1 यूहन्ना 1:3 - चम्बयाली नौआ नियम

³ असा ने तिसजो दिख्खेया अते सूणेया है अवे तुसा जो भी यीशु का सुब बसेख देया करदे हिन ताकि तुसा भी असा रे कने साझी होई जाओ असा रा ए सांझा परम पिता परमेश्वर अते उन्हेरे पुत्तर मसीह यीशु कने है।

1 यूहन्ना 1:3 ပူးပေါင်းရင်းမြစ်များ

यूहन्ना 17:11

अवे मैं दुनिया बिच नी रैह्णा, अवे मैं तुसा का आया करदा है, पर मेरे चेल्‍लेयां ने इस दुनिया बिच रैह्णा, ते मैं तुसा का आई जाणा, ओ पवित्र पिता, अवे अपणे उस नां री ताकत कने तिन्हेरी रक्षा कर जे तुसा ने मेरे जो दित्तेया है, ताकि जिय्यां मैं ते तुसा इक्क हिन, से भी इक्क होई सकण।

यूहन्ना 17:21

कि से सब इक्क होंन, तिय्यां ही जिय्यां, ओ पिता जी, तुसा मेरे बिच हिन अते मैं तुसा रे बिच है, से भी असा बिच का इक्क होंन, ताकि दुनिया रे मणू विश्वास करण कि तुसा ने मेरे जो भेज्जेया है।

यूहन्ना 17:25

ओ धार्मिक पिता, दुनिया रे लोक्कां ने मेरे जो नी जाणेया पर मैं तुसा जो जाणेया ते मेरे चेल्‍लेयां ने भी जाणेया कि तुसा ने मेरे जो भेज्जे रा है।

यूहन्ना 17:3

ते इस तरिक्के कने हमेसा री जिन्दगी जो हासिल कित्तेया जाई सकदा कि मणू इकलौते सच्चे परमेश्वर जो ते यीशु मसीह यानी मेरे जो जाणे जिस जो तुसा दुनिया रे लोक्कां का भेज्जे रा है।

यूहन्ना 19:35

जिनिये ए दिख्खेया थिया, तिसेरी गवाई सच्ची है अते से जाणदा है कि से सच बोल्लेया करदा है, ताकि तुसा भी विश्वास करो।

प्रेरितां रे कम्म 13:32

ते असी तुसा जो तिस वादे रे बारे बिच, जे पूरखां कने कित्तेया गेया थिया, ए सुब बसेख सुणांदे हिन।

प्रेरितां रे कम्म 13:41

ओ बेजती करणे वालेयों, दिख्खो, ते हैरान होई करी खत्म होई जाओ, किजोकी मैं तुसा रे जुग बिच इक्क इदेया कम्म करदा, कि जे कोई तुसा कने तिसेरी चर्चा करण, तां तुसा कदी विश्वास नी करणा

प्रेरितां रे कम्म 2:42

ते से प्रेरितां का शिक्षा पाणे, ते सगंती रखणे, ते प्रभु भोज मनाणे, ते प्रार्थना करणे बिच मगन रे।

प्रेरितां रे कम्म 20:27

किजोकी मैं तुसा जो परमेश्वर री से सारी गल्लां दसणे का नी झिझकेया जे से तुसा जो दसणा चाह्‍ंदे।

प्रेरितां रे कम्म 4:20

किजोकी ए तां असा का होई नी सकदा कि जे किच्‍छ असा ने दिख्खेया ते सुणे रा ओ से ना बोलण

रोमियों 15:27

तिन्हा ने ए सब किच्‍छ अपणी मर्जी कने कित्तेया। से यरुशलेम रे विश्वासियां रे कर्जदार हिन। किजोकी जां गैर यहूदी विश्वासियां ने यरुशलेम रे विश्वासियां रे जरिये परमेश्वर रे सुब बसेख री आत्मिक आशीषां जो हासिल कित्तेया, तां तिन्हा जो ए महसूस हुंदा कि तिन्हेरी आर्थिक मदद करी के तिन्हेरा कर्जा चुकाई दैण।

