1 यूहन्ना 1:7 - चम्बयाली नौआ नियम

⁷ पर जिय्यां परमेश्वर रौसनी बिच हिन जे अगर असी भी तिय्यां ही रौसनी बिच जिन्दगी बिताण ते असी परमेश्वर कने अप्पु मिते इक्क-दूए कने मेल-मिलाप रखगे, ते तां मसीह यीशु रे खून ने असा रे पाप्पां का साफ करणा।

1 यूहन्ना 1:7 ပူးပေါင်းရင်းမြစ်များ

मत्ती 6:12

ते जिय्यां असा ने अपणे गुनेह्गार जो माफ कित्तेया, तिय्यां ही तुसा भी असा रे पाप्पां जो माफ करी देयो,

यूहन्ना 1:29

दूए दिन तिसने यीशु जो अपणे पास्से आंदे दिख्खी करी बोल्लेया, “दिख्खो! ए परमेश्वर रा मेमना है, जे दुनिया रे पाप्पां जो मिटाणे तांइ आए रा है।”

यूहन्ना 12:35

यीशु ने तिन्हा जो बोल्लेया, अवे थोड़ी देर तिकर तुसा रे मझाटे है, जां तिकर रौसनी तुसा रे कन्ने है, तां तिकर चलदे रेयो, इय्यां ना हो कि न्याहरा तुसा जो आई घेरे, जे न्याहरे बिच चलदा से नी जाणदा कि कुते जाया करदा है।

यूहन्ना 5:4

किजोकी ठैहराये रे समय पर परमेश्वर रे स्वर्गदूत कुण्ड बिच उतरी करी पाणी जो हिलाया करदे थिये। पाणी हिलदे ही जे पैल्ले कुण्ड बिच उतरी जादां थिया तिसेरी कोई भी बीमारी ठीक होई जादीं थी।

रोमियों 13:12

असा रा इस बुरी दुनिया बिच रैह्णे रा समय तिय्यां ही मुकणे वाला है जिय्यां कि रात मुकणे वाली हुंदी। मसीह यीशु रे हटणे रे समय बड़ा नेड़े है। इधेरे तांइ असा जो न्याहरे रे कम्मां जदेय तिन्हा बुरे कम्म करणा छड्डी दैणे चाएदे, जे कम्म इस दुनिया रे मणू करदे, ते असा जो रौसनी रे ठीक कम्मां जदेय हथियार बन्नी लैणे चाएदे।

1 कुरुन्थियों 6:11

ते तुसा बिच का मते जणे पैल्ले इदेय ही थिये, पर तुसा प्रभु यीशु मसीह ते परमेश्वर रे आत्‍मा ने तुसा रे पाप साफ कित्ते गे ते तुसा पवित्र ते धार्मिक भी ठैहराया।

इफिसियों 1:7

परमेश्वर ने असा जो मसीह रे खून बहाई करी कुर्बानी दैणे रे जरिये छुटकारा दित्ते रा है, जिसेरा मतलब ए है कि असा रे पाप माफ होई गेरे हिन किजोकी परमेश्वर रा अनुग्रह इन्ना महान है जे तिन्हा ने असा पर बड़ा जादा कित्ते रा है।

इफिसियों 5:8

तुसा पैल्ले न्याहरे बिच जीणे वाले मणूआं सांई थिये, पर अवे तुसा रौसनी रे मणू हिन किजोकी तुसा परमेश्वर रे मणू हिन। इधेरे तांइ रौसनी रे मणूआं सांई जिन्दगी जियो।

1 तीमुथियुस 6:16

ते सिर्फ से ही हिन जिन्हा ने हमेसा तांइ रैह्णा, से इन्नी जादा चमकदार रौसनी बिच रैह्‍न्दे। कुसकी मणू ने तिन्हा जो कदी नी दिख्खेया ते ना ही दिख्खी सकदा, तिन्हेरी महिमा ते ताकत हमेसा-हमेसा तांइ रैह्णी। आमीन!

