1 यूहन्ना 1:8 - चम्बयाली नौआ नियम

⁸ जे असी बोलण कि असा बिच कोई पाप नी है तां असी खुद जो धोखा देया करदे हिन अते असा बिच सच्चाई नी है।

1 यूहन्ना 1:8 ပူးပေါင်းရင်းမြစ်များ

यूहन्ना 8:44

तुसा अपणे प्यो शैतान रे पास्से का हिन ते अपणे प्यो री मर्जी जो पूरा करणा चांह्दे, से ता हमेसा का ही खून्नी है, तिसेरा सच्चाई कने कोई लैणा-दैणा नी है, किजोकी सच्चाई तिस बिच है ही नी। जां से झूठ बोलदा, तां अपणी आदत कने ही बोलदा किजोकी से झूठ्ठा है, बल्कि झूठ रा प्यो है।

रोमियों 3:10

जिय्यां कि पवित्रशास्त्र बिच लिख्खे रा है, “कोई भी मणू परमेश्वर रे सामणे धार्मिक नी है, इक्क भी नी।

रोमियों 3:23

किजोकी सारेयां ने पाप कित्तेया ते परमेश्वर री महिमा का दुर होई गेरे हिन।

1 कुरुन्थियों 3:18

जे अगर तुसा बिच कोई अप्पु जो इस जुग रे लोक्कां री नजर बिच अप्पु जो समजदार समजे तां अप्पु जो इस जमाने रे लोक्कां री नजर बिच बेवकूफ भी समजे ताकि तुसा परमेश्वर री नजर बिच भी समजदार बणो।

गलातियों 6:3

किजोकी जे अगर कोई सोचदा कि से कोई खास मणू है पर हकीकत बिच से नी है, तां से अप्पु जो धोख्खा देया करदा है।

1 तीमुथियुस 6:5

जिन्हा लोक्कां री समझ बिगड़ी गे री है, तिन्हा लोक्कां बिच बेकार रे झगड़े हुदें ते से मणू नी समजी सकदे कि सच कै है। से मणू सोचदे कि परमेश्वर री शिक्षा सिखाणा पैसा कमाणे रा जरिया है।

2 तीमुथियुस 3:13

पर दुष्ट ते धोख्खेबाज लोक्कां ने होर भी जादा बुरे कम्म करणे। तिन्हा ने लोक्कां जो धोख्खा दैणा ते तिन्हा ने अप्पु भी लोक्कां धोख्खा खाणा।

याकूब 1:22

ते सिर्फ परमेश्वर रे वचन जो सुनणे वाले मत बणो जे अप्पु जो ही धोखा दिदें, पर तिसजो मनणे वाले भी बणो।

याकूब 1:26

जे अगर कोई अप्पु जो परमेश्वर रे भक्त समजे, ते अपणी जिब्ब पर लगाम ना लाए, अपणे दिल जो धोखा दे, तां तिसेरी भक्ति फिजुल है।

याकूब 3:2

मैं तुसा जो समजाया करदा है कि असा सारेयां का गलतियां हुंदी रैहन्दी पर जे अगर कोई मणू बोलणे बिच कदी कोई गलती ना करो तां से पूरा सही मणू है ते से अप्पु जो पूरा काबू भी करी सकदा।

2 पतरस 2:13

तिन्हा ने जिन्ना नुक्सान कित्ते रा है, तिस तांइ तिन्हेरा ईनाम सिर्फ बर्बादी है। तिन्हा जो सरे-आम अपणी बुरी इच्छा जो पूरा करणा छैल लगदा। चाए से तुसा कने संगती बिच बेई करी रोट्टी ही किजो ना खाया करदे होण, तां भी तिन्हा जो धोख्खा दैणा पसंद है।

1 यूहन्ना 1:10

जे असी बोलदे कि असा रे बिच पाप नी है तां असा परमेश्वर जो झूठा बणान्दे अते असी तिन्हेरे वचन रे हिसाब कने जिन्दगी नी जिन्दे।

1 यूहन्ना 1:6

जे असी ए बोलण कि असी उसेरे साझी हिन पर असी पाप रे न्याहारे बिच अपणी जिन्दगी जिंदे तां असी झूठ बोल्लेया करदे हिन ते सच रे रस्ते पर नी चलेया करदे हिन,

1 यूहन्ना 2:4

जे कोई ए बोलदा कि मैं परमेश्वर जो जाणदा, ते तिन्हेरी गल्लां जो नी मनदा, तां से झूठ्ठा है, तां से सच्चाई रे हिसाब कने जिन्दगी नी जिन्दा।

1 यूहन्ना 4:20

अगर कोई बोल्ले कि, मैं परमेश्वर कने प्यार रखदा पर अपणे संगी विश्वासी कने प्यार ना रख्खो, तां से झूठा है किजोकी जे अपणे संगी विश्वासी कने जिस जो तिनिए दिख्खे रा है, प्यार नी रखदा तां से परमेश्वर कने भी जिस जो तिनिए नी दिख्खेया, प्यार नी रख्खी सकदा।

2 यूहन्ना 1:2

असी तुसा जो प्यार करदे किजोकी असी सच्ची शिक्षा बिच विश्वास करदे ते असा ने हमेसा तिकर तिस शिक्षा बिच बणी रैह्णा।

3 यूहन्ना 1:3

किजोकी मैं बड़ा खुस होया जां किच्‍छ संगी विश्वासियां ने तेरे बारे बिच दस्सेया कि तू किन्नी ईमानदारी कने परमेश्वर री गल्लां जो मन्नी करी जिन्दगी जिंदा।