1 यूहन्ना 1:6 - चम्बयाली नौआ नियम

⁶ जे असी ए बोलण कि असी उसेरे साझी हिन पर असी पाप रे न्याहारे बिच अपणी जिन्दगी जिंदे तां असी झूठ बोल्लेया करदे हिन ते सच रे रस्ते पर नी चलेया करदे हिन,

1 यूहन्ना 1:6 ပူးပေါင်းရင်းမြစ်များ

मत्ती 7:22

हिसाब-किताब रे रोज मते जह्णेयाँ ने मेरे जो पूच्छेया प्रभु जी, ओ प्रभु जी! कै असा तुसा रे नां कने भविष्यवाणी नी कित्ती? कै तुसा रे नां कने दुष्टात्मा नी कड्डियां अते कै असा तुसा रे नां कने मते सारे चिन्ह-चमत्कार नी दिखाए?

यूहन्ना 11:10

पर जे कोई रात्ती चले तां तिसजो ठोकर लगदी, किजोकी तिन्हा का रौसनी नी है।

यूहन्ना 12:35

यीशु ने तिन्हा जो बोल्लेया, अवे थोड़ी देर तिकर तुसा रे मझाटे है, जां तिकर रौसनी तुसा रे कन्ने है, तां तिकर चलदे रेयो, इय्यां ना हो कि न्याहरा तुसा जो आई घेरे, जे न्याहरे बिच चलदा से नी जाणदा कि कुते जाया करदा है।

यूहन्ना 12:46

मैं दुनिया बिच रौसनी होई करी आए रा है, ताकि जे कोई मेरे पर विश्वास करे, ओ न्याहरे बिच ना रे

यूहन्ना 8:12

तां यीशु ने तिन्हा मणूआं जो बोल्लेया, दुनिया री रौसनी मैं है, ते जे कोई मेरे मेरी गल्लां मन्नी करी मेरे पीच्छे चलगा, तिनिये पाप रे न्याहरे बिच नी रैह्णा, पर तिसका हमेसा री जिन्दगी री रौसनी होणी।

यूहन्ना 8:55

तुसा तां तिन्हा जो नी जाणदे: पर मैं तिन्हा जो जाणदा, पर जे अगर मैं बोल्लां कि मैं तिन्हा जो नी जाणदा, तां मैं तुसा सांई झूठ्ठा ठैहरणा, पर मैं तिन्हा जो जाणदा ते तिन्हेरी शिक्षा जो मनदा।

1 तीमुथियुस 4:2

झूठ्ठी शिक्षां दैणे वाले मणू कपट हिन। तिन्हा जो इस गल्ल री सुद्ध नी रैह्णी कि से जे करेया करदे हिन से सही भी है या नी, बिल्कुल तिय्यां ही जिय्यां कि भखदे लोहे कने फुकित्ते री चमड़ी सुन्न होई जांदी।

याकूब 2:14

ओ मेरे संगी विश्वासियों, जे अगर कोई बोल्ले कि मेरे जो मसीह यीशु बिच विश्वास है पर से तिसेरे हिसाब कने लोक्कां कने ठीक कम्म ना करदा हो, तां फिरी तिसेरे विश्वास करणे रा कोई फैदा नी। इदेया विश्वास तिसजो छुटकारा नी देई सकदा?

याकूब 2:16

ते तुसा बिच का कोई तिन्हा जो ए बोल्ली करी बिदा करे, “सांती कने जाओ तुसा निग्गे रेयो ते रजी रेयो,” पर तिन्हा जो तिन्हेरे जरुरत री चीजां ना दे तां कै फैदा?

याकूब 2:18

पर कोई बोल्ले, “तू विश्वास करदा, ते मैं ठीक कम्म करदा।” पर मैं बोलदा कि तू अपणा विश्वास मिन्जो बगैर ठीक कम्मां रे साबित करी के दिखा; ते मैं अपणा विश्वास अपणे ठीक कम्मां रे जरिये तिज्जो साबित करी के दिखांदा।

1 यूहन्ना 1:10

जे असी बोलदे कि असा रे बिच पाप नी है तां असा परमेश्वर जो झूठा बणान्दे अते असी तिन्हेरे वचन रे हिसाब कने जिन्दगी नी जिन्दे।

1 यूहन्ना 1:3

असा ने तिसजो दिख्खेया अते सूणेया है अवे तुसा जो भी यीशु का सुब बसेख देया करदे हिन ताकि तुसा भी असा रे कने साझी होई जाओ असा रा ए सांझा परम पिता परमेश्वर अते उन्हेरे पुत्तर मसीह यीशु कने है।

1 यूहन्ना 1:8

जे असी बोलण कि असा बिच कोई पाप नी है तां असी खुद जो धोखा देया करदे हिन अते असा बिच सच्चाई नी है।

1 यूहन्ना 2:4

जे कोई ए बोलदा कि मैं परमेश्वर जो जाणदा, ते तिन्हेरी गल्लां जो नी मनदा, तां से झूठ्ठा है, तां से सच्चाई रे हिसाब कने जिन्दगी नी जिन्दा।

1 यूहन्ना 4:20

अगर कोई बोल्ले कि, मैं परमेश्वर कने प्यार रखदा पर अपणे संगी विश्वासी कने प्यार ना रख्खो, तां से झूठा है किजोकी जे अपणे संगी विश्वासी कने जिस जो तिनिए दिख्खे रा है, प्यार नी रखदा तां से परमेश्वर कने भी जिस जो तिनिए नी दिख्खेया, प्यार नी रख्खी सकदा।