1 यूहन्ना 1:1 - चम्बयाली नौआ नियम

¹ असी तिस इक्क रे बारे बिच लिख्खेया करदे हिन जे जिन्दगी दैणे वाला वचन है। से दुनिया रे बणाए जाणे का भी पैल्ले का है। जिस जो असी सूणेया, ते अपणी हाख्खियां कने दिख्खेया, बल्कि जिस जो असी ध्यान कने दिख्खेया ते अपणे हत्थां कने छुत्तेया।

1 यूहन्ना 1:1 ပူးပေါင်းရင်းမြစ်များ

लूका 1:2

यीशु री सेवकाई री सुरुआत रे बारे बिच से ही गल्लां लिख्खी जे तिन्हा ने तिन्हा लोक्कां का सुणी जिन्हा ने ए सब किच्‍छ अपणी हाख्खियां कने दिख्खेया थिया ते बाद बिच जे मणू मसीह रे सेवक भी बणी गे थिये।

लूका 24:39

मेरे हत्थां अते पैरां जो दिख्खो ते मेरे जो छुह्ई लियो, कि मैं ही है, अते किजोकी कुसकी भूत बिच मास ते हड्डियाँ नी हुंदी जिय्यां कि तुसा मेरे जो दिखदे हिन।

यूहन्ना 19:35

जिनिये ए दिख्खेया थिया, तिसेरी गवाई सच्ची है अते से जाणदा है कि से सच बोल्लेया करदा है, ताकि तुसा भी विश्वास करो।

यूहन्ना 20:27

फिरी यीशु ने थोमा जो बोल्लेया, अपणी उंगली पाई करी मेरे हत्थ दिख्ख, अपणा हत्थ चौड़ा कर अते मेरी बख्ख बिच पा, शक करणा छड्ड अते विश्वास कर।

यूहन्ना 5:26

किजोकी जिस तरिक्के बाबा अप्पु अन्दर जिन्दगी रखदा तिसी तरिक्के तिसने पुत्तर जो भी ए हक्क दितेरा है कि अप्पु बिच जिन्दगी रखे

यूहन्ना 8:58

यीशु ने तिन्हा जो बोल्लेया, मैं तुसा जो सच-सच बोलदा, कि अब्राहम रे पैदा होणे रे पैल्ले का भी मैं है।

प्रेरितां रे कम्म 1:3

ते तिन्हा ने दुख झेलणे रे मरणे का बाद अप्पु जो अपणे प्रेरितां रे सामणे पक्के सबुतां कने ए साबित कित्ता कि से फिरी मरे रे लोक्कां बिच का जिन्दे होई गेरे हिन, ते चाली दिनां तिकर से तिन्हा सामणे प्रकट हुंदे रे, ते परमेश्वर रे राज री गल्लां करदे रे।

प्रेरितां रे कम्म 4:20

किजोकी ए तां असा का होई नी सकदा कि जे किच्‍छ असा ने दिख्खेया ते सुणे रा ओ से ना बोलण

इब्रानियों 2:3

तां फिरी असी ए किय्यां सोच्ची सकदे कि जे अगर असी इस छुटकारे रे बसेख री ना-फरमानी करी के बची सकदे, जे मसीह ने अप्पु दित्तेया। असा जो ए बसेख तिन्हा लोक्कां ने दित्तया, जिन्हा ने तिन्हा जो ए सब दसदे सूणेया थिया।

1 यूहन्ना 4:14

ते असा ने पुत्तर जो अपणी हाख्खियां कने दिख्खी भी लित्ता ते गवाई दिन्दे कि पिता परमेश्वर ने पुत्तर जो दुनिया रे लोक्कां रा छुटकारा दैणे वाला बणाई करी के भेज्जे रा है।

1 यूहन्ना 5:7

ते मसीह यीशु री गवाई दैणे वाले त्रै हिन,

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 1:8

प्रभु परमेश्वर बोलदे, “मैं ही अल्फा ते ओमेगा है, यानी मैं ही सुरुआत ते आखिर भी मैं ही है। मैं ही सबका ताकतवर है, मैं थिया, मैं है ते मैं ही आणे वाला भी है।”

प्रकाशित वाक्य 19:13

से खून छिड़के रे चोग्गे पाए रे है, ते तिसेरा नां परमेश्वर रा वचन है।

प्रकाशित वाक्य 2:8

तिन्हा ने मेरे जो ए भी बोल्लेया, “ए बसेख स्मुरना सहर री कलीसिया रे स्वर्गदूत जो लिख्ख, मैं सुरुआत ते आखिर है। मैं इक्क वरी मरेया, पर अवे मैं जिन्दा है, ते हमेसा-हमेसा तांइ जिन्दा ही रैह्णा। जे मरी गेया थिया, अते अवे जिंदा होई गे रा है। मैं तुसा जो ए बोल्लेया करदा है,