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

इब्रानियों 9:14

पर मसीह रा बेकसूर खून असा रे विवेक जो असा रे पाप्पां, जे असा री मौत री वजह बणदे, तिन्हा का साफ करदे, ताकि असी जिन्दे परमेश्वर री अराधना करी सकण। किजोकी पवित्रात्मा री ताकत रे जरिये मसीह ने अप्पु जो इक्क सिद्व कुर्बानी रे तौर पर परमेश्वर जो अर्पित करी दित्तेया।

याकूब 1:17

किजोकी हर इक्क बदिया वरदान ते उत्तम दान परमेश्वर रे पास्से का ही हुदां, ते अम्बरे रे चाँद-तारेयां जो बणाणे वाले पिता परमेश्वर रे पास्से का मिलदा जे हमेसा इक्क जदेय रैहन्दे ते कदी भी नी बदलदे।

1 यूहन्ना 1:3

असा ने तिसजो दिख्खेया अते सूणेया है अवे तुसा जो भी यीशु का सुब बसेख देया करदे हिन ताकि तुसा भी असा रे कने साझी होई जाओ असा रा ए सांझा परम पिता परमेश्वर अते उन्हेरे पुत्तर मसीह यीशु कने है।

1 यूहन्ना 1:5

असा ने मसीह यीशु का जे सुब बसेख सूणेया है, से ए है, अते इसजो ही असा तुसा जो सुणाया करदे हिन: परमेश्वर रौसनी सांई शुद्व है ते उस बिच न्याहरे सांई बुराई नी है।

1 यूहन्ना 5:6

यीशु मसीह बपतिस्मा लैणे रे जरिए ते सुली पर कुर्बानी दैणे रे जरिए परमेश्वर रे पुत्तर बिच ज़ाहिर होया थिया। सिर्फ बपतिस्मा लैण रे जरिए ही नी पर सुली पर अपणी जान दैणे रे जरिए भी, ते पवित्रात्मा ए गवाई दिंदा कि मसीह यीशु परमेश्वर रे पास्से का रे हिन ते तिन्हेरी गवाई सच्ची है किजोकी पवित्रात्मा सच है।

1 यूहन्ना 5:8

पवित्रात्मा, पाणी जे मसीह यीशु रे बपतिस्मे जो दर्शांदे, खून जे तिन्हेरी मौत जो दर्शांदा, ते त्रै ही इक्क ही गवाई दिंदे।

2 यूहन्ना 1:4

मैं बड़ा खुस होया जां मैं सूणेया कि तुसा रे बच्चे तिस सच्चाई रे हिसाब कने जिन्दगी जिया करदे हिन जिस जो मनणे रा हुकम परमेश्वर ने असा जो दित्ते रा है।

3 यूहन्ना 1:4

मेरे तांइ इसका जादा होर कोई खुसी री गल्ल नी हुंदी जां मैं सूणदा कि जिन्हा जो मैं अपणे बच्चेयां सांई मनदा से परमेश्वर री गल्लां जो मन्नी करी जिन्दगी जिया करदे हिन।

प्रकाशित वाक्य 1:5

ते मसीह यीशु रे पास्से का भी, जिन्हेरी गल्लां रा असी भरोस्सा करी सकदे। से ही हिन जे सबका पैल्ले मरणे का बाद मुर्देयां बिच का जिन्दे होई गे ते से दुनिया रे सारे राज्जेयां रे राज्जे हिन।

प्रकाशित वाक्य 12:11

ते तिस “उरणू रे बच्चे” रे खून री वजह कने, अते अपणी गवाई रे वचन री वजह कने, तिस पर जयवन्त होये, अते तिन्हा ने अपणे प्राणां जो प्यारे नी जाणी के, इत्ते तक की मौत भी सहन करी लित्ती।

प्रकाशित वाक्य 7:14

मैं तिसजो जवाब दित्तेया, ओ मेरे स्वामी, मैं ता नी जाणदा तुसा ही जाणदे। तिसने मेरे जो बोल्लेया, ए मणू जिन्हा ने चिट्टे कपड़े पाए रे हिन, ए से ही मणू हिन जे तिस बड़े वरी मुसीबतां ते जुल्मां रे समय रे दौरान मरी गे थिये। ए से मणू हिन जिन्हा ने अप्पु जो “उरणू” री कुर्बानी रे जरिये सुच्चा कित्तेया।