1 कुरुन्थियों 1:30

पर परमेश्वर ने तुसा लोक्कां रा रिस्ता मसीह यीशु कने जोड़ेया, ते मसीह यीशु रे जरिये से असा जो अपणा ज्ञान दिंदे, परमेश्वर असा जो अपणी नजर बिच धार्मिक ठैहरांदे। असी मणू मसीह यीशु रे जरिये पवित्र ठैहराये गेरे हिन ते असा जो पाप का अजाद करदे।

1 कुरुन्थियों 1:9

परमेश्वर अपणी हर इक्क गल्ल बिच भरोस्सेमंद हिन, ते तिन्हा ने अपणे पुत्तर प्रभु यीशु मसीह कने तुसा रा रिस्ता जोड़णे तांइ सद्दे रा है।

1 कुरुन्थियों 15:1

ओ संगी विश्वासियों, अवे मैं तुसा जो तिस ही सुब बसेख रा चेत्ता दुआंदा जे मैं पैल्ले सूणाई चुके रा है, जिस पर तुसा ने विश्वास भी कित्तेया थिया ते जिस बिच तुसा मजबूत भी हिन।

2 कुरुन्थियों 13:14

असा रे प्रभु यीशु रा अनुग्रह, ते परमेश्वर रा प्यार ते पवित्रात्मा री संगती, तुसा सबणी कने बणी रेयो।

इफिसियों 3:6

ते से राज़ ए है कि मसीह यीशु रा सुब बसेख सुनणे ते तिन्हा कने रिस्ता बणने री वजह कने गैर यहूदी लोक्कां जो भी विरासत बिच हिस्सा मिलणा। से अवे मसीह रे सरीर रा इक्क हिस्सा बणी गेरे हिन जे कलीसिया है। ते तिन्हा सारी चीजां बिच तिन्हेरा हिस्सा भी है जिसेरा वादा परमेश्वर ने यहूदी लोक्कां कने कित्तेया थिया।

फिलिप्पियों 1:7

खरा होणा कि मैं तुसा सबणी तांइ इदेय सोच रख्खां, किजोकी मैं तुसा कने बड़ा वरी प्यार रखदा, किजोकी तुसा मेरे कने ए सौभाग्य परमेश्वर रे अनुग्रह कने हासिल कित्ते रा है, अब्बे भी जां मैं कैद बिच है ते मसीह रे सुब बसेख पर उठणे वाले सवाल्लां रा जवाब दैणे ते तिसजो साबित करणे बिच भी।

फिलिप्पियों 2:1

हालांकि तुसा मसीह यीशु रे मणू होणे रे वजह कने उत्साहित, तुसा जो मसीह रे प्यार कने तसल्ली मिल्ले री है, तुसा जो पवित्रात्मा कने सहभागिता मिल्ले री है, ते मसीह तुसा तांइ करुणामयी ते दयावान रे,

फिलिप्पियों 3:10

मैं ए चाह्‍ंदा कि मैं मसीह जो जाणी लेयां ते तिन्हेरी तिस मरे रे बिच का जी उठणे री ताकत रा अनुभव करां जिस कने से फिरी जिन्दे होई गे थिये, ते तिन्हेरे सांई दुख सैह्णे ते तिन्हेरे सांई बणने ते तिस्सी तरिक्के कने मरणे रे जरिये जिय्यां से मरे थिये।

कुलुस्सियों 1:13

किजोकी परमेश्वर ने अप्पु ही तिन्हेरे पुत्तर री कुर्बानी रे जरिये, असा जो छुटकारा दित्तेया, यानी पाप्पां री माफी दित्ती, ते असा जो शैतान रे काबू का छुड़ाया। ते अपणे प्यारे पुत्तर रे राज बिच लेई आए।

