1 यूहन्ना 2:10 - चम्बयाली नौआ नियम

¹⁰ जे कोई अपणे संगी विश्वासी कने प्यार रखदा, से सच्चाई बिच जिन्दगी जिया करदा है, ते तिस बिच इदेय कोई गल्ल नी हुंदी जे दूए मणूआं तांइ पाप करणे री वजह बणे।

1 यूहन्ना 2:10 ပူးပေါင်းရင်းမြစ်များ

मत्ती 13:21

पर से अपणे बिच जड़ नी पकड़ी पाणे री वजह कने थोड़ी ही हाण तांइ हुन्दे, अते जां वचन री वजह कने दुख या कोई मुसीबत आंदी तां से झट ही डगमगाई जांदे।

मत्ती 18:7

अड़चणा री वजहा कने दुनिया पर लाणत है! रुकावट तां आणी ही हिन, पर लाणत तिस मणू पर जिसेरी वजह कने आंदी।

यूहन्ना 11:9

यीशु ने उत्तर दित्तेया, कै दिन रे बारा घटें नी हुदें? अते जे कोई दिन अन्दर चले तां ओ ठोक्कर नी खादां, किजोकी इस दुनिया री रौसनी दिखदा,

यूहन्ना 12:35

यीशु ने तिन्हा जो बोल्लेया, अवे थोड़ी देर तिकर तुसा रे मझाटे है, जां तिकर रौसनी तुसा रे कन्ने है, तां तिकर चलदे रेयो, इय्यां ना हो कि न्याहरा तुसा जो आई घेरे, जे न्याहरे बिच चलदा से नी जाणदा कि कुते जाया करदा है।

यूहन्ना 8:31

तां यीशु ने तिन्हा यहूदी लोक्कां कने ए बोल्लेया जिन्हा ने तिन्हा पर विश्वास कित्तेया थिया, जे तुसा मेरे शिक्षा बिच बणी रैहन्गे, तां हकीकत बिच मेरे चेल्‍ले ठैहरगे।

रोमियों 14:13

इधेरे तांइ, अग्गे का असी इक्क-दूए पर इल्जाम ना लाण, पर तुसा ए पक्का सोच्ची लेयो कि कोई अपणे संगी विश्वासी तांइ पाप करणे री वजह ना बणे।

फिलिप्पियों 1:10

ताकि तुसा जिन्दगी बिच अप्पु तांइ सही चीजां जो चुणी सको ताकि तुसा मसीह यीशु रे हटणे रे दिन तांइ निर्मैल ते बेकसूर रेयो।

2 पतरस 1:10

इधेरे तांइ ओ संगी विश्वासियों, होर भी जादा कोसीस करो कि तुसा इस तरिक्के कने रेयो कि जिस कने लोक्कां जो पता चले कि हकीकत बिच परमेश्वर ने तुसा जो सद्देया ते चुणे रा है। जे अगर तुसा इय्यां करगे, तां तुसा कदी भी परमेश्वर का अलग नी होणा।

1 यूहन्ना 2:11

पर जे कोई अपणे संगी विश्वासी कने बैर रखदा से मणू बुराई बिच जिन्दगी जिया करदा है, ते न्याहरे बिच है, ते नी जाणदा कि कुते जाया करदा है, किजोकी बुराई ने तिसेरी हाख्खियां बांद्द करी रख्खी री हिन।

1 यूहन्ना 3:14

असी जाणदे कि असी हमेसा री मौत रे वस बिच नी हिन ते अवे असा का परमेश्वर रे पास्से का हमेसा री जिन्दगी है किजोकी असी अपणे संगी विश्वासी कने प्यार करदे ते जे मणू प्यार नी करदा, से हमेसा री मौत रे वस बिच हिन।