूहन्ना 2:11 - चम्बयाली नौआ नियम

¹¹ पर जे कोई अपणे संगी विश्वासी कने बैर रखदा से मणू बुराई बिच जिन्दगी जिया करदा है, ते न्याहरे बिच है, ते नी जाणदा कि कुते जाया करदा है, किजोकी बुराई ने तिसेरी हाख्खियां बांद्द करी रख्खी री हिन।

1 यूहन्ना 2:11 ပူးပေါင်းရင်းမြစ်များ

यूहन्ना 12:35

यीशु ने तिन्हा जो बोल्लेया, अवे थोड़ी देर तिकर तुसा रे मझाटे है, जां तिकर रौसनी तुसा रे कन्ने है, तां तिकर चलदे रेयो, इय्यां ना हो कि न्याहरा तुसा जो आई घेरे, जे न्याहरे बिच चलदा से नी जाणदा कि कुते जाया करदा है।

यूहन्ना 12:40

“उन्नये उन्हेरी हाख्खी अन्नि ते, उन्हेरा मन कठोर करी दित्तेया रा है, कुते इय्यां ना हो कि ओ हाख्खी कने दिख्ण, ते मन कने समजन, ते फिरण, ते मैं उन्हेरे जो ठीक करां।”

2 कुरुन्थियों 3:14

तिन्हेरी समझ मंद होई गे री है, किजोकी अज्ज तांइ जां से तिस मूसा रे कानून जो पढ़दे, तां से ही परदा तिन्हेरी समझ पर पेई रैहन्दा, पर से परदा वस मसीह यीशु पर विश्वास करणे रे जरिए ही हटदा।

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

2 पतरस 1:9

ते जे अगर कोई मणू इस तरिक्के कने ना जिये तां से अन्ने मणू रे बराबर है ते जे किच्‍छ नी दिख्खी सकदा। से भुल्ली गे रा है कि परमेश्वर ने तिसेरे पाप्पां जो माफ करी दित्ते रा है जे पाप तिसने मसीह बिच विश्वास करणे का पैल्ले कित्ते थिये।

1 यूहन्ना 1:6

जे असी ए बोलण कि असी उसेरे साझी हिन पर असी पाप रे न्याहारे बिच अपणी जिन्दगी जिंदे तां असी झूठ बोल्लेया करदे हिन ते सच रे रस्ते पर नी चलेया करदे हिन,

1 यूहन्ना 2:10

जे कोई अपणे संगी विश्वासी कने प्यार रखदा, से सच्चाई बिच जिन्दगी जिया करदा है, ते तिस बिच इदेय कोई गल्ल नी हुंदी जे दूए मणूआं तांइ पाप करणे री वजह बणे।

1 यूहन्ना 2:9

जे कोई ए बोलदा कि मैं सच्चाई बिच जिन्दगी जिया करदा है पर अपणे संगी विश्वासी कने बैर रखदा, से हल्ले तिकर बुराई बिच जिया करदा है।

1 यूहन्ना 3:15

हर इक्क मणू जे अपणे संगी विश्वासी का नफरत करदा, से खूनी है, अते तुसा जाणदे कि खूनी लोक्कां बिच हमेसा री जिन्दगी नी है।

1 यूहन्ना 4:20

अगर कोई बोल्ले कि, मैं परमेश्वर कने प्यार रखदा पर अपणे संगी विश्वासी कने प्यार ना रख्खो, तां से झूठा है किजोकी जे अपणे संगी विश्वासी कने जिस जो तिनिए दिख्खे रा है, प्यार नी रखदा तां से परमेश्वर कने भी जिस जो तिनिए नी दिख्खेया, प्यार नी रख्खी सकदा।

प्रकाशित वाक्य 3:17

तेरे जो लगदा कि तू बड़ा अमीर है किजोकी तेरे का अपणी जरुरत री हर इक्क चीज है, पर तू ए नी जाणदा कि तू बड़ा अभाग्गा है। किजोकी सच्चाई ए है कि तू गरीब है, तेरे पाणे तांइ कपड़े नी हिन ते तू अह्ना है।