1 थिस्सलुनीकियों 1:10

अते स्वर्ग का परमेश्वर रे पुत्तर मतलब यीशु रे हटणे री भाल करो, जिस जो परमेश्वर ने मरे रेयां बिच का जिंदा कित्तेया अते तिन्हा ने ही परमेश्वर रे आणे वाले न्याय का असा जो बचाणा।

1 तीमुथियुस 6:2

ते जे अगर कुसकी विश्वासी रा मालिक भी कोई विश्वासी है, तां से तिन्हा जो अपणे संगी विश्वासी होणे री वजह कने तुच्छ ना समजे बल्कि से तिन्हेरी होर भी जादा सेवा करेया करे किजोकी से मालिक जिन्हा जो अपणे गुलाम्मां का फायदा मिलदा, से अपणे गुलाम्मां रे संगी विश्वासी होणे री वजह कने तिन्हा कने बड़े ठीक ते भरोस्सेमंद हिन। सारेयां जो ए गल्लां मनणा सिखांदा रेय।

इब्रानियों 2:12

मसीह, परमेश्वर जो इस बारे बिच ए बोलदे, “मैं अपणे लोक्कां जो तुसा रे ठीक कम्मां रे बारे बिच दसणा, जां से मणू तुसा री अराधना तांइ कठिंदे तां मैं तुसा री बड़ाई करणी।”

इब्रानियों 3:1

इधेरे तांइ मेरे संगी विश्वासियों, तुसा जे परमेश्वर रे हिन, परमेश्वर ने तुसा जो स्वर्ग बिच हमेसा री जिन्दगी रे हिस्सेदार बणने तांइ सद्दे रा है। मसीह यीशु पर ध्यान लाई रख्खो, जे असा तांइ परमेश्वर रे पास्से का भेज्जे गेरे प्रेरित ते प्रधान पुरोत्त हिन।

इब्रानियों 3:14

जे अगर असी परमेश्वर बिच विश्वास करणे अंदर आखिर तिकर तिय्यां ही मजबूत बणे रे, जां तिस बेल्ले थिये जा असी पैल्ली वरी तिन्हा बिच विश्वास कित्तेया थिया, तां असा जो मसीह री हर चीज बिच हिस्सा मिलणा।

1 पतरस 5:1

तुसा रे कलीसिया रे बुजुर्ग लोक्कां कने मैं इक्क संगी मुखिया ते मसीह पर होए जुल्मां रा इक्क इदेया गवाह होणे रे नात्ते, जिनिये तिन्हेरी महिमा बिच हिस्सेदार भी होणा ए बिनती करदा,

2 पतरस 1:16

जां असी प्रेरितां ने तुसा जो मसीह यीशु री ताकत ते तिन्हेरे हटणे रे बारे बिच दस्सेया थिया, तां असी तुसा जो चलाकी कने कोई मनघड़ंत कहाणी नी थिये सुणांदे। बल्कि असी मसीह री महिमा दिख्खे री है।

1 यूहन्ना 1:1

असी तिस इक्क रे बारे बिच लिख्खेया करदे हिन जे जिन्दगी दैणे वाला वचन है। से दुनिया रे बणाए जाणे का भी पैल्ले का है। जिस जो असी सूणेया, ते अपणी हाख्खियां कने दिख्खेया, बल्कि जिस जो असी ध्यान कने दिख्खेया ते अपणे हत्थां कने छुत्तेया।

1 यूहन्ना 1:5

असा ने मसीह यीशु का जे सुब बसेख सूणेया है, से ए है, अते इसजो ही असा तुसा जो सुणाया करदे हिन: परमेश्वर रौसनी सांई शुद्व है ते उस बिच न्याहरे सांई बुराई नी है।

1 यूहन्ना 1:7

पर जिय्यां परमेश्वर रौसनी बिच हिन जे अगर असी भी तिय्यां ही रौसनी बिच जिन्दगी बिताण ते असी परमेश्वर कने अप्पु मिते इक्क-दूए कने मेल-मिलाप रखगे, ते तां मसीह यीशु रे खून ने असा रे पाप्पां का साफ करणा।